YAWHAN 1:16 - Jinghpaw Common Language Bible 2009

¹⁶ Shi gaw chyeju hte hpring tsup nga ai hte maren shi anhte nlang hte hpe shaman ya mi ai rai nna, chyeju htap mi hte htap mi lu la saga ai.

Jinghpaw Hanson Version Bible

¹⁶ Kaning rai nme law, anhte mahkra gaw, shi a hkum tsup ai hta na, chyeju htap mi hta htap mi, lu la saga ai.

YAWHAN 1:16 ပူးပေါင်းရင်းမြစ်များ

SHAKAWN KUNGDAWN 84:7

Shanhte hkawm sa mat wa magang n-gun atsam grau nna jat la lu nga ma ai; Ziun Bum ntsa e, karai ni a Karai hpe shanhte wa mu lu na mara ai.

ZEHKARIA 4:7

Bum ni zawn sumpum ai dingbai dingna ni gaw na a man kaw nna hkoi mat wa na ra ai. Nang gaw Nawku Htingnu hpe bai gaw gap ai shaloi magum nlung mara da na rai ndai; amyu masha ni mung, ‘Tsawm htap ai, tsawm htap ai!,’ nga nna jahtau tsun na mara ai.

MAHTE 13:12

Hpa majaw nga yang, lu ai wa kadai hpe mung naw jat jaw na rai nna, shi hta law htam wa na rai nga ai; rai ti mung n lu ai wa kaw na chyawm gaw shi lu ai kachyi mi hpe pyi naw la kau ya na ra ai.

MAHTE 3:11

Nanhte myit malai lu sai lam madun na matu ngai nanhte hpe hka hta hkalup jaw made ai, rai ti mung, nye a hpang e du sa na ra ai wa gaw nanhte hpe Chyoi Pra ai Wenyi hta mung, wan hte mung hkalup jaw na myit dai. Shi gaw ngai hta grau galu kaba nga ai rai nna, shi a kyepdin gun na pyi ngai n ging n dan nngai.

MAHTE 3:14

Rai ti mung Yawhan gaw, Yesu a myit ai lam galai kau ya na matu, “Ngai mahtang she nang kaw nna hkalup hkam la na ra nga nngai, nang mahtang ngai kaw du sa rin ni?,” ngu nna shi hpe hkap ndang let tsun wu ai.

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.

ROMA 5:17

Masha langai mi tawt lai ai yubak mara a majaw si hkrung si htan up hkang ai lam hpe byin pru wa shangun ai gaw teng nga ai. Rai ti mung kaga masha langai mi ngu ai Yesu Hkristu galaw ai amu a majaw byin pru wa ai akyu gaw gade wa grau kaba nga a hka! Karai Kasang a n taw n tsang re ai chyeju hpe mung, Karai Kasang a man e ding hpring ai wa tai lu ai chyeju ahkaw ahkang hpe mung, hkam la lu ai ni nlang hte gaw Yesu Hkristu hta asak hkrung ai hte up hkang nga lu na mara ai.

ROMA 5:2

Anhte Madu Yesu Hkristu hpe kam sham ga ai rai nna shi gaw Karai Kasang anhte hpe gade chyeju hkam sha shangun ai lam wa mu chye shangun mi ai. Dai chyeju hta ya anhte hkrung nga ga ai. Dai rai nna Karai Kasang a hpung shingkang hpe hkam la lu na myit mada let anhte kabu gumrawng nga ga ai.

ROMA 5:20

Dai Jep ai Tara tawn da ai majaw shut hpyit ai amu law jat wa nga ai; rai ti mung yubak mara law jat wa yang Karai Kasang a chyeju mung grau nna law jat wa nga ai.

ROMA 8:9

Rai ti mung, nanhte a hkum shan myit e hkang ai hku n re ai sha nanhte hta Wenyi nan shanu nga yang gaw Wenyi e hkang ai hku galaw hkawm sa myit mang lu na rai myit dai. Kadai rai ti mung Hkristu a Wenyi n rawng ai wa gaw Hkristu hte n seng nga ai.

EHPESU 1:23

Dai hpung gaw yawng mayawng hpe jahpring shatsup ya ai wa a hkum tsup ngu ai Hkristu a hkum hkrang rai nga ai.

EHPESU 3:19

Rai sa shi a tsaw ra myit hpe gaw, galoi mung tsep kawp chye lu na n rai, rai ti mung, nanhte gaw shi a tsaw ra myit hpe chye chyang wa nna Karai Kasang nan hkum dingnum nanhte hta e shanu nga u ga, ngu nna akyu hpyi nngai.

KOLOSE 1:19

Hpa majaw nga yang, Karai Kasang shi nan a myit ra daw dan ai hte maren, Kasha wa gaw shi hta Karai Kasang a marai hkum hpring tsup hkra hkam la nu ai.

KOLOSE 2:3

Shi gaw Karai Kasang a makoi magap da ai hpaji byeng-ya nlang hte hte chye chyang ai lam ting hpe hpaw dan ai zaw si rai nga ai.

1 PETRU 1:11

Dai hkye hkrang la ai hte seng ai chyeju gaw gara aten aprat hta gara lai hku nna du sa na ra ai lam hpe tam shakut ma ai. Shanhte hta shanu nga ai Hkristu a Wenyi gaw dai aten hta Hkristu hkam na rai nga ai nni nkri lam hpe mung, shing rai hkam ngut ai hpang hkam la na rai nga ai hpung shingkang hpe mung tau hkrau nna madun dan da nga sai.

1 PETRU 1:2

Shi a Wenyi hta chyoi pra ai amyu masha shatai la nna, Yesu Hkristu a ga madat mara na hte shi a sai hte shachyoi shapra la na matu Kawa Karai Kasang a moi kaw nna shatawng shada da sai hte maren nanhte hpe lata la manit dai. Chyeju hte ngwi pyaw ai gaw nanhte hta hpring tsup nga malit ga law.