YAKU 5:1 - Jinghpaw Common Language Bible 2009

¹ Lu su ai ni e, ya e ngai tsun ai hpe madat yu mu! Nanhte gaw du magang ra ai nni nkri nji nmu lam a majaw hkrap ngu hkrap ngoi rai nga mu!

Jinghpaw Hanson Version Bible

¹ Sut su ai ni e, sa marit; nanhte a ntsa e du magang ra ai tsin-yam tsindam majaw, hkrap shabam nga mu.

YAKU 5:1 ပူးပေါင်းရင်းမြစ်များ

SHAKAWN KUNGDAWN 17:14

Ndai prat hta shanhte ra mara mahkra hkam la lu ai ni a lata kaw nna, ngai hpe hkye hkrang la e; shanhte a matu, nang mahkawng da ya sai nni nkri lam ni hte shanhte hpe ari jaw u. Dai hpe shanhte a kashu kasha ni alaw ahtam hkam sha mu ga hte matut nna shanhte a shu mashi shu masha ban prat du hkra hkam sha nga mu ga.

GA SHAGAWP 11:28

Tinang a sut gan hta myit manoi nga ai ni gaw, nmut ta e, hpun lap ni run hkrat mat wa ai zawn, rai nga ti mung, ding hpring ai ni chyawm gaw ginhtawng ta na hpun lap ni zawn, tsit lali wa na mara ai.

GA SHAGAWP 11:4

Si ai de nang myi man yawng ai shani e, sut gan gaw nang hpe hpa karum lu na n rai; ding man ai lam chyawm gaw na a asak hpe hkye hkrang la lu nga ai.

ESAIA 13:6

Nchyi nmu jahtau hkrap mu! Dai Madu a nhtoi ni wa nga sai, Chyahtum Chyalai N-gun rawng ai wa jahten sharun kau na nhtoi du wa ra ai.

ESAIA 15:3

Lam nmaw hkan nga ai masha ni gaw lachyit nba bu hpun nga ma ai; mare lawk ni hte nta numgaw ntsa hkan e mung masha ni sharung shayawt ai hte jahtau hkrap nga ma ai.

YEREMIA 4:8

Dai rai nna lachyit nba bu hpun ai hte hkrap ai hte sharung shayawt nga mu; hpa majaw nga yang, dai Madu a sindawng kahtet ai gaw Yuda mung kaw nna dawm la kau nu ai n rai.

YEREMIA 9:23

Dai Madu gaw, “Hpaji rawng ai masha ni gaw shanhte a hpaji byeng-ya hta, n-gun ja ai ni gaw shanhte a n-gun lagaw hta, sut su ai masha ni gaw shanhte a sut gan hta gumrawng na n mai ang nga ai.

EZEKELA 19:2

Na a nnu gaw kaning re ai hkanghkyi kanu rai a hka! Shi gaw shi a hkalung ni hpe grai matse ai hkanghkyi la ni a lapran e bau kaba nga ai.

EZEKELA 30:2

Shi gaw, “Si chye ai masha wa e, Tsaw Htum ai dai Madu ngai tsun nga ai mungga hpe myihtoi htoi nna tsun dan u. Nang gaw ndai mungga ni hpe jahtau tsun na rai ndai: Hkrit hpa nhtoi gaw du wa ra ai!

YOELA 1:11

Yi, hkauna galaw ai ni e, yawn nga mu; hkaulan mam, muk-yaw mam, rai sa, nsi naisi nga manga yawng hten za mat ai majaw, sabyi sun lajang ai ni jahtau hkrap nga mu.

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

YOELA 1:5

Tsa chyaru ya ni e, yup hprang ai hte hkrap nga mu; sabyi lu nang ai ni e, jahtau hkrap nga mu; sabyi ntsin nnan galaw na sabyi si ni hten mat sai.

MIHKA 6:12

Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

TARA JAHPRANG 32:15

“Dai Madu a amyu masha ni sut su wa ti mung, gumlau hpyen she nhtang tai; mu mai ai lusha hte shanhte hpum sau ma ai. Shanhte a hpan Madu Karai Kasang hpe kabai kau ma ai; chyalai n-gun hte hpring ai hkye madu hpe ningdang kau ma ai.

YAKU 1:11

Ajan gaw shi a kang kahtet ai hte rawt wa nna nampan hpun hkru hkraw mat ai. Nampan pu mung run hkrat mat ai hte de a tsawm htap ai gaw hten mat wa ai. Dai hte maren lu su ai wa gaw shi a magam bungli shachyen nga yang hten byak nna wai mat na ra ai.

YAKU 2:6

Nanhte mahtang matsan mayan wa hpe n gawn n sawn di kau manit hka! Nanhte hpe zingri zingrat di nna tara agyi ni a man de dun ahkyit wa ai ni gaw kadai ni rai ma ta? Dai ni gaw lu su ai ni rai ma ai!

YAKU 4:13

“Dai ni shing n rai hpawt ni e, anhte mare langai ngai de bu hkawm sa nna dai kaw laning mi nga nhtawm hpaga ga nna ja gumhpraw law law lu hkra galaw na ga ai,” nga nna tsun ai ni e, ngai tsun ai hpe madat yu mu.

YAKU 4:9

Yawn hkyen nna hkrap ngu hkrap ngoi sharung shayawt nga mu; nanhte a mani ai hpe hkrap ai hte nanhte a kabu gara ai hpe nchyi nmu re ai hte galai kau mu.