YAKU 5:2 - Jinghpaw Common Language Bible 2009

² Nanhte a ngamu ngamai ai sut gan ni gaw yat tsam mat nna nanhte a hpun nba hpe manut ni e sha kau manu ai.

Jinghpaw Hanson Version Bible

² Nanhte a sutgan gaw yat mat ma ai rai nna, nanhte a hpun nba hpe manut e sha kau manu ai.

YAKU 5:2 ပူးပေါင်းရင်းမြစ်များ

YOBA 13:28

Dai lam a majaw, ngai gaw yat tsam mat ai hpun zawn, manut e sha jahten kau ai ntsa palawng zawn ngai mahtang hten mat nngai.

SHAKAWN KUNGDAWN 39:11

Na a daru sharin ai lam ni hte, masha a yubak hpe nang ari jaw nga ndai; dai wa tsaw ra ai arai hpe manut e, jahten kau ai zawn nang jahten kau nga ndai. Kaja wa, masha langai mi gaw nsa sa lai nbung langai mi hta grau nga ai n rai!

ESAIA 50:9

Tsaw Htum ai dai Madu gaw shi nan ngai hpe makawp maga ya nga ai- Kadai wa ngai hpe mara lu ai ngu sakse hkam lu nga a ta? Ngai hpe mara tam ai ni yawng hkoi mat na mara ai; shanhte gaw manut e sha kau hkrum ai sumpan zawn tsam mat na mara ai.

ESAIA 51:8

shanhte gaw manut e sha kau ai sumpan zawn tsam mat na mara ai! Rai ti mung ngai la sa ai hkye mawai la ai amu gaw htani htana agrin nga na ra ai; nye a awng padang gaw prat mi hte prat mi agrin nga na ra ai.”

YEREMIA 17:11

N ding n man ai hku gumhpraw lu ai wa gaw tinang n di tawn ai udi hpum ai u hte bung nga ai. Shi gaw aprat hpungngang garai n du yang, shi a sut gan ni hpe shamat kau nna, jahtum e, shi gaw hpa mung n re ai angawk angak masha tai mat na ra ai.

HOSEA 5:12

Ngai gaw Israela hpe jahten kau nna Yuda masha ni hpe sharun shabyak kau na we ai.

LUKA 12:33

Nanhte lu ai arai ni yawng dut kau nna lu ai gumhpraw, matsan mayan ni hpe karan jaw mu, tinang a matu dingsa n chye ai gumhpraw jan galaw nna, lagut n du, manut e mung n jahten kau lu ai, sumsing lamu e n htum n wai chye ai sutgan kyem da nga mu.

YAKU 2:2

Ga shadawn, lu su ai masha langai mi gaw ja lachyawp chyawp nna reng ai hpun palawng bu hpun ai wa langai mi hte matsan ai masha langai mi ashep ashin re ai hpun palawng bu hpun nna nanhte a hpawng de sa wa ai ngu ga,

1 PETRU 1:4

Dai rai nna anhte gaw shi a amyu masha ni a matu Karai Kasang kyem mazing da ai n taw n tsang re ai shaman chyeju ni hpe madu la lu na matu myit mada nga ga ai. Shi gaw n run n hten ai awu asin n re ai n wai n mat ai sali wunli ni hpe sumsing lamu e nanhte a matu kyem mazing da nu ai.