YAKU 5:8 - Jinghpaw Common Language Bible 2009

⁸ Nanhte mung dai zawn myit galu let hkam sharang nga mu. Nanhte a myit mada ai lam hpe shangang shakang mu; hpa majaw nga yang Madu bai du sa na nhtoi gaw ni wa magang ra ai.

Jinghpaw Hanson Version Bible

⁸ Nanhte mung shakut sharang nga mu; dai Madu a bai du na gaw ni wa magang ra ai majaw, nanhte a myit hpe shangang shakang da mu.

YAKU 5:8 ပူးပေါင်းရင်းမြစ်များ

NINGPAWT NINGHPANG 49:18

“Madu e, ngai gaw na a hkye hkrang la ai lam hpe ala nga nngai.

SHAKAWN KUNGDAWN 130:5

Ngai gaw dai Madu a karum la ai lam hpe myit mada let ala nga nngai; shi a mungga hpe ngai kam hpa nga nngai.

SHAKAWN KUNGDAWN 27:14

Madu hpe kam hpa nga u. Kam sham nga u, myit hkum htum et; Madu hpe kam hpa nga u.

SHAKAWN KUNGDAWN 37:7

Dai Madu a man e amu sha nga nga nna shi shabyin ya na lam hpe ala nga u; n hkru n shawp ai ni a yaw shada ai lam ni hta awng dang wa nna, ngamu ngamai wa ai ni hpe hkum yu tsang nga et.

EZEKELA 7:12

Aten gaw du wa ra ai. Karai Kasang a sindawng kahtet ai gaw masha shagu a ntsa de maren sha di hkrat bun na ra ai majaw, dut mari ai amu loi mi pyi lachyum n pru ai nhtoi gaw ni wa nga sai.

MIHKA 7:7

Rai ti mung ngai gaw dai Madu hpe azi yu nga na nngai; ngai hpe hkye hkrang la ai Karai Kasang hpe kamhpa ai hte ngai ala nga na nngai. Nye a Karai Kasang gaw nye a ga madat ya na ra ai.

HABAKU 2:3

Dai hpe ka tawn u, hpa majaw nga yang dai gaw teng teng byin wa na aten garai n du nga ai. Rai ti mung aten gaw alawan du nga sai, ngai nang hpe madun ai lam gaw teng wa na ra ai. Dai du wa na aten gaw lanyan ai zawn rai nga ai, rai ti mung dai hpe la nga u; dai gaw teng teng byin wa na ra ai, dai gaw na taw nga na ra ai n rai.

LUKA 21:19

Nanhte gaw dakring dalang rai ngang ngang tsap nga mu, shaloi nanhte hkye hkrang la ai hkrum na marin dai.

YAWHAN 21:22

Yesu gaw, “Ngai du sa ai nhtoi du hkra ngai shi hpe asak hkrung nga shangun mayu yang, hkrung nga shangun na nngai, dai nang hte hpa seng a ta? Nang gaw nye a hpang hkan nang rit!,” ngu nna htan wu ai.

ROMA 8:25

Rai ti mung n mu lu ai mahtang hpe myit mada nga ga yang gaw, dai hpe anhte hkam sharang ai hte ala nga ga ai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

HPILIPI 4:5

Nanhte a sumnung shingdi ai myit hpe masha yawng a man e madun dan mu. Dai Madu du sa na ten ni magang ra ai.

1 HTESALONI 1:10

sumsing lamu de na du sa na ra ai Karai Kasang a Kasha hpe ala nga myit dai hpe mung, dai masha ni yawng tsun kajai nga ma ai. Dai Kasha Yesu gaw, si mat ai kaw na Karai Kasang e hkrung sharawt la nna, du na ra ai Karai Kasang a pawt sindawng ai kaw na anhte hpe mawai la ai wa rai nga ai.

1 HTESALONI 2:19

Anhte a Madu Yesu bai du sa ai shaloi, shi a man e kaga kadai n rai, nanhte hpe sha mahta nna anhte a myit mada shara, kabu gara shara hte awng dang ai lam a matu gumrawng na janmau rai nga ai.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

2 HTESALONI 3:5

Nanhte gaw Karai Kasang a tsaw ra myit hpe grau nna chye na wa na matu hte, Hkristu jaw ai hkam sharang ai myit hpe grau chye na wa na matu mung, dai Madu gaw nanhte hpe woi awn nga u ga.

YAKU 5:3

Nanhte a ja hte gumhpraw ni hta nhkan jung mat nga ai rai nna dai nhkan gaw nanhte nhtan shai ai maga na sakse tai na ra ai rai nna nanhte a hkum shan hpe wan zawn sha kau na ru ai. Nanhte gaw ndai hpang jahtum na nhtoi ni hta e sut gan mahkawng sumpum da manu ai.

YAKU 5:9

Nye a hpu nau ni e nanhte Karai Kasang e daw dan ai n hkrum myit ga, nanhte shada da mara shagun aput angun hkum galaw myit, Tara agyi wa gaw du magang ra ai rai nna dan pru na jin jin rai nga sai.

1 PETRU 4:7

Arai yawng mayawng a hpang jahtum ai aten gaw ni wa magang ra ai, Dai re ai majaw nanhte gaw akyu hpyi lu na matu tinang hkum hpe hkang da nna su hprang let majen maja nga mu.

SHINGRAN 22:20

Ndai lam hte hpe sakse hkam ya ai wa gaw, “Kaja wa rai sai! Ngai alawan du na ring ngai!,” nga ai. Amen. Madu Yesu e yu wa rit law!