YAKU 3:6 - Jinghpaw Common Language Bible 2009

⁶ Dai shinglet mung wan hte bung nga ai. Shinglet gaw anhte a hkum hkrang daw shan hta na n hkru n shawp ai mungkan rai nna hkum hkrang ting hta dai n hkru ai hpe chyam bra wa shangun nga ai. Shinglet gaw ngarai wan hte nan anhte a asak hkrung lam ting hpe shachyi dat nga ai.

Jinghpaw Hanson Version Bible

⁶ Dai shinglet mung wan rai nga ai; anhte a daw shan ni hta e, dai shinglet gaw, yubak a mungkan tai wa nga ai rai nna, anhte a hkum ting hpe awu asin di kau wu ai hte, dai gawng shing-yan a hkrang hpe nat kau wu ai rai nna, ngarai mung gaw dai hpe nan shachyi wu ai.

YAKU 3:6 ပူးပေါင်းရင်းမြစ်များ

2 SAMUELA 16:20

Dai sha n-ga, Absalom gaw Ahihtohpela hpang de kayin wa nhtawm, “Ya chyawm gaw anhte nang e rai nga saga ai; anhte hpa galaw na lam, hpaji jaw la yu e,” ngu nna tsun wu ai.

2 SAMUELA 19:43

Israela masha ni mung, “Hkawhkam wa gaw nanhte a hpu nau langai mi rai nga tim Hkawhkam Dawi hte seng ai amu hta anhte grau nna htam shi sha n-ga, seng nga ga ai. Nanhte gaw anhte hpe hpa majaw yu kaji nga myit ni? Hkawhkam wa hpe woi nhtang wa na matu anhte shawng bawng jahkrup saga ai hpe hkum malap kau ya mi!,” ngu nna tsun htang wu ai. Rai ti mung Yuda masha ni gaw shada da tsun jahpra ai lam hta Israela masha ni hta grau nna ja la nga ma ai.

2 HKAWHKAM LABAU 13:17

Abiya hte shi a luksuk ni gaw Israela masha ni hpe a mani di dang kau mu ai rai nna kaja htum ai Israela hpyenla sen manga hte mung sat kau ai hkrum ma ai.

SHAKAWN KUNGDAWN 140:3

Shanhte a shinglet ni gaw gung rawng ai lapu zawn rai nga nna, shanhte tsun shaga ai ga ni mung pu mawp a atuk zawn rai ma ai.

SHAKAWN KUNGDAWN 64:3

Shanhte gaw shinglet ni hpe nhtu ni zawn garang shadai nna; mazut ai ga ni hpe pala ni zawn shading da nga ma ai.

GA SHAGAWP 15:1

Si mani hte htan ai ga gaw myit kahtet ai hpe shakawp ya lu tim; kajet kajau re ai ga chyawm gaw pawt sindawng ai hpe shalut kabrawng ya nga ai.

GA SHAGAWP 16:27

N hkru ai masha ni gaw kaga masha ni hpe machyi shangun na ginjang tam nga ma ai; shanhte a n-gup aga ni pyi gaw n hkru ai wan hkru nga ai.

GA SHAGAWP 7:5

Shing rai, shanhte gaw masha jan ni hte hkalem hkalau chye ai ga tsun let lau la lu ai num ni kaw na, nang hpe mawai la na ra ai.

ESAIA 30:27

Dai Madu a daru magam n-gun hte hpung shingkang hpe sumtsan shara hta mu lu nga ai. Wan hte wan hkut gaw shi a masin kahtet ai hpe madun dan nga ai. Shi ga shaga ai, shi shaga ai ga ni gaw wan zawn hkru nga ai.

ESAIA 50:11

Kaga masha ni hpe jahten na maw mawn ai nanhte yawng hte gaw tinang a maw mawn ai amu ni hta jahten shaza ai hkrum na ra ai. Dai Madu gaw shi nan ndai amu hpe shabyin na ra ai; nang gaw nchyi nmu re ai gam maka hkam sha na rai ndai.

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

YEREMIA 28:16

Dai rai nna, nang gaw dai Madu hpe gumlau na matu amyu masha ni hpe tsun nit dai majaw, shi gaw nang hpe dawm kau na ra ai; dai ning na shaning garai n htum yang, nang si na ndai ngu nna dai Madu shi nan tsun sai,” ngu wu ai.

BU HKAWM 25:2

Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.

BU HKAWM 31:16

Dai numsha ni gaw Balam hpaji daw matsun ai hta hkan nna amyu masha ni hpe woi hkalem nhtawm Peora e dai Madu hpe n kam n sham shangun nga ai hpe dum mu. Dai lam a majaw dai Madu a amyu masha ni hta ana zinli ari hkrum sha lai wa saga ai.

MAHTE 12:24

Hparishe ni dai hpe na ma ai shaloi, “Ndai wa gaw nat ni a du wa Bezebula jaw ai n-gun atsam hte n rai yang gaw, nat ni hpe shaden kau lu na n rai,” nga ma ai.

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

MARKU 7:15

Masha a shinggan maga de nna shi a kata de shang wa nhtawm masha hte nawku htung tara hku nna n san n seng awu asin di kau lu ai arai hpa mung n nga ai.”

LUKA 16:24

Shaloi shi gaw, ‘Wa Abraham e, ngai hpe matsan dum la e law! Ngai gaw ndai wan grung ai hta nji nmu machyi hkrum nga nngai majaw, Lazaru gaw shi a lata ndung hte ntsin loi mi hta kapruk sa nna, nye a shinglet madit katsi ya lit ga, ngai hpang de shangun dat ru law,’ ngu nna hpyi jahtau wu ai.

KASA 20:30

Nanhte hta na masha nkau mi gaw masu hkalem ai ga tsun nna kam sham ai ni hpe shanhte hpang de lau la ai aten mung du na ra ai.

KASA 5:3

Petru gaw “Anani e, hpa majaw nang gaw Satan wa hpe na myit masin up madu na ahkang jaw ai hte ga dachyawk dut nna lu ai gumhpraw nkau mi tinang a matu ip la ai hku nna dai Chyoi Pra ai Wenyi hpe masu kau n ta?

KASA 6:13

Dai hpang shanhte gaw masu ai sakse ni hpe shaga shawn dat mu ai rai nna shanhte gaw, “Dai wa, ndai Chyoi Pra ai Nawku Htingnu hte Mawshe a Tara hpe jahpoi asawng ai ga atsun nga ai.

TARA JAHPRANG 13:6

“Na a kahpu kanau shayi shadang sha hte tsaw ra ai madu jan, nang hte ni htum ai manang wa du hkra pyi, nanhte hte nanhte a nji nwa ni galoi mung n nawku yu ai karai ni ngu ai kaga karai shaje ni hpe nawku wa lu hkra nga, nanhte hpe lagyim n-gun jaw mai nga ai.

TITU 1:11

Shanhte a tsun shaga ai n-gup pat kau ya ra sai; hpa majaw nga yang, shanhte gaw n mai sharin ai lam ni hpe sharin ya nna htinggaw ting ting hpe shabra kau mu ai. Dai lam ni yawng gaw shanhte a gumhpraw lu lam hte seng ai kaya kahpa re ai yaw shada ai lam a matu rai nga ai.

YAKU 2:7

Shanhte gaw nanhte hpe jaw da sai mying kaja hpe jahpoi jahpyak ya ai ni rai ma ai.

YAKU 3:7

Shinggyim masha gaw kaga dusat, uni uzai hte u amyu myu, gumrawt hkawm ai baw hte hka na nga ni hpe masha a lata hte hku shani la lu ma ai rai nna, dai gaw ni mat nga ma ai.

2 PETRU 3:3

Dai jahtum ai nhtoi ni hta tinang a hkum shan a kayut ai a myit ra ai hku hkan let asak hkrung ai masha ni paw pru na mara ai hpe yawng a shawng e nanhte chye na da ra myit dai. Shanhte gaw nanhte hpe jahpoi asawng let, “Dai Madu bai du sa na nga nna ga sadi jaw da ai n rai ni? Ya shi kanang rai nga a ta?

3 YAWHAN 1:10

Ngai sa du ai shaloi she, shi galaw kau sai lam shagu hpe tsun shadan dan na nngai. Shi gaw anhte hpe grai n shawp ai ga hte masu ai ga ni tsun nga ai. Dai hte sha n ga shi a matu n ram dum nna Hkristan hpu nau ni du sa wa ma yang, shi hkum nan n hkap hkalum la mu ai hta n ga, shanhte hpe hkap hkalum la mayu ai ni hpe mung shi pat hkum kau mu ai hte hpung kata na shaden shapraw kau mu ai!

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 18:23

Pyengdin a nhtoi mung, nang hta htawm hpang galoi mung na lu na n rai. La nnan ni hte num nnan ni a nsen ni mung, nang hta htawm hpang galoi mung mu lu na n rai. Hpa majaw nga yang, na a hpaga la ni gaw, ga ntsa ting hta daru magam atsam rawng dik ai ni rai wa masai; nang gaw ga ntsa na masha ni yawng hpe na a shut ai mandan lakle hte masu hkalem sha kau nit hka!”

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.