YAKU 2:6 - Jinghpaw Common Language Bible 2009

⁶ Nanhte mahtang matsan mayan wa hpe n gawn n sawn di kau manit hka! Nanhte hpe zingri zingrat di nna tara agyi ni a man de dun ahkyit wa ai ni gaw kadai ni rai ma ta? Dai ni gaw lu su ai ni rai ma ai!

Jinghpaw Hanson Version Bible

⁶ Nanhte mahtang matsan mayan wa hpe n gawn n sawn di kau mu hka; sut su ai ni chyawm gaw, nanhte hpe zingri zingrat di myit dai rai nna, tinang a lata hte nan tara tingnyang ni a man de, nanhte hpe dun ahkyit la myit dai, n rai ni?

YAKU 2:6 ပူးပေါင်းရင်းမြစ်များ

YOBA 20:19

hpa majaw nga yang, shanhte gaw matsan mayan masha ni hpe dip gamyet sha nna n sawn n sang di ma ai, marai langai ngai e gap da ai nta ni hpe zing la ma ai.

SHAKAWN KUNGDAWN 10:10

Karum la lam n nga ai ru yak hkrum ai ni gaw agrawp taw mat nna; n-gun laba gaw shanhte hpe dang kau mu ai.

SHAKAWN KUNGDAWN 10:14

Rai ti mung, ru tsang hte nni nkri hpe nang mu mada nna matsing da nga ndai hte karum la na matu, tut nawng e, jin jin rai nga ndai. Dai karum la lam n nga ai masha wa gaw shi hkum nan nang hta ap nawng shamyet shanat nga nna, nang gaw ra kadawn ai ni hpe tut nawng e, karum la nga ndai.

SHAKAWN KUNGDAWN 10:2

Tara n lang ai ni gumrawng gumtawng nga nna, matsan mayan ni hpe zingri zingrat nga ma ai; shanhte galaw da ai mahkam ni hta shanhte hpe lu shagun u.

SHAKAWN KUNGDAWN 10:8

Shi gaw mara n kap ai masha ni hpe sat na lagyim la nga let, kahtawng ni hkan, shi hkum shi makoi nga ai; shi gaw karum la lam n nga ai ru yak hkrum ai ni hpe kin-yu yu nga ai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 14:6

N hkru n shawp ai amu galaw ai ni gaw myit shagrit shanem ai masha wa a yaw shada ai lam hpe jahten ya ti mung, Madu gaw shi hpe makawp maga da ai wa rai nga ai.

GA SHAGAWP 14:31

Matsan mayan ni hpe nang dip gamyet sha ai rai yang, shanhte hpe hpan da ai Karai Kasang hpe nang n gawn n sawn di nga ndai; rai ti mung, matsan mayan ni hpe matsan dum myit madun ai chyawm gaw Madu hpe nawku daw jau ai lam rai nga ai.

GA SHAGAWP 17:5

Matsan mayan masha ni hpe nang asawng asang di ai rai yang, shanhte hpe hpan da ai Karai Kasang hpe nang n kaw n law di nga ndai; masha wa a ru yak tsin-yam hpe nang yu kabu ai rai yang, nang ari hkrum sha na rin dai.

GA SHAGAWP 18:23

Matsan mayan re ai masha wa tsun shaga yang, shi gaw sumnung shingdi rai shaga ra nga ai; sut su ai wa htan ai shaloi, shi gaw n kaw n law di nga ai.

GA SHAGAWP 22:16

Sut gan shalaw na matu, matsan mayan wa hpe dip gamyet da nna sut su ai ni hpe kumhpa nang jaw ai rai yang, nang hkum nan matsan mayan hkrum na ra ai.

GA SHAGAWP 22:7

Matsan mayan re ai masha ni gaw sut su ai masha ni a mayam ni rai nga ma ai; gumhpraw hkoi la ai rai yang, nang gaw hkoi ya ai wa a mayam rai nga ndai.

HPAJI NINGLI 5:8

Up hkang ai ni gaw matsan mayan ni hpe dip gamyet zingri zingrat ai hte teng man rap ra ai tara hpe ningdang kau nna shanhte a ahkaw ahkang ni hpe shanut kau ai hpe nang mu yang hkum yu mau et. Du shagu gaw shi a ntsa na wa a makawp maga la ai hkrum nga ai. Shan lahkawng mung grau tsaw ai du ni a makawp maga la ai naw hkrum nga ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

AMO LAIKA (AMOS) 4:1

Yaw jahpum da ai Bashan na nga kanu ni zawn galu kaba hpum tsawm nga ai Samari numsha ni e, ndai ga madat mu, nanhte gaw n-gun kya ai ni hpe n gawn n sawn di nna, matsan mayan masha ni hpe dip gamyet sha nhtawm nanhte a madu wa ni kaw lu na sabyi ntsin shapraw ya na hpyi nga myit dai.

AMO LAIKA (AMOS) 5:11

Nanhte gaw matsan mayan masha ni hpe dip gamyet sha nna shanhte a nsi naisi ni kashun la kau ya nga myit dai majaw, nanhte gaw gap da ai tsawm ai nlung wahpang nta ni hta nga lu na myit dai n rai, nanhte hkai da ai tsawm la ai sabyi sun kata kaw na sabyi ntsin lu lu na myit dai n rai.

HABAKU 3:14

Anhte hpe shabra kau na nga, laru bungga zawn ahpawt du wa nna, matsan mayan masha ni hpe machyi shim ai hku dip gamyet sha na yu kabu nga ai shaloi, na a pala ni dai hpyen hpung woi awn ai hpyendu wa hpe galun htinggrang kau nga nit dai.

ZEHKARIA 7:10

gaida gaina ni, jahkrai nmai ni, nanhte hta hkan nga nang nga ai maigan masha ni hte ra kadawn nga ai ni kadai hpe mung adip arip hkum rai myit; langai hte langai shada da machyi hkra shangun ai lam hkum maw myit.’

YAWHAN 8:49

Yesu gaw, “Ngai nat shang ai wa n rai nngai; ngai gaw nye Wa hpe she shagrau nngai, rai ti mung nanhte chyawm gaw ngai hpe jahpoi myit dai.

KASA 13:50

Rai ti mung Yuda masha ni gaw mare na du agyi salang ni hte Karai Kasang hpe nawku kam sham ai lahta tsang maigan amyu num sha ni hpe myit sharawt jashut nhtawm Pawlu Yan Barnaba hpe zingri zingrat di shangun ai hte, shanhte a lamu ga kaw na gawt shapraw kau ma ai.

KASA 17:6

Rai ti mung shan hpe n mu jang, shanhte gaw Yasun hte kam sham ai hpu nau ni nkau mi hpe mare du agyi hpang de dun garawt sa nna, “Ndai ni gaw mungkan ting hpe gale galau di hkawm ai ni rai ma ai! Ya anhte a mare de du mara ai rai nna Yasun gaw shi a nta hta shan hpe hkap la mu ai.

KASA 18:12

Galio gaw Ahkaia mung e munggyi rai nga yang Yuda masha ni masha jahpawng la nhtawm Pawlu hpe rim la nna tara tingnyang a man de woi wa mu ai.

KASA 8:3

Rai ti mung Shawlu gaw hpung hpe hpya jahtum kau na matu shakut nga ai. Shi gaw nta langai hte langai shang nna kam sham ai numsha lasha ni hpe garawt ahkyik la nhtawm htawng hta sharen da mu ai.

1 KORINHTU 11:22

Ataw, sha na lu na matu tinang a nta n lu myit ni? Shing n rai Karai Kasang a Hpung hpe n gawn n sawn jahpoi asawng nna, n lu n su ai ni hpe kaya jahkrum ai ga rai myit ni? Ngai nanhte hpe ndai lam hte seng nna kaning ngu tsun na ra ai ngu nna nanhte myit mada myit ta? Ngai nanhte hpe shakawn na rai ni? Kaja wa nanhte hpe ngai shakawn na made ai n rai.

YAKU 2:3

Nanhte gaw dai reng ai hpun palawng bu hpun ai wa hpe grau hkungga nna, “Ndai kaja dik ai shara kaw dung u,” ngu nhtawm, matsan ai wa hpe gaw, “Wo nang e tsap u, shing n rai nang e nye a lagaw nhpang dun ntsa dung u,” nga ai rai yang,

YAKU 5:4

Nanhte gaw nanhte a yi sun hkauna ni hta amu bungli galaw ai masha ni hpe hpa shabrai mung n jaw myit dai. Shanhte aput angun ai nsen ni hpe madat yu mu! Nanhte a nsi naisi ni hpe dan shinggyin ya ai ni a marawn jahtau ai nsen gaw daru magam rawng ai Madu Karai Kasang a na hta hkrang shang wa sai.

YAKU 5:6

Nanhte gaw mara n kap ai masha ni hpe daw dan nna sat kau manu ai; shanhte gaw nanhte hpe ninghkap nga ai n rai.