YAKU 3:16 - Jinghpaw Common Language Bible 2009

¹⁶ Manawn masham ai myit, tinang a akyu tam ai myit nga ai shara kaw kashuk kashak n ru n ra re ai lam hte n hkru n kaja ai lam amyu myu hpe mung byin pru shangun nga ai.

Jinghpaw Hanson Version Bible

¹⁶ Kaning rai nme law, manawn masham hte gasat gala rai nga yang gaw, kashuk kashak hte n shawp ai amu amyu myu hkum nga ai.

YAKU 3:16 ပူးပေါင်းရင်းမြစ်များ

YAKU 3:14

Rai ti mung nanhte a myit hta e, manawn masham ai myit, myit machyi ai, tinang akyu tam ai myit rawng ai rai yang nanhte a hpaji byeng-ya rawng dum nna grang gumrawng ai hte dai teng man ai lam hpe shut kau ai mara hkum galaw myit.

1 KORINHTU 3:3

Dai majaw nanhte gaw shinggyim ta re ai hku naw nga nga myit dai. Nanhte hta manawn masham ai hte ga li ga law rai nga myit dai majaw, dai gaw nanhte ndai mungkan hte seng ai hku asak hkrung nga ai ni re ngu ai hpe sakse madun nga ai n rai ni?

1 KORINHTU 14:33

Hpa majaw nga yang, Karai Kasang gaw kashuk kashak lam a Karai Kasang n re ai sha, ngwi pyaw sim sa lam a Karai Kasang she rai nga ai.

1 YAWHAN 3:12

Anhte gaw Ka-in zawn n mai rai ga ai. Shi gaw Nat a maga na masha tai nna shi a kanau Abela hpe sat kau nu ai. Ka-in gaw Abela hpe hpa majaw sat kau a ta?. Shi nan galaw ai amu bungli ni shut nga ai. Shi a kanau galaw ai lam ni mahtang jaw nga ai majaw rai nga ai.

GALATI 5:20

gawkngu sumla naw ai lam, mandan lakle amu, hpyi lamum hpaji, n dawng n yawt ai hte, ga li ga law ai, manawn masham ai, pawt sindawng ai, shai wa bra wa ai lam, daw hka wa ai lam, hpung garan wa ai lam,

NINGPAWT NINGHPANG 11:9

Dai Madu gaw amyu masha ni a ga hpe shanut kau nna mungkan ga ting de shabra kau wu ai majaw, dai mare hpe Babelon ngu nna shamying mu ai.

KASA 19:29

Dai marawn garu kasu kabrawng re ai lam mare ting chyam bra wa ai hte shawa masha ni mung Pawlu a manang Makedoni masha Geu yan Aristarku hpe rim dun la nna mare ting a shawa poi wang nta de htim bang wa ma ai.

ROMA 2:8

Rai ti mung masha nkau mi gaw dai n ding n man ai maga de hkan sa na matu tinang a akyu tam nna teng man ai tara hpe kabai kau ma ai, shing re ai ni a ntsa e Karai Kasang gaw shi a pawt bu nna sindawng kahtet ai ru bun na ru ai.

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

NINGPAWT NINGHPANG 38:9

Rai ti mung kashu kasha ni hpe shi madu lu na n rai nga ai hpe Onan chye wu ai rai nna shi kahpu a kashu kasha matu ni n dawng wa u ga, kahpu a gaida jan hte kanawn ai aten hta shi a azu hpe ga de jahkaw wu ai.

MARKU 3:25

Nta dinghku langai mi mung, dinghku kata hta daw hka bra ayai nna shada da gasat hkat ai rai yang dai dinghku n grin nga lu ai.