YAKU 4:8 - Jinghpaw Common Language Bible 2009

⁸ Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

Jinghpaw Hanson Version Bible

⁸ Karai Kasang hpang de sit sa wa mu; shaloi shi nanhte hpang de sit wa na ra ai. Yubak galaw ai ni e, nanhte a lata hpe jasan jaseng kau mu; myit mashe rawng ai ni e, nanhte a myit masin hpe shachyoi shapra da mu.

YAKU 4:8 ပူးပေါင်းရင်းမြစ်များ

NINGPAWT NINGHPANG 18:23

Abraham gaw dai Madu hpang de sit sa nna, “Mara n kap ai ni hpe mara kap ai ni hte rau nang teng teng jahten kau na wu ni?

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

2 HKAWHKAM LABAU 15:2

shi gaw Hkawhkam Asa hpe sa hkrum na nga pru sa mat wa wu ai. Dai hpang shi gaw, “O Hkawhkam Asa hte Yuda hte Benyamin amyu masha ni yawng hte e, nye a ga madat mu! Nanhte shi hte rau nga nga dingsa, dai Madu mung nanhte hte rau nga nga ai. Nanhte shi hpe tam myit yang shi nanhte hpe mu shangun na ra ai; rai ti mung nanhte shi hpe kayin kau myit dai rai yang shi nanhte hpe kau da na ra ai.

YOBA 16:17

rai ti mung, ngai gaw kashun kashe du daw sai hkaw ai amu a mara lu nngai n rai; Karai Kasang kaw hpyi ai nye a akyu hpyi ga gaw san seng nga li ai.

YOBA 17:9

Hkungga lara wa na matu tsun hkrum ai ni gaw shanhte ding man nga ma ai hpe grau grau nna chye na wa ma ai.

YOBA 9:30

Kaning re ai sabya hte mung nye a shut hpyit mara ni hpe kashin kau lu ai n rai.

SHAKAWN KUNGDAWN 119:113

Nang hta tsep kawp sadi n dung ai ni hpe ngai n ju n dawng nga nngai; rai ti mung, na a hkang da ai tara hpe chyawm gaw ngai tsaw ra nga nngai.

SHAKAWN KUNGDAWN 145:18

Shi gaw shi hpe shaga ai ni hte myit malang ai hte shi hpe shaga ai ni hte ani sha nga nga ai.

SHAKAWN KUNGDAWN 18:20

Ding man ai amu hpe ngai galaw ai majaw, Madu gaw ngai hpe shagrau nga ai; ngai gaw mara n kap ai wa rai nga nngai majaw, shi ngai hpe shaman ya nga ai.

SHAKAWN KUNGDAWN 24:4

Sat lawat hte myit sawn ai lam hta san seng ai ni, hpara sumla ni hpe n nawku ai ni n teng n man ai ga sadi ni hpe n jaw ai ni rai ma ai.

SHAKAWN KUNGDAWN 26:6

Madu e, ngai mara n kap nga nngai hpe madun lu na matu, nye a lata hpe ngai kashin nngai; nawku daw jau na matu na a tawn hkungri hpe shinggrup hkawm nngai.

SHAKAWN KUNGDAWN 51:10

O Karai Kasang e, san seng ai myit ngai hta hpan shapraw ya e; sadi dung ai wenyi hte myit masin nnan ngai hpe jaw ya rit.

SHAKAWN KUNGDAWN 73:13

Dai majaw, nye hkum ngai san seng hkra nga nna, yubak n galaw ai sha nga kau ai gaw kaman wa rai nga a ni?

SHAKAWN KUNGDAWN 73:28

Rai ti mung, nye a matu chyawm gaw, Karai Kasang hte ani sha nga lu na, Madu Karai Kasang hta makawp maga ai lam mu tam la na matu hte shi galaw dan sai magam bungli ni hpe htawn tsun na lam ni gaw kade sha mauhpa rai nga a hka!

ESAIA 13:15

Rim hkrum ai ni kadai mung nhtu masen hte galung sat hkrum na mara ai.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

ESAIA 58:2

Shanhte gaw ngai hpe shani shagu nawku ma ai, shanhte gaw nye a lam ni hpe chye na matu hte nye a tara ni madat mara na matu grai sharawng ma ai lam tsun ma ai. Shanhte gaw shanhte hpe teng man ai tara ni jaw ya na matu hte ngai hpe nawku ai hta shanhte awng sharawng nga ai lam tsun ma ai,” ngu nna tsun ai.

YEREMIA 4:11

Zaibru jang e bung nga ai kahtet kang ai nbung gaw shanhte hpang de bung wa na lam, Yerusalem amyu masha ni hpe tsun dan na aten gaw du wa nga sai. Dai nbung gaw numhkaw hpe sha shapoi kau lu ai nbung bungli ahpawt ai zawn sha rai na ra ai n rai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

SHARUNG SHAYAWT 3:57

Nang gaw ngai hpe hpa hkrit tsang shara n nga ra ai nga nna htan ni ai hte tsun nit dai.

EZEKELA 18:31

Nanhte galaw shut kau yu sai n hkru ai amu mahkra hpe kau da nhtawm myit nnan, myit masin nnan ni hpe hkam la mu. Israela amyu masha ni e, nanhte hpa majaw si mayu nga myit ni?

ZEHKARIA 1:3

rai ti mung, ya chyawm gaw, ‘Ngai hpang de nhtang wa marit; ngai mung nanhte hpang de nhtang wa na nngai,’ ngu nna ngai nanhte hpe tsun nga nngai.

MALAHKI 3:7

Nanhte gaw nanhte a shawng na nji nwa ni zawn, nye a tara ni hpe kau da nna n hkan shatup myit dai. Ngai hpang de nhtang wa marit, ngai mung nanhte hpang de nhtang wa na nngai. Rai ti mung nanhte mahtang, “Anhte mahtang nang hpang de kaning rai nhtang wa lu na rai ta?,” nga nna san myit dai.

MAHTE 12:33

“Kaja ai asi lu na matu kaja ai hpun hkai ra ai. N kaja ai hpun gaw n kaja ai asi si na ra ai. Asi hpe yu nna hpun hpe chye ginhka lu nga ai.

MAHTE 15:2

“Na a sape ni gaw hpa majaw anhte a ji wa ni matsun hkrat wa ai ahtung alai ni hpe tawt lai kau nga ma ta? Shanhte gaw lata atsawm sha n kashin ai nan, muk sha ma ai!,” ngu mu ai.

MAHTE 27:24

Pilat mahtang gaw, hpa hku mung n dang lu ai hte kabring kabrawng byin wa na masa hpe mu ai majaw, ntsin la nna shawa ni a man e lata hpe kashin let, “Ndai wa si ai gaw ngai hta lit n nga ai, ndai gaw nanhte galaw ai she rai malit dai,” ngu mu ai.

KASA 15:9

Madu gaw shanhte hte anhte a lapran e hpa jashai ginhka ai lam n galaw ai sha, shanhte kam sham ai a marang e, shanhte a yubak mara ni hpe raw dat kau ya mu ai,

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

1 TIMOHTI 2:8

Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

HEBRE 7:19

Hpa majaw nga yang, Mawshe a Tara gaw hpa lam hpe mung hkum tsup hkra galaw lu ai n rai. Ya chyawm gaw dai grau kaja ai myit mada shara jaw mani ai rai nna, de a marang e anhte Karai Kasang kaw sit shani shang lu ga ai.

YAKU 1:8

Shing re ai wa gaw agyoi ai wa rai nga ai majaw dai Madu kaw na lama ma lu la na zawn hkum nawn nga u ga.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 3:21

Dai hka hta na zawn, dai hka lup ngu ai kumla gaw ya e nanhte hpe hkye hkrang la lu nga ai. Dai gaw hkum shan hta e kap ai matsat shabat hpe sharun kau na lam n rai; myit masin asan sha hte Karai Kasang a man e ga sadi tawn da ai lam rai nga ai. Si ai kaw na Yesu Hkristu bai hkrung rawt wa ai a marang e nanhte gaw hka lup hkam la ai hte hkye hkrang la ai hkrum manit dai.

1 YAWHAN 3:3

Hkristu hta dai myit mada shara lu ai masha shagu gaw, Hkristu nan chyoi pra nga ai hte maren tinang hkum hpe mung shachyoi shapra da nga ai.

1 SAMUELA 14:35

Shawlu mung dai Madu a matu tawn hkungri langai galaw wu ai; dai gaw shi galaw ai shawng nnan na tawn hkungri rai nga ai.