YAKU 2:5 - Jinghpaw Common Language Bible 2009

⁵ Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

Jinghpaw Hanson Version Bible

⁵ Ngai tsawra ai hpunau ni e, madat mara la mu: kamsham ai sutgan hta lu su nna, Karai Kasang hpe tsawra ai ni a matu mara, ndat da ai mungdan a sali wunli hpe hkam la lu mu ga, Karai Kasang gaw mungkan ga na matsan mayan ni hpe lata la manu ai, n rai ni?

YAKU 2:5 ပူးပေါင်းရင်းမြစ်များ

1 HKAWHKAM 22:28

Mihkaia gaw, “Nang shim lum ai hte bai nhtang wa lu ai rai yang, dai Madu gaw ngai hku nna ga shaga na nu ai n rai!,” ngu nna jahtau tsun wu ai. Shi gaw, “Masha shagu hte e, ngai hpe tsun ai ga hpe madat mu law!,” ngu nna jat tsun wu ai.

YOBA 34:10

Myit su salang ni e, nye a ga madat mu! Chyahtum Chyalai N-gun Rawng Ai Karai Kasang gaw shut ai amu galaw na rai wu ni?

YOBA 34:19

Shi gaw masha shagu hpe hpan da nga ai majaw, mung up du ni hpang maga n lawm, matsan mayan masha ni hta sut su ai ni a myi man tau ya ai n rai.

YOBA 38:14

Shani nhtoi gaw kawng ni hte kadit ni hpe hpun palawng kahtap da ai zawn dan dawng shangun nga ai, kagam ga ntsa e dazik dawk da ai hkang zawn asan sha rai nga ai.

PRU MAT 20:6

Rai ti mung, ngai hpe tsaw ra nna nye a tara ni hpe madat mara ai ni hpe chyawm gaw prat ban hkying mun du hkra, nye a tsaw ra myit madun nga nngai.

GA SHAGAWP 13:7

Masha nkau mi gaw sut su ai wa zawn zawn rai nga ma ti mung, shanhte hpa n lu nga ma ai; masha nkau mi matsan ai wa zawn zawn rai nga ma ti mung, sali wunli law law hpe madu tawn lu ma ai.

GA SHAGAWP 7:24

Shing rai, ya chyawm gaw, sha ni e, nye a ga hpe madat mu. Ngai tsun ai ga hta myit maju jung nga mu.

GA SHAGAWP 8:32

Ya chyawm gaw, shabrang ni e, nye a ga hpe madat mu; ngai tsun ai ga hte maren, hkan galaw ai rai yang, nanhte a lu na marin dai.

ESAIA 14:32

Anhte gaw Hpilisti mung kaw nna anhte hpang de du sa wa ai kasa ni hpe kaning ngu htan na rai ga ta? Anhte gaw shanhte hpe dai Madu gaw Ziun hpe gaw da nu ai; nni nkri hkam sha nga ai shi a amyu masha ni gaw dai yang e shim lum lam mu tam la na mara ai, ngu tsun dan na ga ai.

ESAIA 29:19

Matsan mayan ni hte shagrit shanem ai amyu masha ni gaw dai Madu Israela a chyoi pra ai Karai Kasang jaw ai kabu gara lam hpe kalang mi bai mu na mara ai.

ZEHPANI 3:12

Ngai gaw shagrit shanem ai masha ni hte matsan mayan re ai masha ni hpe Yerusalem e jahti da nna shanhte gaw karum la lam lu na matu ngai hpang de sa wa na mara ai.

ZEHKARIA 11:11

Dai rai nna, dai shani e dai ga shaka run kau hkrum nna, dut mari hkrum ai sagu ni ngai hpe azi yu nga ma ai rai nna, dai Madu tsun ai hte maren ngai galaw ai hpe shanhte chye nga ma ai.

ZEHKARIA 11:7

Sagu ni hpe dut mari ai ni gaw ngai hpe saw shaga ma ai; dai rai nna ngai gaw sat na matu san da ai sagu ni hpe rem ai wa ngai tai nga nngai. Ngai gaw dawhkrawng lahkawng la nna langai mi hpe “Myi man pa lam” kaga langai mi hpe “Myit hkrum lam” ngu nna shamying nngai. Shaloi sagu hpung hpe ngai bau rem nngai.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

MAHTE 5:3

“Wenyi hta matsan mayan rai nga ai hpe dum chye ai masha ni gaw a lu ma ai, hpa majaw nga yang, sumsing lamu a mungdan gaw shanhte a mungdan rai nga malu ai!

MARKU 7:14

Yesu gaw shawa masha ni hpe lang mi bai shaga la nna, shanhte hpe, “Nanhte yawng ngai tsun ai hpe madat nna chye na la mu.

LUKA 12:21

“Tinang a matu sutgan mahkawng da nhtawm, Karai Kasang a man e n lu n su ai wa gaw, shing re ai sahti wa hte bung na ra ai,” ngu nna tsun hpungdim wu ai.

LUKA 12:32

Sagu hpung kaji e, hkum hkrit et; hpa majaw nga yang, dai mungdan nanhte hpe jaw na, nanhte a Kawa myit ra sharawng nga ai.

LUKA 16:22

“Shaloi dai matsan wa si mat wa nna, lamu kasa ni shi hpe sumsing lamu na lusha poi hta Abraham a makau e dung nga na matu woi bang da mu ai, sahti wa mung si wa nna lup makoi hkrum nu ai.

LUKA 16:25

“Shaloi Abraham gaw, Sha e, nang gaw naw hkrung nga ai aten hte yang, na a ngamu ngamai ai yawng hkam la lu nit dai hpe mung, Lazaru gaw dai ten hte yang, tsin-yam tsindam hkrum nga ai mung, dum nga u; ya gaw shi nang e pyaw pyaw ningngai nga nu ai, nang mahtang gaw nji nmu hkrum nga lit dai.

LUKA 22:29

Dai re ai majaw, nye Wa gaw ngai hpe up hkang na ahkang aya jaw ai zawn, ngai mung nanhte hpe, up hkang na ahkang jaw made ai.

LUKA 6:20

Yesu gaw shi a sape ni hpe mada yu nna tsun mu ai gaw: “Nanhte matsan mayan ni a lu myit dai, kaning rai nme law, Karai Kasang a Mungdan gaw nanhte a mungdan rai nga malit dai.

YAWHAN 7:48

Anhte a ningbaw ningla ni hte Hparishe ni hta na langai mi dai wa hpe kam sham na kadai nga ma ni?

KASA 7:2

Stehpan gaw, “Hpu nau ni hte wa ni e, ngai tsun ai hpe madat mara yu mu! Anhte a kaji daju Abraham, Haran mare de garai n wa nga, Mesopotamia mung e naw rai nga yang, hpung shingkang rawng ai Karai Kasang gaw shi kaw dan pru nna,

ROMA 8:17

Anhte gaw shi a kashu kasha ni rai nga ga yang gaw shi a amyu masha ni a matu san da ai sali wunli ni hpe anhte hkam la na ga ai. Hkristu a matu Karai Kasang san da ai hpung shingkang hpe mung anhte hkam la lu na ga ai, hpa majaw nga yang anhte gaw Hkristu hte rau nni nkri hkrum nga ga yang, shi hte rau hpung shingkang hpe mung anhte hkam la na rai nga ga ai.

1 KORINHTU 2:9

Rai ti mung Chyum Laika hta, “Kadai n mu n na yu ai lam, byin na re ai ngu nna kadai n myit hkawn pru ai lam hpe Karai Kasang gaw shi hpe tsaw ra ai ni a matu mara lajang da nga ai,” nga nna ka da nga ai.

2 KORINHTU 4:15

Ndai lam ni yawng hte gaw nanhte hta akyu ara byin tai wa na matu rai nga ai; Karai Kasang a chyeju hpe hkam la ai masha ni mung grau grau law wa ai hte maren, Madu a hpung shingkang hpe chyeju dum shakawn shagrau akyu hpyi ai lam ni mung grau nna law htam wa na ra ai.

2 KORINHTU 6:10

Yawn hkyen hkrum ga ai rai ti mung, anhte tut nawng e akabu nga ga ai, matsan mayan re ai ni zawn rai ga ti mung, masha law law hpe shalu jasu saga ai. Hpa n lu ai ni zawn rai ga ti mung, anhte kaja wa yawng mayawng hpe madu ai ni rai nga ga ai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

EHPESU 1:18

Madu gaw nanhte hpe hpa baw myit mada ai lam hta shaga la sai hpe mung Madu a amyu masha ni hpe ndat da ai mauhpa chyeju sali wunli ni gaw, kade wa n taw n tsang rai nga ai hpe mung,

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

1 HTESALONI 2:12

Anhte gaw nanhte hpe n-gun jaw ai lam hte shadaw shalan ai lam galaw saga ai. Shi a mungdan hta shang sha lu na hte hpung shingkang hkam la lu mu ga, nanhte hpe shaga la ai Karai Kasang hpe sharawng awng shangun ai asak hkrung lam hta e hkawm sa nga na matu anhte matut manoi shadut jahkat saga ai.

2 HTESALONI 1:5

Ndai lam ni mahkra gaw, Karai Kasang a tara daw dan ai lam teng nga ai hpe sakse madun ya nga ai. De a akyu a majaw, nanhte gaw shi a mungdan hte ging dan ai ni tai wa na marin dai, de a matu she nanhte nni nkri hkrum nga myit dai.

1 TIMOHTI 6:18

Mai kaja ai galaw na matu mung, mai kaja ai bungli ni hta sut su na matu mung, masha kaga ni hpe karan kachyan jaw jahproi ai lam hta mung, n daw n hta jaw ya na matu jin jin rai nga mu ga shanhte hpe sharin shaga nga u.

2 TIMOHTI 4:18

Dai Madu gaw n hkru n hkra ai lam yawng hta na ngai hpe mawai la nna, shi a sumsing lamu Mungdan de hkap hkra shim lam jaw let woi la na ring ngai. Shi hta htani htana prat dingsa e hpung shingkang anga nga u ga law! Amen.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

HEBRE 11:26

Shi gaw Meshia a matu jahpoi asawng hkrum ai gaw Egutu mungdan a sutgan yawng mayawng hta grau kaja reng nga ai ngu nna myit nawn wu ai, hpa majaw nga yang, shi gaw du na ra ai aten hta bai lu la na shagrau kumhpa hpe myit nga ai.

YAKU 1:12

Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

YAKU 1:16

Tsaw ra ai hpu nau ni e, hkalem hkalau ai ni a majaw lam hkum dam myit!

YAKU 1:19

Nye a tsaw ra ai hpu nau ni e, ndai lam matsing tawn da nga mu! Nanhte langai hte langai gaw na la na mahtang lawan nna tsun shaga na hte masin pawt na lam hta hkum tin nga mu.

YAKU 1:9

Matsan nga ai Hkristan hpu nau wa gaw, Karai Kasang e shi hpe shagrau dat hkrum ai shaloi kabu nga u ga.

1 PETRU 1:4

Dai rai nna anhte gaw shi a amyu masha ni a matu Karai Kasang kyem mazing da ai n taw n tsang re ai shaman chyeju ni hpe madu la lu na matu myit mada nga ga ai. Shi gaw n run n hten ai awu asin n re ai n wai n mat ai sali wunli ni hpe sumsing lamu e nanhte a matu kyem mazing da nu ai.

2 PETRU 1:11

Dai lam hku hkan sa myit yang gaw, anhte a Madu hte hkye hkrang la ai Yesu Hkristu a htani htana re ai mungdan de shang lu na ahkang nanhte hpe hpring hpring tsup tsup jaw ya na marin dai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.

SHINGRAN 21:7

Awng padang lu ai wa gaw, ndai ga sadi hte maren hkam la lu na ra ai rai nna, ngai gaw shi a Karai Kasang tai na hte, shi gaw nye a kasha tai na ra ai.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.

TARA AGYI 9:7

Dai lam Yohtam na jang, Gerizim bum pungding e shi lung tsap nhtawm shanhte hpe, “Shehkem masha ni e, nye a ga madat mu; Karai Kasang gaw nanhte a ga madat ya malit ga law!

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.

1 SAMUELA 2:8

Shi gaw matsan mayan ni hpe ga nhpu kaw na mung, ra kadawn ai ni hpe shanhte a nni nkri kata kaw na mung sharawt la nga ai. Shi gaw dai ni hpe hkawhkam kasha ni a manang shatai nhtawm shagrau sha-a ai shara ni hta tawn da nga ai. Dai Madu gaw ginding aga a npawt nhpang ni hpe madu da nga ai; dai ni a ntsa e mungkan ga hpe shi gaw da nga ai.