YAKU 3:9 - Jinghpaw Common Language Bible 2009

⁹ Anhte gaw dai shinglet hpe anhte a Madu hte Wa hpe chyeju dum shakawn shagrau ai hta mung, Karai Kasang a hkrang bung sumla hte maren hpan da sai shinggyim masha shada da matsa mawa dagam dala ngu nna tsun ai hta mung jai lang nga ga ai.

Jinghpaw Hanson Version Bible

⁹ Dai shinglet e, anhte gaw dai Madu hte Wa hpe sha-a nga ga ai; bai, Karai Kasang a hkumhkrang hte maren hpan tawn da mu ai shinggyim masha ni hpe mung, dai hte dagam dala nga kau ga ai.

YAKU 3:9 ပူးပေါင်းရင်းမြစ်များ

NINGPAWT NINGHPANG 5:1

Ndai gaw Adam a amyu matu ni a labau lasang lam rai nga ai. (Karai Kasang shinggyim masha ni hpe hpan da ai shaloi shi hkum nan hte bung hkra galaw da nu ai.

NINGPAWT NINGHPANG 9:6

Karai Kasang gaw shinggyim masha hpe shi hte maren bung hkra hpan da nga sai, dai rai nna masha langai ngai hpe sat ai wa kadai rai ti mung shi hkum hpe marai langai ngai e sat kau ai hkrum nga u ga.

2 SAMUELA 16:5

Hkawhkam Dawi gaw Bahurim mare de du jang, Shawlu a ru sai langai rai nga ai Gera a kasha Shime gaw shi hpe sa hkrum na nga pru sa wa ai. Shi gaw Dawi hpe matsa let sa wa nga ai.

2 SAMUELA 19:21

Zeruia a kasha Abishai mahtang ning ngu nna tsun wu ai: “Shime gaw dai Madu lata san da sai hkawhkam wa hpe matsa kau nga ai majaw si lu na rai wu ai.”

1 HKAWHKAM LABAU 29:10

Hkawhkam Dawi gaw shawa hpawng ting a man e dai Madu hpe shakawn kungdawn wu ai. Shi gaw, “Dai Madu anhte a kaji kawa Yaku a Karai Kasang e, nang gaw htani htana prat dingsa shakawn kungdawn hkrum ging nga ndai!

1 HKAWHKAM LABAU 29:20

Dai hpang Dawi gaw amyu masha ni hpe, “Dai Madu nanhte a Karai Kasang hpe shakawn kungdawn mu!,” ngu nna hkang da wu ai. Shaloi shawa hpawng ting gaw dai Madu shanhte a kaji kawa ni a Karai Kasang hpe shakawn kungdawn nhtawm dai Madu hpe mung, hkawhkam wa hpe mung, shanhte dingnyawm gum dagup nna shagrau hkungga jaw mu ai.

SHAKAWN KUNGDAWN 10:7

Shi a tsun shaga ai ga hta dagam dala, masu magaw hte jahkrit shama ai ga ni hte hpring nga ai; shi gaw n dawng ai hte n hkru ai ga ni hpe tsun na lawan nga ai.

SHAKAWN KUNGDAWN 108:1

O Karai Kasang e, ngai nang hpe tsep kawp kam hpa nga nngai; ngai nang hpe mahkawn mangoi ai hte nang hpe shakawn na nngai! Nye a wenyi e, dum hprang u!

SHAKAWN KUNGDAWN 145:1

Nye a Karai Kasang hte hkawhkam wa e, na a galu kaba ai lam hpe ngai htawn tsun nga na nngai; ngai nang hpe htani htana prat dingsa chyeju shakawn nga na nngai.

SHAKAWN KUNGDAWN 145:21

Ngai gaw dai Madu hpe tut nawng e shakawn kungdawn nga na nngai; shi hpan da ai hkrung mahkrung yawng hte gaw shi a chyoi pra ai mying nsang hpe htani htana shakawn kungdawn nga mu ga law.

SHAKAWN KUNGDAWN 16:9

Nang gaw ngai hpe Si du a n-gun atsam kaw nna makawp maga la ndai, ngai nang hpe kangka ai hte daw jau ni ai, shing rai, nang gaw ngai hpe Katsan ga de n kabai kau na rai nga ndai majaw, ngai gaw kabu chyeju dum ai hte tsep kawp shim lum nga nngai.

SHAKAWN KUNGDAWN 30:12

Shing rai, ngai gaw atsin sha nga nga na nngai n rai; ngai nang hpe mahkawn shakawn nga na nngai. Madu e, nang gaw nye a Karai Kasang rai nga ndai; Ngai nang hpe htani htana chyeju dum nga na nngai law.

SHAKAWN KUNGDAWN 34:1

Ngai gaw dai Madu hpe tut nawng chyeju dum nga na nngai; shi hpe shakawn ai lam, ngai galoi mung jahkring kau na nngai n rai.

SHAKAWN KUNGDAWN 35:28

Shaloi, na a ding man ai lam hpe ngai tsun shana ya na nngai; ngai mung nang hpe shani tup shakawn nga na nngai law.

SHAKAWN KUNGDAWN 51:14

Karai Kasang e, nye a asak hpe shalawt ya nna, ngai hpe hkye hkrang la e; na a ding man ai lam hpe ngai kabu gara htawn tsun nga na nngai.

SHAKAWN KUNGDAWN 57:8

Nye a wenyi e, dum hprang u! Nye a tingse hte sumpyi e, dum hprang u! Jan hpe mung ngai jasu na nngai!

SHAKAWN KUNGDAWN 59:12

Yubak gaw shanhte a nten ni hta rawng nga ai, shanhte tsun shaga ai ga ni yawng mung yubak hkrai rai nga ai. shanhte gaw dagam dala ga hte masu magaw ga ni hpe tsun nga ma ai majaw; shanhte a gumrawng gumtawng ai mahkam hta ahkang nga mu ga!

SHAKAWN KUNGDAWN 62:4

Shi hpe shagrau shatsaw da ai shara kaw nna chyu sha nanhte shi hpe gang jahkrat kau mayu nga myit dai, nanhte gaw masu magaw ga tsun na hpe ra sharawng nga myit dai. Shaman ga ni hpe nanhte tsun nga myit ti mung, nanhte shi hpe nanhte a myit masin kata kaw nna dagam dala ga tsun nga myit dai.

SHAKAWN KUNGDAWN 63:4

Ngai asak hkrung nga dingsa nang hpe chyeju dum nga na nngai; nang kaw akyu hpyi ai shaloi, nye a lata ni hpe sharawt da na nngai.

SHAKAWN KUNGDAWN 71:24

Ngai hpe machyi shangun na matu shakut ai ni gaw sum mat ai hkrum nna kaya kahpa hkrum nga ma ai majaw, na a ding man ai lam hpe ngai shani tup tsun dan na nngai.

HPAJI NINGLI 7:22

nang nan masha kaga ni hpe law law lang jahpoi asawng kau nit dai hpe nang nan bai chye lu na rin dai.

ESAIA 29:13

Dai Madu gaw, “Ndai amyu masha ni gaw ngai hpe nawku daw jau na matu tsun ma ai, rai ti mung shanhte a n-gup aga ni gaw lachyum n pru nga ma ai, shanhte a myit masin mung shara langai ngai hta myit jung ma ai. Shanhte nawku htung gaw shanhte majoi mi matsing chyai ai masha a tara ni hte htung lai masa ni hta jan nna kaman lila sha rai nga mu ai.

MAHTE 26:74

Shaloi Petru gaw, “Ngai teng man ai lam tsun nga nngai, ngu nna ngai dagam nngai! Dai n rai yang, Karai Kasang ngai hpe ari jaw u ga! Dai masha hpe ngai n chye nngai!,” ngu mu ai. Shaloi jang u goi sai.

MAHTE 5:44

Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

KASA 2:26

Dai re ai majaw nye a myit masin kabu gara ai hte hpring nna, nye a n-gup ngwi pyaw ai ga hte hpring nga li ai. Ngai gaw si chye ai masha rai nga ti mung, myit amu sha hte myit mada nga na nngai.

ROMA 3:14

Shanhte a n-gup aga hta asung arung nga ai matsa mawa ga ni hte hpring nga malu ai.

1 KORINHTU 11:7

Lasha chyawm gaw Karai Kasang a hkrang bung sumla hte hpung shingkang nsam shapraw ai wa rai nga ai majaw baw magap na n sut nga ai. Numsha mahtang gaw lasha a hpung shingkang nsam shapraw nga ai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

YAKU 1:27

Kawa Karai Kasang a man e san seng ai hte jet ai nawku htung ngu ai gaw, ruyak kyindut hkrum nga ai jahkrai nmai ni hte gaida ni hpe lanu lahku gawn lajang nna tinang hkum hpe mung, mungkan ga a awu asin re ai hpe mung, koi kau ai lam rai nga ai.

YAKU 3:10

Dai n-gup langai mi kaw nna sha chyeju shakawn shaman ai ga ni hte matsa mawa dagam ga ni pru wa ai. Nye a hpu nau ni e, dai gaw nanhte hta n byin ang ai!

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

TARA AGYI 9:27

Shanhte yawng mung shanhte a sabyi sun ni de sa nhtawm, sabyi si di, sabyi ntsin shup shapraw let poi galaw ma ai. Shanhte gaw shanhte a hpara htingnu de shang nhtawm lu let, sha let Abimelek hpe jahpoi asawng ma ai.