YAKU 2:3 - Jinghpaw Common Language Bible 2009

³ Nanhte gaw dai reng ai hpun palawng bu hpun ai wa hpe grau hkungga nna, “Ndai kaja dik ai shara kaw dung u,” ngu nhtawm, matsan ai wa hpe gaw, “Wo nang e tsap u, shing n rai nang e nye a lagaw nhpang dun ntsa dung u,” nga ai rai yang,

Jinghpaw Hanson Version Bible

³ dai reng ai hpun palawng bu hpun ai wa hpe nanhte hkap yu mu ai rai nna, Nang e arawng lu ai shara hta dung nga u; bai, dai matsan mayan re ai wa hpe, Wonang e tsap nga u; shing n rai, nye a lagaw nhpang e dung nga u, nga nna tsun myit yang gaw,

YAKU 2:3 ပူးပေါင်းရင်းမြစ်များ

GA SHAGAWP 18:23

Matsan mayan re ai masha wa tsun shaga yang, shi gaw sumnung shingdi rai shaga ra nga ai; sut su ai wa htan ai shaloi, shi gaw n kaw n law di nga ai.

ESAIA 65:5

Dai hpang shanhte gaw kaga ni hpe, ‘Anhte kaw na kran rai mat mu; Anhte gaw nanhte a matu nau wa chyoi pra nga ga ai majaw ahtawk hkra lu na myit dai n rai!,’ ngu nna tsun ma ai. Ngai gaw dai zawn re ai masha ni hpe n sharang lu nngai-shanhte hpe ninghkap na nye a masin kahtet ai gaw galoi mung n krip mat ai wan zawn rai nga li ai.

LUKA 23:11

Herod hte shi a hpyen ma ni Yesu hpe n kaw n law aroi arip jahpoi asawng di nna reng ai hpun palawng jahpun nhtawm, Pilat hpang de bai nhtang sa shangun dat mu ai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

YAKU 2:2

Ga shadawn, lu su ai masha langai mi gaw ja lachyawp chyawp nna reng ai hpun palawng bu hpun ai wa langai mi hte matsan ai masha langai mi ashep ashin re ai hpun palawng bu hpun nna nanhte a hpawng de sa wa ai ngu ga,

YAKU 2:6

Nanhte mahtang matsan mayan wa hpe n gawn n sawn di kau manit hka! Nanhte hpe zingri zingrat di nna tara agyi ni a man de dun ahkyit wa ai ni gaw kadai ni rai ma ta? Dai ni gaw lu su ai ni rai ma ai!

YUDA 1:16

Ndai masha ni gaw galoi mung aput angun nga nna masha kaga ni hpe mara sha shagun nga ma ai; shanhte gaw shanhte a n hkru n kaja ai, ra marin ai hta hkan nang ma ai. Shanhte gaw tinang a lam hpe shakawng gumrawng chye ma ai; shanhte gaw tinang a akyu pru hkra masha wa hpe kawng sharawt ya masu ai hku hkalem ai ga chye tsun ma ai.