YAKU 5:16 - Jinghpaw Common Language Bible 2009

¹⁶ Nanhte shamai shatsai ai hkrum myit ga, nanhte a yubak mara ni hpe shada da shapraw dan nna, shada da a matu mara akyu hpyi ya nga mu. Ding hpring ai wa a akyu hpyi ai ga gaw shabyin lu ai atsam law law rawng nga ai.

Jinghpaw Hanson Version Bible

¹⁶ Nanhte shamai shatsai hkrum myit ga, nanhte a yubak mara hpe shada da shapraw dan nna, shada da a matu mara akyu hpyi nga mu.

YAKU 5:16 ပူးပေါင်းရင်းမြစ်များ

GA SHAGAWP 15:29

Mai kaja ai masha ni akyu hpyi ma ai shaloi, dai Madu gaw madat ya nga ai; n hkru ai masha ni a akyu hpyi ga hpe chyawm gaw hpa n sawn ya nga ai.

MAHTE 21:22

Nanhte gaw kam sham ai myit hte akyu hpyi myit yang, nanhte hpyi mahpyi mahkra lu la na marin dai,” ngu nna shanhte hpe tsun mu ai.

YAWHAN 9:31

Yubak kap ai ni a ga hpe Karai Kasang n madat nga ai gaw anhte chye ga ai, Karai Kasang hpe nawku hkungga nna shi a myit ra ai hku hte maren hkan sa galaw ai ni a ga hpe gaw madat nga ai.

SHAKAWN KUNGDAWN 34:15

Dai Madu gaw ding hpring ai ni hpe mada mara nga nna; shanhte a hpyi jahtau ai nsen ni hpe madat ya nga ai.

1 PETRU 2:24

Anhte gaw yubak mara hpe kau da nna ding hpring ai hta e hkrung nga lu u ga, shi gaw shi hkum hta nanhte dai hpun ntsa e anhte a yubak mara ni hpe gun la kau nu ai. Shi a nma ni a gawp e nanhte shamai shatsai ai hkrum manit dai.

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

1 YAWHAN 3:22

Anhte gaw Karai Kasang a hkang da ai ga ni hpe madat mara nna, shi a sharawng awng ai amu hpe galaw ga ai majaw, anhte hpyi ai lam shagu hpe anhte lu la ga ai.

GA SHAGAWP 15:8

Dai Madu gaw mai kaja ai masha ni a akyu hpyi ga hta awng sharawng nga ai; tara n lang ai masha ni la sa ai shagu hkungga ni hpe shi n dawng nga ai.

KASA 19:18

Kam sham sai ni hta na law law mung sa nna tinang galaw shut ai lam ni hpe tawngban tsun dan ma ai.

1 HTESALONI 5:17

N sim n sa akyu hpyi nga mu,

YOBA 42:8

Ya, usu sanit hte sagu la sanit Yoba hpang de la sa nna, dai ni hpe nanhte a matu shagu hkungga shatai let nawng ya mu. Shaloi, Yoba gaw nanhte a matu akyu hpyi ya na ra ai; ngai mung shi a akyu hpyi ga hpe htan ya na nngai; nanhte hkam la ging ai ari hte maren ngai kaya n jahkrum na nngai. Nanhte gaw shi galaw ai zawn nye a lam hpe teng man ai hku n tsun nga myit dai,” ngu nna tsun wu ai.

NINGPAWT NINGHPANG 20:17

Abraham a madu jan Sara hta byin lai wa sai lam a majaw dai Madu gaw Abimelek a hkaw wang na numsha kadai hpe mung kashu kasha n kap hkra dim da nu ai. Dai rai nna Abraham gaw Abimelek a matu akyu hpyi ya wu yang, shi hpe mung, shi a madu jan hte mayam num ni hpe mung Karai Kasang shamai ya nu ai rai nna shanhte gaw kashu kasha ni shaprat mu ai.

GA SHAGAWP 28:9

Tara hpe nang n hkan ai rai yang na a akyu hpyi ga ni gaw Karai Kasang a na hta n dawng n yawt ai ga hte hpring na ra ai.

2 HKAWHKAM LABAU 30:20

Dai Madu gaw Hezekia a akyu hpyi ga htan ya nhtawm amyu masha ni a mara raw dat ya nna shanhte hpe n machyi shangun wu ai.

BU HKAWM 11:2

Amyu masha ni gaw Mawshe hpe jahtau let karum hpyi ma ai; Mawshe gaw dai Madu hpe hpyi nem wu ai majaw wan mung si mat nga ai.

HEBRE 12:13

Ding ai lam ni hta matut nna hkawm sa nga mu, shaloi she hten ai lagaw n mai hkawm mat hkra n byin ai sha mai tsai mat wa na ra ai.

1 HTESALONI 5:25

Hpu nau ni e, anhte a matu mara mung akyu hpyi ya mi.

MAHTE 3:6

Shanhte gaw tinang a yubak mara ni hpe shapraw shadan yin la ma ai majaw, Yawhan gaw shanhte hpe Yawdan hka hta hkalup jaw mu ai.

HEBRE 13:18

Anhte a matu mara n sim n sa akyu hpyi nga mu, anhte ni gaw tinang ni a htauli htaula myit asan apra rai nga ai lam kam lu ga ai, hpa majaw nga yang, anhte gaw ten shagu teng man ai lam galaw mayu ai myit rawng nga ga ai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.

ROMA 5:19

Masha langai mi Karai Kasang a ga hpe n madat n mara ai a majaw masha hpung gaw yubak mara lu ai ni tai wa sai hte maren kaga masha langai mi Karai Kasang a ga madat mara ai a marang e masha yawng gaw Karai Kasang a man e ding hpring ai ni tai wa lu na mara ai.

ROMA 3:10

Dai Chyum Laika hta mung: “Ding hpring ai wa langai mi pyi n nga ai.

YAWSHU 10:12

Dai Madu gaw Amori hpyen ni hpe dang kau ai awng padang Israela amyu masha ni hpe jaw ya ai shani, Yawshu gaw dai Madu hpe ga shaga wu ai. Shi gaw Israela amyu masha ni a man e ning ngu tsun wu ai: “Jan e, Gibeon a ntsa e naw la u; Shata e, Aiyalon Kadit e naw hkring u.”

HEBRE 11:4

Kam sham ai hte Abela gaw Ka-in a hkungga hta grau kaja ai hkungga hpe nawng ya sai. Shi a makam masham hpe tau yu nna shi hpe ding hpring ai masha wa ngu nna Karai Kasang e hkap la ya ai hpe hkam la lu nu ai, hpa majaw nga yang, shi nawng ya ai kumhpa ni hpe Karai Kasang shi nan sharawng awng ya wu ai majaw rai nga ai. Abela si mat sai rai ti mung, shi a makam masham a majaw ya du hkra shi ga naw ashaga nga ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

NINGPAWT NINGHPANG 19:29

Rai ti mung Lawt shanu nga yu sai dai kadit na mare ni hpe Karai Kasang jahten kau ai majaw, Abraham hpe shi dum wu ai rai nna Lawt hpe shim ai shara de shalawt dat na ahkang jaw wu ai.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

1 HKAWHKAM 13:6

Hkawhkam Yeroboam gaw myihtoi wa hpe, “Chyeju hte dai Madu na a Karai Kasang kaw nye a matu akyu hpyi ya e; nye a lata lahpum hpe bai shamai ya na shi kaw hpyi nem ya e!,” ngu nna tsun wu ai. Shaloi myihtoi wa mung dai Madu kaw akyu hpyi ya wu ai rai nna hkawhkam wa a lata lahpum mai tsai mat wu ai.

NINGPAWT NINGHPANG 32:28

Dai masha wa gaw, “Na a mying Yaku ngu lu sana n rai. Nang gaw Karai Kasang hte mung, masha ni hte mung malan da ting hkat ai hte dang kau nit dai; dai rai nna na a amying Israela rai na lit dai,” ngu nna tsun wu ai.

NINGPAWT NINGHPANG 20:7

Rai ti mung, ya chyawm gaw dai num hpe shi a madu wa a lata de bai ap ya u. Shi myihtoi rai nga ai hte maren, na a matu shi akyu hpyi ya na ra ai; shaloi nang si lu na ndai n rai. Rai ti mung, nang shi hpe n ap ya ai rai yang chyawm gaw nang hte na a masha ni yawng si htum mat na myit dai hpe ngai sadi jaw nga nngai,” ngu nna htan wu ai.

1 SAMUELA 12:18

Dai rai nna, Samuela hpyi wu ai hte maren, dai shani e nan dai Madu gaw mu shangoi nna marang jahtu dat wu ai. Shaloi amyu masha ni yawng mung dai Madu hte Samuela hpe hkrit mat ma ai rai nna,

PRU MAT 17:11

Mawshe gaw shi a lahpum sharawt da nga dingsa Israela amyu masha ni dang nga ma ai; rai ti mung, shi a lahpum jahkrat kau ai shaloi, Amalek masha ni dang wa ma ai.

PRU MAT 9:33

Mawshe gaw hkawhkam wa kaw na pru wa nhtawm, mare shinggan de du jang, dai Madu hpe hpyi nem na matu shi a lata sharawt da wu ai rai nna mu hte sin marang ni yawng sim mat nga ai.

1 HTESALONI 5:23

Anhte hpe ngwi pyaw sim sa ai lam jaw ya ai Karai Kasang gaw, nanhte hpe lam shagu hta shachyoi shapra nna, anhte a Madu Yesu Hkristu bai du sa ai shaloi e, nanhte a Wenyi, myit masin hte hkum hkrang ting gaw, mara n kap hkra bau maka nga u ga.

KOLOSE 1:9

Dai re ai majaw, nanhte a lam na yu ai shani kaw nna, anhte gaw nanhte a matu mara n sim n sa akyu hpyi nga ga ai. Nanhte gaw Karai Kasang a myit ra ai lam hpe chye lu ai nyan hpaji, dai Wenyi e jaw ya ai hpaji byeng-ya yawng mayawng hte machye machyang ni, hte jahpring ya ai hkrum myit ga Karai Kasang kaw anhte akyu hpyi ya nga ga ai.

LUKA 9:6

Shing rai sape ni pru sa nna, kahtawng shagu hkan e dai Kabu Gara Shiga hkaw dan let, shara magup hkan e shamai shatsai ya hkawm ma ai.

2 SAMUELA 19:19

“Nye a madu hkawhkam wa e, Yerusalem mare kaw nna nang pru mat wa ai shani e, ngai galaw shut kau ni ai lam ni hpe malap kau ya e. Dai lam ngai hpe hkum deng e. Dai lam hpe galoi mung hkum dum ya e.

1 SAMUELA 12:17

Ndai aten gaw hkun hkraw ai aten rai nga ai, n rai ni? Rai ti mung dai Madu gaw mu shangoi dat nna marang jahtu dat u ga, ngu nna ngai hpyi dat na nngai. Dai lam byin wa ai shaloi, nanhte shi kaw hkawhkam hpyi ai shaloi, dai Madu hpe nanhte yubak kaba galaw shut kau sai lam rai nga sai hpe nanhte dum chye wa na myit dai.”

YEREMIA 42:2

ngai kaw sit sa nna, “Anhte nang hpe hpyi lajin ai ga hpe chyeju hte galaw ya mi! Anhte a matu dai Madu anhte a Karai Kasang hpang de akyu hpyi ya mi. Anhte hta naw ngam nga ai amyu masha ni a matu akyu hpyi ya mi; anhte gaw shawng de grai law la ga ai rai ti mung, ya gaw nang mu mada ai hte maren kachyi mi sha ngam nga saga ai.

MARKU 1:5

Yawhan hkaw tsun ai ga hpe madat la na matu Yerusalem mare hte Yuda mung hkan na masha ni law law pru sa wa ma ai. Shanhte gaw tinang a yubak mara ni hpe yin la ma ai rai nna, shi shanhte hpe Yawdan hka hta hkalup jaw mu ai.

KASA 8:24

Shaloi Simun gaw, “Ngai hta nan tsun ai lam hpa mung n du u ga, nye a matu chyeju hte Madu kaw akyu hpyi ya mi,” ngu nna Petru yan Yawhan hpe tsun mu ai.

1 SAMUELA 1:12

Hana gaw dai Madu kaw aten na na matut nna akyu hpyi nga ai rai nna, Eli gaw shi a nten galem ai hpe azi yu nga ai.