YAKU 3:3 - Jinghpaw Common Language Bible 2009

³ Anhte gaw gumra hpe anhte a ga madat mara shangun na matu, gumra a n-gup hta gumhtung bang ya ga ai shaloi anhte ra ai de sa shangun lu ga ai.

Jinghpaw Hanson Version Bible

³ Gumra ni anhte a myit hkan lu hkra, n-gup hta gumhtung bang gaw yang, de a hkum ting hpe anhte hkang lu gaw ai.

YAKU 3:3 ပူးပေါင်းရင်းမြစ်များ

2 HKAWHKAM 19:28

Na a n'yun bu ai hte gumrawng gumtawng ga ni hpe ngai lu la ni ai. Ya chyawm gaw ngai na a ladi hta lashoi shoi ya nna n-gup hta runghtung bang let nang du sa wa ai lam hku bai nhtang wa shangun na de ai.

YOBA 41:13

Shi a ntsa palawng hpe kadai mung gang je kau lu ai n rai; shi hpun sumraw da ai hpri palawng hpe kadai mung achyaw galun lu ai n rai.

SHAKAWN KUNGDAWN 32:9

Ga madat na matu hpri makrang hte gumhtung sumri ni hte hkang ra ai gumra hte lawze ni zawn machye machyang n rawng hkum rai myit,” nga nna tsun ai.

SHAKAWN KUNGDAWN 39:1

“Ngai galaw ai amu hta sadi sahka hte nga na ring ngai; nye a shinglet hte ngai yubak n galaw shangun na nngai. N hkru ai masha ni, ni nga yang, ngai hpa mung tsun dan na nngai n rai,” nga nna ngai tsun ni ai.

ESAIA 37:29

Na a n-yun bu ai shiga hte na a gumrawng gumtawng ai ga ni hpe ngai lu la nngai, ya chyawm gaw, na ladi hta lashoi shoi ya nna na a n-gup hta runghtung bang let, nang du sa wa ai lam hku bai nhtang mat wa shangun na de ai.”

YAKU 1:26

Ngai gaw nawku htung shadik ai wa rai nngai nga nna marai langai ngai myit nawn dam ti mung, shi a shinglet hpe n hkang lu yang gaw, shi a nawku htung gaw kaman lila sha rai nna shi a hkum hpe hkalem kau da wu ai.

YAKU 3:4

Shing n rai sanghpaw li langai mi a lam myit yu ga; grai kaba ai sanghpaw li hpe n gun ja ai nbung laru kaba e ahpawt gumpye ai hkrum wa ti mung, grai kaji ai li hkang hte hkang lu ai rai nna li hkang ai wa sa mayu ai de sa wa ai.