YAKU 2:4 - Jinghpaw Common Language Bible 2009

⁴ nanhte a kata e lachyen lahka re ai lam ni hpe shabyin nna, n hkru n kaja ai maw mawn ai myit hte daw dan ai ni tai ai majaw, mara lu myit dai.

Jinghpaw Hanson Version Bible

⁴ nanhte shada da ginhka wa nna, n hkru ai myit mang rawng ai dawdan ai ni tai wa myit dai, n rai myit ni?

YAKU 2:4 ပူးပေါင်းရင်းမြစ်များ

YOBA 21:27

Nanhte hta matai htang mayu ai myit rawng nga myit dai gaw ngai chye nngai.

YOBA 34:19

Shi gaw masha shagu hpe hpan da nga ai majaw, mung up du ni hpang maga n lawm, matsan mayan masha ni hta sut su ai ni a myi man tau ya ai n rai.

SHAKAWN KUNGDAWN 109:31

Hpa majaw nga yang, shi gaw matsan mayan wa hpe makawp maga ya nna; shi hpe si na tara daw dan ya ai ni a lata kaw nna hkye hkrang la ai majaw rai nga ai.

SHAKAWN KUNGDAWN 58:1

Du salang ni e, nanhte gaw kaja wa teng man ai daw dan lam hpe jaw ya nga myit ni? Masha nlang hte hpe rap ra ai tara hku nna tara jeyang ya nga myit ni?

SHAKAWN KUNGDAWN 82:2

“N tara ai hku tara jeyang ai lam hpe nanhte jahkring da lu na myit dai; tara n lang ai ni hpe myi man tau ai lam nanhte kachyi mi mung n rai lu na myit dai.

MALAHKI 2:9

Dai rai nna, ngai gaw Israela amyu masha ni hpe lang let nanhte hpe nhpu nru di shangun na made ai, hpa majaw nga yang nanhte gaw nye a myit n hkan ai sha, nye a amyu masha ni hpe sharin achyin ai shaloi masha shagu hpe maren mara n di nga myit dai.”

LUKA 18:6

Madu gaw, “N ding n man ai tara agyi wa tsun ai ga hpe madat yu mu.

YAWHAN 7:24

Shinggan lam hku mu mada lu ai hpe sha yu nna hkum jeyang myit, ding hpring ai hku she jeyang mu,” ngu nna shanhte hpe htan mu ai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

YAKU 4:11

Hpu nau ni e, nanhte shada da mara tam dinglun ai lam hkum galaw myit; tinang a Hkristan hpu nau wa langai mi hpe mara tam dinglun ai, shing n rai jeyang ai wa kadai mung dai Tara hpe mara tam dinglun ai hta n ga, dai hpe jeyang ai wa mung rai nga ai. Nanhte gaw Tara hpe jeyang myit yang gaw, dai Tara hpe madat mara hkan sa ai ni n rai, dai hpe jeyang ai ni sha rai manit dai.