YAWHAN 1:12 - Jinghpaw Common Language Bible 2009

¹² Rai ti mung nkau mi shi hpe hkap la kam sham ma ai rai nna, shi gaw shanhte hpe Karai Kasang a kasha ni tai lu ai ahkang jaw mu ai.

Jinghpaw Hanson Version Bible

¹² Shi a amying ningsang hpe kamsham ai ni ngu ai, shi e hkap la mala ni hpe, Karai Kasang a kashu kasha tai lu na ahkang shi jaw mu ai:

YAWHAN 1:12 ပူးပေါင်းရင်းမြစ်များ

2 SAMUELA 7:24

Nang gaw Israela hpe htani htana na a amyu masha majing shatai la nga nit dai; dai rai nna Madu e, nang gaw shanhte a Karai Kasang tai nga nit dai.

ESAIA 56:5

na a mying gaw nye a Nawku Htingnu hta mung, nang kashu kasha lu ai rai yang dai ni hta grau nna, nye a amyu masha ni a lapran ni hta adum nga na mara ai. Nang gaw galoi mung malap kau hkrum na n rai nga ndai,” ngu nna tsun nga ai.

YEREMIA 3:19

Dai Madu gaw, “Israela e, ngai gaw nang hpe nye a kasha zawn hkap la mayu nngai ngai gaw nang hpe mungkan ting hta awng sharawng mai ai hte grau nna tsawm htum ai mungdan hpe jaw nngai. Ngai gaw nang hpe ngai hpe wa ngu shaga shangun mayu ai hte ngai kaw na galoi mung bai n kayin mat wa shangun mayu nngai.

HOSEA 1:10

Israela amyu masha ni mung n dang hti, n dang shadawn lu hkra re ai panglai zaibru zawn tai wa na mara ai. Ya chyawm gaw Karai Kasang shanhte hpe, “Nanhte gaw nye a amyu masha ni n rai nga myit dai,” ngu nna tsun ai. Rai ti mung, dai nhtoi du du wa ai shaloi shi gaw shanhte hpe, “Nanhte gaw ahkrung nga ai Karai Kasang a kashu kasha ni rai nga myit dai!,” ngu nna tsun na ra ai.

MAHTE 10:40

Nanhte hpe hkap hkalum la ai wa kadai mung, ngai hpe shangun dat ai wa hpe hkap hkalum la ai wa rai nga ai.

MAHTE 12:21

Masha amyu ni yawng mung, shi hta myit mada shara lu la na mara ai,” nga ai rai nga ai.

MAHTE 18:5

Ndai ma kaji zawn re ai wa langai mi hpe, nye a mying hpe tau nna hkap la ai wa kadai mung, ngai hpe hkap la nga ai.

YAWHAN 1:11

Mungga gaw shi a buga mungdan de du sa ra ai, rai ti mung shi a amyu bawsang ni shi hpe n hkap la ma ai.

YAWHAN 1:7

Karai Kasang a mungga hpe masha yawng na la nna kam sham wa mu ga nga, dai wa gaw dai nhtoi a lam sakse hkam ya na matu du sa ai.

YAWHAN 11:52

Shing rai si hkam ai lam gaw dai amyu a matu sha n rai, shara shagu hkan bra nga ai Karai Kasang a amyu masha ni hpe langai sha di nna, shinggyin jahpawng da na matu si hkam lu na re ai, ngu nna mung myihtoi ga hte tsun ai, rai nga ai.

YAWHAN 2:23

Dai Shalai wa ai Poi nhtoi ni a laman e Yerusalem mare hta shi naw nga nga yang, shi madun ai lamik kumla ni hpe mu lu ma ai majaw masha law law wa shi hpe kam sham wa ma ai.

YAWHAN 20:31

Rai ti mung, Yesu gaw Karai Kasang a Kasha ngu ai Meshia rai nga ai hpe, nanhte kam sham lu nna, shi hpe kam sham ai a marang e asak hkrung ai lu la myit ga, ngu nna ndai hte wa ka tawn da nga ai.

YAWHAN 3:18

Shi hpe kam sham ai wa kadai mung tara dara ai n hkrum lu ai, n kam n sham ai wa chyawm gaw Karai Kasang a Kasha shingtai hpe n kam n sham ai majaw, ya e pyi tara dara ai hkrum nga ai.

KASA 3:16

Shi a mying nsang a atsam gaw ndai lagaw hten ai wa hpe n-gun lagaw jaw nu ai. Shi a amying nsang hpe kam sham ai a marang e, ya nanhte mu chye ai lam hpe shabyin dat sai. Nanhte yawng mu chye lu ai hte maren Yesu hpe kam sham ai hte chyu sha dai wa hpe shamai shatsai ya sai rai nga ai.

ROMA 8:14

Karai Kasang a Wenyi e lam madun woi awn ai hta hkan nang ai ni yawng mayawng hte gaw Karai Kasang a kasha ni rai nga ma ai.

ROMA 8:16

Anhte Karai Kasang a kashu kasha ni rai nga ga ai lam Karai Kasang a Wenyi nan anhte a Wenyi hte rau sakse hkam tsun shana shabra ya mi ai.

ROMA 8:19

Karai Kasang gaw shi a kasha ni paw pru na ra ai lam ni hpe hpan da hkrum ai mungkan ting gaw myit n dawt ai hte ala nga ma ai.

GALATI 3:26

Hpa majaw nga yang, Hkristu Yesu hta e kam sham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

GALATI 4:6

Ya nanhte gaw Karai Kasang a kasha ni rai nga ai hpe sakse madun na matu “Wa e, nye Wa e,” nga nna shaga chye ai shi a kasha a Wenyi hpe anhte a kraw lawang kata de shangun dat nu ai.

KOLOSE 2:6

Nanhte gaw Hkristu Yesu hpe Madu ngu nna hkap la manit dai hte maren, shi hta e asak hkrung hkawm sa nga mu.

2 PETRU 1:4

Ndai lam hku nna grai galu kaba nna hpu ging ai chyeju kumhpa hte seng ai ga sadi ni anhte hpe jaw da mani ai. Dai rai nna ndai chyeju ni a marang e anhte gaw mungkan ga na jahten shabyak shangun ai myit marin ai lam kaw nna lawt lu nna Karai a marai hpe shang lawm dagraw lu myit dai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.

1 YAWHAN 3:2

Tsaw ra ai ni e, anhte ya e Karai Kasang a kashu kasha ni rai nga ga ai, rai tim hpang de anhte hpa mi tai na dan leng hkra garai n chye lu ga ai: rai ti mung Hkristu dan pru ai shaloi anhte shi hte bung na ga ai, hpa majaw nga yang shi nan teng teng rai nga ai hpe anhte mu lu na gaw ai.

1 YAWHAN 3:23

Shi anhte hpe hkang da ai lam gaw, anhte shi a kasha Yesu Hkristu hpe kam sham nna Hkristu anhte hpe hkang da mi ai hte maren shada da tsaw ra nga na lam rai nga ai.