YAKU 5:7 - Jinghpaw Common Language Bible 2009

⁷ Dai re ai majaw hpu nau ni e, dai Madu du sa ai du hkra hkam sharang nga mu. Yi sun hkauna galaw sha ai wa langai mi gaw shi a lamu ga kaw na hpu ging ai nsi naisi ni shapraw ya na ra ai hpe gara hku ala nga ai hpe yu yu mu! Shi gaw myit galu ai hte marang nhpaw hte marang shadoi htu ai ten du hkra ala nga ai.

Jinghpaw Hanson Version Bible

⁷ Dai re ai majaw, hpunau ni e, dai Madu bai du ai du hkra shakut sharang nga mu law. Yu mu, sun galaw ai wa gaw, ga a asau asi hpe ala nga ai rai nna, marang nhpaw hte hpang shadoi na marang dai hta e htu shaya ai du hkra, shakut sharang nga ai.

YAKU 5:7 ပူးပေါင်းရင်းမြစ်များ

YEREMIA 5:24

Shaning shagu nmut ta aten hta, nshung shang marang hte ginhtawng shang marang ni hpe ngai jahtu ya ti mung, ngai hpe shagrau sha-a na matu nang galoi mung n myit dum nga ndai.

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

YOELA 2:23

Ziun a amyu masha ni e, kabu gara nga mu, dai Madu nanhte a Karai Kasang nanhte a matu galaw ya sai amu hta kabu sharawng nga mu. Shi gaw nanhte hpe aten ram ai marang nhpaw jaw manit dai; shi gaw nshung marang hpe mung, marang shadoi hpe mung, shawng de na hte maren, nanhte a matu jahtu ya nga sai.

ZEHKARIA 10:1

Marang shadoi htu ai aten e, marang htu na matu dai Madu kaw hpyi mu; Dai Madu gaw marang sumwi hte marang mahpawng jahtu dat nna, langai hte langai a matu yi hkauna ni hpe tsit lali shangun nga ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 16:28

Ngai nanhte hpe teng teng tsun made ga, nang e tsap nga ai ni nkau mi, dai Masha Kasha gaw Hkawhkam hku du sa wa ai hpe garai n mu mu gaw, si ai n hkrum na ma ai,” ngu mu ai.

MAHTE 24:27

Hpa majaw nga yang, sinpraw maga kaw nna sinna maga du hkra lamu ting hpe htoi shangun ai myihprap gala ai zawn dai Masha Kasha du sa na ra ai.

MAHTE 24:44

Dai rai nna nanhte galoi mung jin jin rai nga mu: hpa majaw nga yang, nanhte n myit mada ai ahkying hta e dai Masha Kasha du sa na ra ai.

LUKA 18:8

Nanhte hpe ngai tsun made ga, shanhte hpang maga alawan tara dara ya na mu ai. Rai ti mung Masha Kasha du sa ai nhtoi hta, ndai mungkan ntsa e makam masham nga nga ai hpe mu lu na a kun?,” ngu mu ai.

LUKA 21:27

Dai shaloi e Masha Kasha gaw, daru magam atsam, hpung shingkang kaba hte nawng, sumwi hta du sa ai hpe shanhte mu na mara ai.

LUKA 8:15

Ga sau kaja ai hta hkrat ai nli tum ni gaw, dai mungga hpe na la nhtawm, kaja ai hte madat mara ai myit masin kraw lawng hta lashum lanoi rai nna asi si ai ten du hkra hkam sharang ai ni hpe ngu ai rai nga ai.”

YAWHAN 21:22

Yesu gaw, “Ngai du sa ai nhtoi du hkra ngai shi hpe asak hkrung nga shangun mayu yang, hkrung nga shangun na nngai, dai nang hte hpa seng a ta? Nang gaw nye a hpang hkan nang rit!,” ngu nna htan wu ai.

YAWHAN 21:23

Dai majaw dai sape gaw si na n rai, nga ai ga gaw, Yesu a hpang hkan nang ai hpu nau ni hta chyam bra mat wa ai. Rai ti mung dai sape hpe n si na re ngu nna Yesu tsun ai n rai, “Ngai du sa ai nhtoi du hkra, shi hpe ngai asak hkrung nga shangun mayu yang mung, nang hte hpa seng a ta?,” nga nna tsun ai sha rai nga ai.

ROMA 15:4

Chyum Laika hta ka da mada hte gaw anhte hpe sharin achyin na matu rai nga ai. Shing rai anhte gaw Chyum Laika hta na lu la ai hkam sharang ai lam hte myit n-gun lu la shangun ai lam a majaw myit mada shara lu la na lam rai nga ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

1 KORINHTU 1:7

Dai re ai majaw, anhte a Madu Yesu Hkristu dan pru na ra ai hpe ala nga let nga nga yang, nanhte n hkam sha lu ai shaman chyeju ngu na langai mi pyi n nga ai sha yawng hkum dingnum hkam la lu na myit dai.

GALATI 5:5

Anhte chyawm gaw, Karai Kasang a Wenyi a atsam hta kam hpa let kam sham ai a marang e Karai Kasang a man e ding hpring ai ngu nna sawn ya ai ahkaw ahkang hpe lu la na ga ai ngu nna myit mada ala nga ga ai.

GALATI 6:9

Dai rai nna kaja ai amu galaw na anhte n hki n sang nga ga; hpa majaw nga yang, anhte myit n yaw, myit n daw ga yang gaw, aten ladaw du jang anhte dan la na raga ai.

TARA JAHPRANG 11:14

Nanhte hkan galaw myit yang gaw nanhte a matu nsi naisi, sabyi ntsin hte tsanlun sau re ai ni hpe shu la lu hkra mung, nanhte a yam nga hpung ni a matu tsingdu tsingman ni hpe mung mahpawng hpaw marang, hpang shadoi htu marang shi jahtu ya na ra ai.

KOLOSE 1:11

Dai rai nna nanhte hkrum hkra wa ai lam shagu hpe myit galu kaba ai hte hkam sharang lu na matu, shi a hpung shingkang rawng ai n-gun atsam a marang e nanhte hpe n-gun lagaw shaja myit ga.

1 HTESALONI 1:3

Hpa majaw nga yang, nanhte a makam masham hta ta tut gara hku hkan sa nga myit dai hpe mung, nanhte a tsaw ra ai myit a majaw gade daram amu galaw shakut shaja nga myit dai hpe mung, Madu Yesu Hkristu hta nanhte a myit mada ai lam gade ngang kang nga malit dai hpe mung, anhte a Wa Karai Kasang a man e anhte myit dum nga ga ai.

1 HTESALONI 2:19

Anhte a Madu Yesu bai du sa ai shaloi, shi a man e kaga kadai n rai, nanhte hpe sha mahta nna anhte a myit mada shara, kabu gara shara hte awng dang ai lam a matu gumrawng na janmau rai nga ai.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

HEBRE 6:15

Abraham gaw hkam sharang ai hte ala nga ai majaw Karai Kasang a ga sadi hte seng ai sali wunli hpe hkam la nu ai.

YAKU 4:11

Hpu nau ni e, nanhte shada da mara tam dinglun ai lam hkum galaw myit; tinang a Hkristan hpu nau wa langai mi hpe mara tam dinglun ai, shing n rai jeyang ai wa kadai mung dai Tara hpe mara tam dinglun ai hta n ga, dai hpe jeyang ai wa mung rai nga ai. Nanhte gaw Tara hpe jeyang myit yang gaw, dai Tara hpe madat mara hkan sa ai ni n rai, dai hpe jeyang ai ni sha rai manit dai.

YAKU 5:10

Nye a hpu nau ni e, Madu a mying ningsang hte htawn tsun ai myihtoi ni a lam hpe myit dum sum ru yu mu; nni nkri hkrum ai shaloi myit galu ai hte hkam sharang ai hpe kasi ningli la mu.

YAKU 5:3

Nanhte a ja hte gumhpraw ni hta nhkan jung mat nga ai rai nna dai nhkan gaw nanhte nhtan shai ai maga na sakse tai na ra ai rai nna nanhte a hkum shan hpe wan zawn sha kau na ru ai. Nanhte gaw ndai hpang jahtum na nhtoi ni hta e sut gan mahkawng sumpum da manu ai.

2 PETRU 3:4

Anhte a kawa ni si mat wa masai; rai ti mung arai yawng mayawng gaw, mungkan ga hpe hpan da ai aten na hte maren sha arai nga a hka!,” nga nna san na ma ai.