YAKU 1:6 - Jinghpaw Common Language Bible 2009

⁶ Rai ti mung nanhte akyu hpyi ai shaloi kam shut ai myit hte n re ai sha, kam sham ai myit hte hpyi nem lu na rai myit dai. Kam shut ai wa kadai mung nbung e ahtu nna kanawng hkawm ai panglai na hka leng hte bung nga ai.

Jinghpaw Hanson Version Bible

⁶ rai timung, kam shut ai n lawm ai sha, kamsham ai myit hte hpyi nga u ga; kaning rai nme law, kam shut ai wa gaw, nbung e ahtu nna hta wa ai nawng na hka leng ni hte bung nga ai.

YAKU 1:6 ပူးပေါင်းရင်းမြစ်များ

NINGPAWT NINGHPANG 49:4

Nang gaw mawru hka zawn kabrawng nga ndai, Rai ti mung nang gaw ahkyak htum ai wa n rai nga ndai, Nang gaw nye a lashi num hte yup nit dai majaw, Na nwa a yup ku hpe sari jahpoi kau ya nga ndai.

MAHTE 14:28

Shaloi, Petru mahtang htan nna, “Madu e nang rai n yang gaw, hka ntsa hku nang kaw sa du lu na, ngai hpe shaga la e,” ngu wu ai.

KASA 10:20

Ngai nan shanhte hpe shangun dat mawe ai rai nna, myit hpa n ganung chyai nga ai sha, shanhte hte rau sa wa su!,” ngu dat wu ai.

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

1 TIMOHTI 2:8

Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.

HEBRE 10:23

Anhte yin la kam sham ai makam masham a myit mada ai lam hta n shamu n shamawt hkra anhte maju jung nga ga; hpa majaw nga yang, Karai Kasang gaw shi tawn da ai ga sadi hta kangka re ai wa rai nga ai hpe anhte kam hpa lu ga ai.

HEBRE 11:6

Makam masham n rawng yang kadai mung Karai Kasang hpe sharawng awng shangun lu ai n rai, hpa majaw nga yang, Karai Kasang kaw sit shang ai wa kadai mung, Karai Kasang nga nga ai hte shi hpe hkan tam ai ni hpe chyeju htang jaw nga ai, ngu ai hpe kam sham ai wa rai lu na rai nga ai.

HEBRE 13:9

Shawoi n mu n na yu ai sharin shaga ai lam tsasam amyu myu gaw nanhte hpe dai teng man ai lam kaw na lam hkum woi shadam shangun myit. Lusha hte seng ai hkan sa tara ni hpe madat mara hkan shadik ai hku n re ai sha Karai Kasang a chyeju kaw na wenyi n-gun atsam hpe hkam la ai mahtang grau mai kaja nga ai; dai lusha hte seng ai tara ni gaw hkan sa shadik ai ni hpe hpa n karum lu nga ai.

YAKU 1:7

Dai zawn re ai masha gaw shi galaw ai lam yawng mayawng hta shi a myit hpe n daw dan lu ai rai nna myit matu n ding ai wa rai nga ai.

YAKU 5:15

Kam sham ai myit hte akyu hpyi ai ga gaw dai machyi ai wa hpe shamai shatsai lu nna dai Madu gaw shi hpe bai hkam kaja wa shangun na ru ai hte shi galaw hkrup kau ai yubak mara ni hpe mung raw dat kau ya na ra ai.

2 PETRU 2:17

Ndai masha ni gaw hka hkyet hkraw mat sai hka shi ni hte mung, nbung laru e shapoi hkawm ai sumwi ni hte mung bung nga ma ai. Karai Kasang gaw sin mak nna sung dik ai kaw shanhte a matu shara langai mi mazing da ya manu ai.