YAKU 1:9 - Jinghpaw Common Language Bible 2009

⁹ Matsan nga ai Hkristan hpu nau wa gaw, Karai Kasang e shi hpe shagrau dat hkrum ai shaloi kabu nga u ga.

Jinghpaw Hanson Version Bible

⁹ Grit nga ai hpunau wa gaw tinang a shagrau ai hta, sut su ai wa chyawm gaw tinang a shagrit ai hta, gumrawng nga mu ga;

YAKU 1:9 ပူးပေါင်းရင်းမြစ်များ

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

GA SHAGAWP 17:5

Matsan mayan masha ni hpe nang asawng asang di ai rai yang, shanhte hpe hpan da ai Karai Kasang hpe nang n kaw n law di nga ndai; masha wa a ru yak tsin-yam hpe nang yu kabu ai rai yang, nang ari hkrum sha na rin dai.

GA SHAGAWP 19:1

Hkalem hkalau ga tsun nna angawk ai wa hta, myit malang nna matsan mayan rai nga na gaw, grau nna kaja nga ai.

ESAIA 29:19

Matsan mayan ni hte shagrit shanem ai amyu masha ni gaw dai Madu Israela a chyoi pra ai Karai Kasang jaw ai kabu gara lam hpe kalang mi bai mu na mara ai.

LUKA 1:52

Shi gaw n'gun atsam rawng ai hkawhkam ni hpe jahkrat kau nna, myit gyip grit nem nga ai ni hpe shagrau ya nu ai.

LUKA 10:20

Rai ti mung, nat ni nanhte a ga madat ai majaw, hkum kabu myit, nanhte a mying ni hpe sumsing lamu hta ka da sai majaw she, kabu nga mu,” ngu nna tsun mu ai.

LUKA 14:11

Tinang hkum hpe shagrau shatsaw ai wa kadai mung, shagrit kau ai hkrum na ra ai; tinang hkum hpe shagrit ai wa kadai mung, shagrau shatsaw ai hkrum na ra ai,”

LUKA 9:48

“Ndai ma hpe nye a mying a majaw hkap la ai wa kadai mung, ngai e shangun dat ai wa hpe hkap la ai rai nga ai, dai rai nna, nanhte mahkra hta grau kaji ai wa gaw, grau kaba ai wa rai nga ai,” ngu mu ai.

ROMA 8:17

Anhte gaw shi a kashu kasha ni rai nga ga yang gaw shi a amyu masha ni a matu san da ai sali wunli ni hpe anhte hkam la na ga ai. Hkristu a matu Karai Kasang san da ai hpung shingkang hpe mung anhte hkam la lu na ga ai, hpa majaw nga yang anhte gaw Hkristu hte rau nni nkri hkrum nga ga yang, shi hte rau hpung shingkang hpe mung anhte hkam la na rai nga ga ai.

2 KORINHTU 6:10

Yawn hkyen hkrum ga ai rai ti mung, anhte tut nawng e akabu nga ga ai, matsan mayan re ai ni zawn rai ga ti mung, masha law law hpe shalu jasu saga ai. Hpa n lu ai ni zawn rai ga ti mung, anhte kaja wa yawng mayawng hpe madu ai ni rai nga ga ai.

TARA JAHPRANG 15:11

Dai mung hta matsan mayan hkrum nna ra kadawn nga ai Israela masha nkau mi galoi mung anga nga na ma ai majaw shanhte hpe lahpawt ai myit n rawng ai sha karum ya lu myit ga, nanhte hpe ngai hkang da mawe ai.

TARA JAHPRANG 15:7

“Dai Madu nanhte a Karai Kasang jaw ya nga ai mungdan na mare langai ngai hta Israela hpu nau wa matsan mayan hkrum nna ra kadawn nga ai rai yang, shawang myit kata rai shi hpe n karum la hkum rai myit.

TARA JAHPRANG 15:9

Jaw ra ai hka ni hpe shaprai kau ya ai shaning ladaw du wa magang ra ai majaw arai lama ma shi hpe hkoi shap ya na matu lit hkum li dum myit. Dai zawn re ai n hkru n shawp ai myit mang lam nanhte a kraw hta hkum rawng shangun nga myit. Shi hpe hkoi shap ya na matu nanhte ningdang kau ai rai yang, dai Madu hpe shi jahtau shaga ai majaw mara jaw hkrum na rai myit dai.

HPILIPI 3:14

Dai rai nna ngai gaw dai kumhpa hpe lu la na matu bandung du hkra shachyut nngai. Dai kumhpa gaw lahta tang e asak hkrung lu u ga, Hkristu Yesu a marang e Karai Kasang a shaga la ai lam rai nga ai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.

1 SAMUELA 2:8

Shi gaw matsan mayan ni hpe ga nhpu kaw na mung, ra kadawn ai ni hpe shanhte a nni nkri kata kaw na mung sharawt la nga ai. Shi gaw dai ni hpe hkawhkam kasha ni a manang shatai nhtawm shagrau sha-a ai shara ni hta tawn da nga ai. Dai Madu gaw ginding aga a npawt nhpang ni hpe madu da nga ai; dai ni a ntsa e mungkan ga hpe shi gaw da nga ai.