YAKU 5:9 - Jinghpaw Common Language Bible 2009

⁹ Nye a hpu nau ni e nanhte Karai Kasang e daw dan ai n hkrum myit ga, nanhte shada da mara shagun aput angun hkum galaw myit, Tara agyi wa gaw du magang ra ai rai nna dan pru na jin jin rai nga sai.

Jinghpaw Hanson Version Bible

⁹ Hpunau ni e, nanhte dawdan ai n hkrum myit ga, shada da hkum aput angun nga myit; yu mu, tara agyi wa gaw, chyinghka makau e a tsap nga ai.

YAKU 5:9 ပူးပေါင်းရင်းမြစ်များ

NINGPAWT NINGHPANG 4:7

Nang jaw ai amu galaw yang gaw nang myi man hpaw lu na rai nga ndai, rai ti mung nang gaw n hkru n shawp ai amu galaw kau nit dai majaw yubak gaw na a chyinghka e makun hpum nga ai. Dai gaw nang hpe up hkang mayu ti mung, dai hpe nang awng dang kau lu ndai,” ngu nna tsun wu ai.

SHAKAWN KUNGDAWN 59:15

gwi ni zawn lusha a matu brak hkawm nga ma ai hte lusha shahpa law law shanhte n mu tam ai shaloi, ngoi garu nga ma ai.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

JAW JAU 19:18

Kadai hpe mung matai hkum htang myit; masin n si hkraw ai myit hkum rawng myit; na a htingbu wa hpe na a hkum hte maren tsaw ra lu na rai ndai. Ngai gaw dai Madu rai nga nngai.

MAHTE 24:33

Dai hte maren, nanhte gaw dai byin wa ai lam yawng hte hpe mu myit dai shaloi, dai ahkying aten gaw ni ra ai rai nna, dai Masha Kasha du na jin jin rai sai hpe chye na nga mu.

MARKU 13:29

Dai hte maren, tsun lai wa sai lam ni byin hpang wa ai hpe nanhte mu ai shaloi, dai Masha Kasha du sa na aten ni ra ai, du sa na jin nga chyalu rai sai hpe chye nga mu.

MARKU 6:19

Dai majaw Herodia gaw Yawhan hpe n ju da wu ai hte sat kau mayu wu ai, rai ti mung Herod a majaw shi hpa n di lu wu ai.

1 KORINHTU 10:11

Ndai lam ni mahkra shanhte hta byin wa ai gaw, kaga masha ni a matu shari tai na matu rai nna, anhte hpe shadum shahprang sadi jaw na matu ka da nga ai. Hpa majaw nga yang, anhte gaw mungkan aprat htum na ni wa ai ten hta sa pra ang ai ni rai nga ga ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

2 KORINHTU 9:7

Lahpawt ai myit hte mung n rai, jaw ra ai lit a majaw sha mung n re ai sha, langai hte langai gaw tinang a kraw lawang e myit da ai hte maren jaw u ga; hpa majaw nga yang, Karai Kasang gaw kabu gara ai myit hte jaw ya ai wa hpe tsaw ra nga ai.

GALATI 5:14

Hpa majaw nga yang, “Na a htingbu wa hpe na a hkum hte maren tsaw ra u,” nga ai hkang da ai ga langai mi hpe hkan shatup ai hte jep ai Tara ting hpe shadik lu ai lam tai sai.

GALATI 5:26

Anhte gaw kaman lila grang gumrawng nna shada da jahte tam ai hte shada manawn masham hkum rai nga ga.

YAKU 4:11

Hpu nau ni e, nanhte shada da mara tam dinglun ai lam hkum galaw myit; tinang a Hkristan hpu nau wa langai mi hpe mara tam dinglun ai, shing n rai jeyang ai wa kadai mung dai Tara hpe mara tam dinglun ai hta n ga, dai hpe jeyang ai wa mung rai nga ai. Nanhte gaw Tara hpe jeyang myit yang gaw, dai Tara hpe madat mara hkan sa ai ni n rai, dai hpe jeyang ai ni sha rai manit dai.

YAKU 4:12

Karai Kasang chyu sha tara jaw ai wa hte jeyang lu ai wa rai nga ai. Shi chyu sha hkye hkrang la ai hte jahten kau ai wa rai nga ai. Na a htingbu wa hpe jeyang ai wa nang gaw kadai wa, rai nga ndai ngu nna nang myit nga n ta?

YAKU 5:10

Nye a hpu nau ni e, Madu a mying ningsang hte htawn tsun ai myihtoi ni a lam hpe myit dum sum ru yu mu; nni nkri hkrum ai shaloi myit galu ai hte hkam sharang ai hpe kasi ningli la mu.

YAKU 5:7

Dai re ai majaw hpu nau ni e, dai Madu du sa ai du hkra hkam sharang nga mu. Yi sun hkauna galaw sha ai wa langai mi gaw shi a lamu ga kaw na hpu ging ai nsi naisi ni shapraw ya na ra ai hpe gara hku ala nga ai hpe yu yu mu! Shi gaw myit galu ai hte marang nhpaw hte marang shadoi htu ai ten du hkra ala nga ai.

1 PETRU 4:5

Rai ti mung shanhte gaw hkrung nga ai ni hte si mat ai ni hpe tara daw dan na matu shajin tawn nga ai Karai Kasang a man de shanhte nan a jahpan dan lu na rai ma ai.

1 PETRU 4:9

Aput apai n nga ai sha, nanhte shada da manam hkalum ai lam hta ra n rawng hkra galaw daw nga mu.

SHINGRAN 3:20

Yu u! Ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai ti mung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.