YAKU 5:5 - Jinghpaw Common Language Bible 2009

⁵ Ndai ga ntsa e nanhte a asak hkrung lam gaw hkum hkrang myit masin hpe shangwi shapyaw ya ai arung arai kaja ni hte pyaw daw lam hkrai hpring chyat rai nga malit dai. Nanhte gaw sat kau hkrum na nhtoi a matu nanhte a hkum ni hpe hpum sau hkra kawn da nga myit dai.

Jinghpaw Hanson Version Bible

⁵ Nanhte gaw ga ntsa e shakawng n dawng rai nga ai hte, pyaw daw hkrai kadaw myit dai; sat ai shani hta e, nanhte gaw tinang a myit hpe kawn da manit dai.

YAKU 5:5 ပူးပေါင်းရင်းမြစ်များ

SHAKAWN KUNGDAWN 17:14

Ndai prat hta shanhte ra mara mahkra hkam la lu ai ni a lata kaw nna, ngai hpe hkye hkrang la e; shanhte a matu, nang mahkawng da ya sai nni nkri lam ni hte shanhte hpe ari jaw u. Dai hpe shanhte a kashu kasha ni alaw ahtam hkam sha mu ga hte matut nna shanhte a shu mashi shu masha ban prat du hkra hkam sha nga mu ga.

SHAKAWN KUNGDAWN 73:7

Shanhte a myit masin gaw n hkru n shawp ai lam hpe ru jaw dat nna; shanhte a kraw lawang ni gaw n hkru n shawp ai hku maw mawn ai hte kyin nga ma ai.

GA SHAGAWP 17:1

Myit sim myit sa hte muk jahkraw n-gup mi sha lu ai gaw ru yak tsin-yam hte hpring ai nta na lusha poi kaba hta shang lawm ai hta grau nna kaja nga ai.

GA SHAGAWP 7:14

“Dai ni nye a shagu hkungga ni hpe ngai lajang da ni ai, shagu hkungga kaw na shan hpe mung lu da nga nngai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

ESAIA 22:13

Shing rai na malai, nang gaw mani sumsai hte masat poi galaw nga ndai. Nang gaw sha na matu sagu, dumsu ni sat nna sabyi lu nga ndai. Nang gaw, “Anhte mung sha ga, lu ga! Hpawt ni sha anhte si wa na saga ai,” ngu nna tsun ndai.

ESAIA 3:16

Dai Madu gaw, “Yu u, Yerusalem numsha ni kade wa gumrawng gumtawng nga ma hka! Shanhte gaw shanhte a baw ni sharawt nhtawm hkawm sa ma ai. Shanhte gaw galoi mung apyaw sha hkalem sha nga ma ai. Shanhte gaw lagaw lahkam kaji sha hte nawt sa nhtawm shanhte a lagaw lahkawn ni mung sharat nga ai.

ESAIA 47:8

“Pyaw daw kadaw ai hpe tsaw ra ai wa e, ndai lam madat u, nang gaw shim nga nngai ngu nna myit nga ndai. Nang gaw Karai Kasang zawn galu kaba nna, nang zawn re ai wa mi kadai n nga nga ai, nga nna tsun ndai. Nang gaw gaida jan langai zawn galoi mung byin na n rai, na a kashu kasha ni mat mat ai nni nkri hpe galoi mung hkam sha na n rai, nga nna nang myit nawn la nga ndai.

ESAIA 56:12

Ndai chyaru ya ni gaw, ‘Anhte sabyi ntsin shapraw ga, anhte dang lu ai made yawng lu ga! Hpawt ni pyi gaw dai ni na hta grau pyaw na ra ai!,’” ngu nna tsun ma ai.

YEREMIA 12:3

Rai ti mung, Madu e, nang gaw ngai hpe chye ndai; Ngai hpa galaw ai hte ngai nang hpe kade daram tsaw ra nga ai hpe nang mu ndai. Ndai n hkru ai amyu masha ni hpe sat na sagu ni hpe zawn dun garawt mat wa u; shanhte hpe sat kau na aten ladaw da ai du hkra shanhte hpe sin da u.

YEREMIA 25:34

Ningbaw ni e hkrap nga mu, nye a amyu masha ni hpe bau rem ai ni e, ja ja marawn hkrap nga mu! Yawn hkyen sharung shayawt ai hte ga nhpu e galwi nga mu. Nang hpe sat kau na aten du ra ai rai nna, sagu la ni hpe zawn nang sat kau ai hkrum na rai ndai.

EZEKELA 16:49

Shanhte gaw nhpaw n-ya lu sha nna ngwi pyaw sim sa ai hte shanu nga ma ai majaw, shi hte shi a shayi sha ni gumrawng gumtawng nga ma ti mung, matsan mayan ni hte ahkaw ahkang tup hkrak n lu ai ni hpe n gawn n sawn di ma ai.

EZEKELA 39:17

Tsaw Htum ai dai Madu gaw ngai hpe, “Si chye ai masha wa e, ntsa malen u ni hte matse labye dusat dumyeng mahkra hpe shanhte a matu lajang da ya nga ai shagu hkungga sa sha na matu shara shagu de na sa zup na saw shaga dat u. Dai gaw Israela bum ni a ntsa na kaba htum ai lusha poi rai na ra ai; shanhte gaw shan sha lu nna asai mung lu lu na mara ai.

AMO LAIKA (AMOS) 6:1

Nanhte a matu Ziun hta ndai zawn ngwi pyaw ai asak hkrun lam lu la ai hte Samari mung e sim sa shim ai lam hkam sha lu ai, ndai galu kaba ai Israela amyu baw a galu kaba ai ningbaw ni kaw karum la na matu sa du ai masha ni gaw nanhte a matu kade wa hkrit hpa rai na rai nga a hka!

LUKA 16:19

“Kalang mi na sahti wa langai mi nga ai. Shi gaw, hpu ging dik ai, hpun palawng bu hpun nna shani shagu pyaw pyaw ning ngai nga ai.

LUKA 16:25

“Shaloi Abraham gaw, Sha e, nang gaw naw hkrung nga ai aten hte yang, na a ngamu ngamai ai yawng hkam la lu nit dai hpe mung, Lazaru gaw dai ten hte yang, tsin-yam tsindam hkrum nga ai mung, dum nga u; ya gaw shi nang e pyaw pyaw ningngai nga nu ai, nang mahtang gaw nji nmu hkrum nga lit dai.

ROMA 13:13

Anhte gaw tang pyaw lam hkan ai hte chyaru nang ai, shawa num gaswi ai, hte ngang kayut ai, ga law ga la ai hte manawn masham ai hpe n hkan ai sha, shani chyingtung a nhtoi hta hkawm sa ai ni zawn anhte ahkawm nga ga.

1 TIMOHTI 5:6

Rai ti mung arawn alai hten nna pyaw hpa lam sha tam ai gaida jan chyawm gaw, shi naw hkrung nga ninglen chyasi rai nga ai.

2 TIMOHTI 3:4

mayun gumlau ai ni, sadi n dung nna kam mara re ai ni, myit tsaw myit dap nna gumrawng myit kaba ai ni rai nna, shanhte gaw Karai Kasang hpe tsaw ra na malai tinang a pyaw daw lam hpe grau ra sharawng ai ni rai na mara ai.

2 PETRU 2:13

Shanhte gaw masha kaga ni hpe hkrum sha shangun ai baw nni nkri shanhte hpe bai htang jaw ai hkrum na mara ai: shanhte gaw shani chyingtung e pyi shanhte a hkum shan a pyaw daw lam shadik na matu gaw shanhte a pyaw hpa lam rai nga malu ai, shanhte gaw nanhte hte rau lu sha ai hpawng ni hta rau shang lawm ai majaw nanhte a matu kaya kahpa hte arawng hpoi ai lam byin shangun nga ai. Shanhte gaw galoi mung hkalem ai lam ni galaw ai hta grai pyaw dum ma ai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.

SHINGRAN 18:7

Tinang hkum hpe shagrau shareng nna ningngai lu sai shadawn shadang hte maren, shi hpe dai yawn hkyen ai hte nni nkri lam htang jaw mu. Hpa majaw nga yang, shi gaw, ‘Ngai hkawhkam jan nang e hkaw dung nga nngai! Ngai gaida jan n rai, ngai galoi mung yawn hkyen ai n hkrum na nngai!,’ nga nna tinang dai atsun nga ai.

1 SAMUELA 25:36

Abigala mung hkawhkam wa a matu lusha poi galaw ai zawn shi a nta e poi galaw nga ai Nabala hpang de nhtang wa wu ai. Shi gaw chyaru nang nna grai pyaw nga ai majaw, hpang jahpawt du hkra hpa n tsun ai sha nga nga wu ai.

1 SAMUELA 25:6

Shi gaw Nabala hpe ning ngu sa tsun na matu matsun dat wu ai: “Nye a manang wa e, nang mung, na a dinghku masha ni mung, nang hte seng maseng ni yawng hte mung, Dawi gaw shi a shakram ga ni hte mai kaja htum ai akyu hpyi ga ni hte nang hpang de shakram shana dat wu ai.