YAKU 5:3 - Jinghpaw Common Language Bible 2009

³ Nanhte a ja hte gumhpraw ni hta nhkan jung mat nga ai rai nna dai nhkan gaw nanhte nhtan shai ai maga na sakse tai na ra ai rai nna nanhte a hkum shan hpe wan zawn sha kau na ru ai. Nanhte gaw ndai hpang jahtum na nhtoi ni hta e sut gan mahkawng sumpum da manu ai.

Jinghpaw Hanson Version Bible

³ Nanhte a aja hte gumhpraw hta pyi nhkan jung ma ai rai nna, de a nhkan mung, nanhte a mara maga de sakse hkam ya ai hte, nanhte a hkum shan hpe wan zawn, sha kau na ru ai. Nanhte gaw hpang jahtum ai nhtoi ni hta e sutgan mahkawng da manu ai.

YAKU 5:3 ပူးပေါင်းရင်းမြစ်များ

NINGPAWT NINGHPANG 31:48

Laban gaw Yaku hpe, “Ndai nlung sumpum gaw an lahkawng a matu myit dum sakse tai nga na ra ai,” ngu nna tsun wu ai. Dai rai nna dai shara hpe Galeda ngu nna shamying mu ai.

NINGPAWT NINGHPANG 31:52

Ndai nlung sumpum hte dai masat dingsat nlung lahkawng gaw myit dum shangun ai masat ni rai nga ai. Ngai mung ndai sumpum hta lai nna nang hpe galoi mung sa gasat na n rai; nang mung ngai hpe gasat na, ndai sumpum hte masat dingsat nlung hta na galoi mung lai lu na n rai.

NINGPAWT NINGHPANG 49:1

Yaku gaw shi a shadang sha ni hpe shaga la nna, “Nang e grup rai wa hpawng yu mu; du na ra ai aten nanhte hta hpa byin wa na lam, ngai nanhte hpe tsun dan made ga:

YOBA 16:8

Nang gaw ngai hpe rim la nit dai, nang gaw nye a gumlau wa rai nga ndai. Ngai gaw hpyi hte nra ni sha rai nga nngai. masha ni gaw ngai hpe mara a sakse hku mu nga ma ai.

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

YEREMIA 19:9

Gumlau hpyen ni gaw mare hpe wang tawn da nna dai mare masha ni hpe sat kau na matu shakut na mara ai. Hpyen ni mare hpe wang shing grup tawn ai gaw hkrit tsang shara rai nga ai majaw, mare kata e nga ai masha ni gaw langai hte langai sha n-ga, shanhte a kashu kasha ni hpe pyi, sha kau na mara ai,” ngu nna tsun ai.

MIHKA 3:3

Nanhte gaw nye a amyu masha ni hpe sha kau myit dai. Shanhte a ahpyi ni hpe gawng kau nna nrut nra ni hpe daw kahtum kau nhtawm di bu hta shadu na matu shan azat ai zawn, shanhte hpe azat kau nga myit dai.

MIHKA 4:1

Du na ra ai aten ni hta, Nawku Htingnu dung ai bum gaw yawng hta tsaw htum ai shara tai nna, kawng ni yawng hta grau tsaw na ra ai. Masha amyu baw law law ni dai shara de htaw bang na mara ai,

KASA 2:17

‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta, nye a Wenyi ngai ru jaw na nngai. Nanhte a shayi shadang sha ni, myihtoi htoi na mara ai. Nanhte a brang ram ni shingran mu nna nanhte a ding la ni yup mang mu na mara ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

2 TIMOHTI 2:17

Shing nga nna sharin achyin ai lam gaw hkum shan hpe sha jahtum kau ya ai mawng ana hte sha bung nga ai. Shing nga nna sharin achyin ai ni hta lawm ai masha lahkawng gaw, Humeni hte Hpiletu yan rai ma ai.

YAWSHU 24:27

Shi gaw amyu masha ni yawng hpe, “Ndai nlung gaw anhte a sakse tai nga na rai nga ai. Dai Madu anhte hpe tsun ai ga yawng mayawng na la saga ai; dai rai nna, nanhte a Karai Kasang hpe n gumlau kau myit ga, dai gaw nanhte a matu sakse tai na ra ai,” ngu nna tsun wu ai.

2 PETRU 3:3

Dai jahtum ai nhtoi ni hta tinang a hkum shan a kayut ai a myit ra ai hku hkan let asak hkrung ai masha ni paw pru na mara ai hpe yawng a shawng e nanhte chye na da ra myit dai. Shanhte gaw nanhte hpe jahpoi asawng let, “Dai Madu bai du sa na nga nna ga sadi jaw da ai n rai ni? Ya shi kanang rai nga a ta?

SHINGRAN 17:16

Bai, nang mu ai nrung shi hte dai matse labye gaw, dai shawa num hpe n ju n dawng na mara ai rai nna, shanhte gaw shawa num kaw na shi lu malu sharun la kau nna singgu krin shatai na maru ai. Shi a shan hpe sha nna wan hte nat kau na mara ai.

SHINGRAN 20:15

Asak laika hta amying n ka da lawm ai wa kadai mung, dai wan nawng hta jahkrat bang kau ai hkrum ma ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.