YAKU 2:10 - Jinghpaw Common Language Bible 2009

¹⁰ Jep ai tara langai mi hpe tawt lai ai wa kadai rai ti mung jep ai tara yawng hpe tawt lai nu ai.

Jinghpaw Hanson Version Bible

¹⁰ Kadai rai timung tara ting hpe hkan shatup lu timung, dai hta na langai mi hpe kataw kau yang gaw, yawng hte hta ra ging ai wa rai nga ai.

YAKU 2:10 ပူးပေါင်းရင်းမြစ်များ

YEREMIA 32:23

Rai ti mung, shanhte gaw ndai mung de shang wa nna, dai mung hpe madu sha wa ai shaloi, shanhte gaw na a hkang da ai ga ni hpe mung, na a sharin achyin ai matsun ga hte maren nga na matu mung, n madat n mara nga ma ai; shanhte hkan galaw na matu nang hkang da ai lam hpa hpe mung shanhte n galaw shatup ma ai. Nang gaw shanhte a ntsa e dai jahten shabyak ai lam yawng shapraw dan nit dai.

GALATI 3:10

Dai jep ai tara hkan sa shadik ai lam hpe kam hpa nga ai ni kadai rai ti mung dagam dala a npu e rai nga ma ai. Hpa majaw nga yang, Chyum Laika gaw, “Dai tara hta ka da mada hte maren n hkan shatup nga ai wa kadai rai ti mung, dagam dala hkrum na mara ai,” nga nna ka da nga ai.

GALATI 5:3

Dai hta n ga, matu gadoi hkam ai wa gaw jep ai Tara nlang hte hpe shatup shadik lu na ra ai ngu nna, matu gadoi hkam ai masha yawng hpe ngai kalang mi bai sadi jaw nngai.

TARA JAHPRANG 27:26

“ ‘Karai Kasang a tara hte sharin shaga ai ga ni yawng hpe n hkan shatup ai wa kadai mung Karai Kasang jaw ai dagam dala hkrum u ga law.’ “Shaloi, amyu masha ni yawng gaw, ‘Amen!,’ ngu nna htan na mara ai.

YAKU 3:2

Anhte nga manga hte gaw ya sha ya sha shut chye ga ai. Rai ti mung masha langai mi gaw, shi tsun shaga ai hta galoi mung n shut ai rai yang gaw, dai wa gaw hkum tsup ai wa rai nna shi a hkum hkrang ting hpe hkang lu ai wa rai nga ai.

2 PETRU 1:10

Dai re ai majaw, nye a hpu nau ni e, nanhte hpe Karai Kasang e shaga la ai hte lata la sai ngu ai lam hpe tut tut hkam sha nga na matu grau nna shakut shaja nga mu. Shing rai galaw myit yang gaw, nanhte a makam masham hpe galoi mung kabai kau na myit dai n rai.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,