YAKU 4:4 - Jinghpaw Common Language Bible 2009

⁴ Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.

Jinghpaw Hanson Version Bible

⁴ La shaw ai ni e, mungkan ga hpe jinghku hku ai myit gaw, Karai Kasang hpe n dawng n yawt ai myit rai nga ai, nanhte n chye nga myit ni? Dai rai nna, mungkan ga a jinghku tai mayu ai wa kadai rai timung, Karai Kasang hpe n dawng n yawt ai wa tai nga ai.

YAKU 4:4 ပူးပေါင်းရင်းမြစ်များ

NINGPAWT NINGHPANG 3:15

Ngai gaw nang hte shinggyim numsha a lapran hta mung, na a amyu matu hte shi a myu matu hpe mung n ju n dawng shangun nna galoi mung gumlau hpyen atai shangun nga na nngai. Shi a amyu matu gaw na a baw hpe abrep nna nang mung shanhte a lahtin hpe achye na ra ai,” ngu nna tsun wu ai.

SHAKAWN KUNGDAWN 21:8

Dai hkawhkam wa gaw shi a gumlau hpyen yawng mayawng hte hpe rim la na ra ai; shi hpe n dawng ai masha shagu hte hpe mung shi rim kau na ra ai.

SHAKAWN KUNGDAWN 50:18

Nang mu hkrup ai lagut shagu hte a manang nang tai nna; numshaw lashaw ai ni hte rau nang kanawn nga ndai.

SHAKAWN KUNGDAWN 73:27

Nang hpe kau da ai ni gaw teng teng htum mat na mara ai; nang hta sadi n dung ai ni hpe Nang shamyit kau na rin dai.

ESAIA 57:3

Yubak kap ai ni e, jeyang hkam na matu ndai shara de sa wa mi! Nanhte gaw hpyi shung shung ai ni, numshaw lashaw ai ni hte shawa num ni hta grau kaja nga myit dai n rai.

YEREMIA 2:2

Yerusalem hta nga ai masha shagu hte hpe ndai mungga tsun na matu tsun wu ai. “Nang ram prat naw rai nga yang, nang kade wa kangka nga ndai hpe mung, anhte shawng nnan hkungran ga ai shaloi, nang ngai hpe kade tsaw ra ai hpe mung, zaibru jang hku mung, hkun hkraw ai lamu ga hku mung nang ngai kaw hkan nang nga ndai hpe ngai dum nga nngai.

YEREMIA 9:2

Nye a amyu masha ni hpe tawn kau nna nam mali hta sa nga na matu, shara langai lu na, ngai ra sharawng nga nngai. Shanhte yawng gaw sadi n dung ma ai, gumle gumlau galaw ai hpung langai rai ma ai.

EZEKELA 16:32

Nang gaw tinang a madu wa hpe tsaw ra na malai, tsasam masha ni hte shut hpyit nna la shaw ai num hte bung nga ndai.

HOSEA 3:1

Dai Madu gaw ngai hpe, “Sumtsaw langai hte la shaw ai amu shut hpyit nga ai numsha kaw bai sa nna na a tsaw ra myit madun dan su. Israela amyu masha ni gaw karai shaje ni de kayin mat wa nna hpara sumla ni hpe namsi jahkraw hkungga nawng ya ma ai; rai tim, ngai gaw Israela amyu masha ni hpe naw tsaw ra nga nngai zawn nang mung tsaw ra lu na rai ndai,” ngu nna tsun wu ai.

MAHTE 12:39

Yesu gaw htan let shanhte hpe tsun mu ai gaw, “N hkru ai hte shut hpyit ai amyu gaw lamik kumla tam ma ai; myihtoi Yona a lamik kumla hta kaga; hpa lamik kumla mung; shanhte hpe n dan na nme ai.

MAHTE 16:4

Ndai prat na masha ni gaw gade wa n hkru n kaja nna karai kata ai masha ni rai nga ma hka! Nanhte gaw ngai kaw lamik kumla langai mi hpyi myit dai; rai ti mung, Yona a lamik kumla hta kaga, hpa lamik kumla mung, nanhte hpe ngai n dan na nme ai,” ngu nna tsun wu ai. Shaloi shi shanhte hpe kau da nna pru mat wa ai.

MAHTE 6:24

“Kadai rai ti mung, madu lahkawng a nchyang n tai lu ai; shi gaw langai mi hpe n dawng nna langai wa hpe tsaw ra na wu ai; langai mi hta sadi dung nna, kaga hpe n kaw n law di na wu ai. Nanhte Karai Kasang hpe mung, mungkan ga a sutgan hpe mung rau chyang lu na myit dai n rai.

LUKA 19:27

Dai hta kaga, ya shanhte a ntsa e ngai hkawhkam tai nna up na n ra ai nye a hpyen ni hpe shaga dun wa nna, nye a man e sat kau maru,’ ngu nna hkang dat mu ai.

YAWHAN 15:19

Nanhte ndai mungkan hte seng ai ni rai myit yang gaw, mungkan masha ni gaw tinang a bawsang ni hpe zawn nanhte hpe tsaw ra na myit dai. Rai ti mung ngai gaw nanhte hpe ndai mungkan ga na lata la made ai, nanhte gaw ndai mungkan ga hte n seng myit dai; dai majaw mungkan masha ni nanhte hpe n ju n dawng ma ai.

YAWHAN 17:14

Na a mungga ngai shanhte hpe jaw da mase ai; ngai gaw mungkan ga na n rai nngai hte maren, ndai ni mung mungkan ga hte n seng ma ai majaw, mungkan masha ni shanhte hpe n ju n dawng ma ai.

YAWHAN 7:7

Mungkan ga gaw nanhte hpe n dawng n wawm rai lu ai n rai; rai ti mung ngai hpe gaw n dawng n wawm ma ai, hpa majaw nga yang, shanhte a n shawp ai lam ni hpe atsun nga nngai majaw rai nga ai.

ROMA 5:10

Hpa majaw nga yang, anhte Karai Kasang a hpyen ni rai nga ga ti mung, shi a Kasha a si hkam ai a majaw anhte htinglu htinglai hkam la nna shi a jinghku ni tai wa shangun mi ai. Ya anhte htinglu htinglai hkam la nna Karai Kasang a jinghku ni rai saga ai majaw shi a asak sumdam hta e, anhte hkye hkrang la ai grau nna hkrum na ga ai.

ROMA 8:7

Dai rai nna masha langai mi gaw hkum shan myit e up hkang kau ai shaloi Karai Kasang a Tara hpe n madat n mara lu sai majaw shi gaw Karai Kasang a hpyen tai wa ai; kaja wa nan shi n madat n mara lu nu ai.

1 KORINHTU 1:20

Dai re ai majaw, hpaji byeng-ya rawng ai wa kanang nga a ta? Laika ka ai sara kanang nga a ta? Ndai mungkan ga na ga tsun shingjawng lu ai ni kanang nga a ta? Karai Kasang gaw ndai mungkan ga a hpaji byeng-ya hpe angawk angak kaman lila shatai kau ya manu ai n rai ni?

1 KORINHTU 1:21

Hpa majaw nga yang, masha gaw tinang a hpaji byeng-ya hte Karai Kasang hpe n chye lu mu ga nga, Karai Kasang gaw shi a hpaji daw ai hte maren galaw lajang da nu ai. Shing rai na malai anhte hkaw dan ai angawk angak mungga ngu ai ga hpe kam sham ai ni hpe hkye hkrang la na matu Karai Kasang gaw myit daw dan da nu ai.

GALATI 1:10

Hpa majaw nga yang, ngai ning nga tsun ai gaw, masha a tau madi shadaw ai hpe lu la na matu shakut nga nngai kun? Dai hku n rai law! Ngai ra sharawng ai lam gaw Karai Kasang a myit hkrum ra sharawng ai lam sha rai nga ai. Ngai gaw masha a man e kajai gumhkawng hkra shakut nga a ni? ngai gaw masha a ra ai lam naw tam shakut nga a yang gaw, Hkristu a ali ama ngai rai na nngai n rai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.