YAKU 1:16 - Jinghpaw Common Language Bible 2009

¹⁶ Tsaw ra ai hpu nau ni e, hkalem hkalau ai ni a majaw lam hkum dam myit!

Jinghpaw Hanson Version Bible

¹⁶ Nye a tsawra ai hpunau ni e, myit hkum dam myit.

YAKU 1:16 ပူးပေါင်းရင်းမြစ်များ

YAKU 1:19

Nye a tsaw ra ai hpu nau ni e, ndai lam matsing tawn da nga mu! Nanhte langai hte langai gaw na la na mahtang lawan nna tsun shaga na hte masin pawt na lam hta hkum tin nga mu.

HPILIPI 2:12

Dai re ai majaw ngai tsaw ra nga ai ni e nanhte hte ngai rau nga ai aten hta nanhte galoi mung nye a ga hpe madat mara myit dai zawn ya mung nanhte hte tsan gang nga ai ten hta nye a ga madat mara na gaw grau nna pyi ra ahkyak nga ai. Dai rai nna nanhte gaw hkye hkrang la ai lam hpe hpring tsup hkra lu la mu ga hkrit gari ai hte shachyen shatsup nga mu.

GALATI 6:7

Nanhte gaw tinang hkum hpe hkalem nna lam hkum dam myit; Karai Kasang hpe kadai mung n sawn n sang di lu na n rai. Masha gaw tinang gat hkai ai hte maren dan la na ra ai.

KOLOSE 2:8

Hkristu a hkang da ai kaw na n re ai sha, shinggyim masha ni a matsun maroi ga hkan nna akyu n rawng ai myit sawn hpaji hku nna hkalem hkalau ai lam hte mung, lamu ganghkau n-gawn tawa hta nga ai nat hpara ni kaw na pru ai sharin shaga ai lam ni hte mung, kadai mung nanhte hpe mayam n shatai myit ga, sadi nga mu.

HEBRE 13:1

Nanhte gaw Hkristan hpu nau ni rai nga myit dai hte maren shada da tsaw ra nga mu.

KOLOSE 2:4

Dai rai nna, kadai wa rai ti mung shut ai lam hpe grai jaw na zawn kaja na zawn nga hkra tsun dangrang ai lam ni hte nanhte hpe hkalem hkalau ai lam n byin u ga, ngai ning nga nna tsun shadum nga nngai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

2 TIMOHTI 2:18

Shanhte gaw dai teng man ai lam hta na yit mat wa nna anhte a hkrung rawt wa ai lam gaw byin ngut sai nga nna tsun ai hte nkau mi a kam sham ai lam hpe shanut jahtum ya nga ma ai.

HPILIPI 4:1

Dai rai nna hpu nau ni e, nanhte hpe ngai grai tsaw ra nga made ai hte grai myit dum marit nga nngai. Nanhte gaw nye a kabu gumrawng shara rai myit dai. Tsaw ra ai ni e, dai Madu hte langai sha tai nna asak hkrung ai lam hta ngang ngang lahpran tsap nga mu.

1 KORINHTU 6:9

N hkru n kaja ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit; hpye ai amu galaw ai ni, gawkngu sumla nawku ai ni, num shaw ai ni, la shada tam ai ni,

MARKU 12:27

Shi gaw si nga ai ni a Karai Kasang n rai, hkrung nga ai ni a Karai Kasang she rai nga ai; nanhte grai lam dam mat manit dai,” ngu nna shanhte hpe htan mu ai.

MARKU 12:24

Yesu gaw, “Nanhte dai daram wa shut shai lam dam mat nga manit hka? Dai hpa majaw re hpe nanhte chye da mu ni? Dai Chyum Laika hte Karai Kasang a atsam hpe nanhte n chye mu ai majaw rai nga ai.

MAHTE 22:29

Yesu htan let, shanhte hpe tsun mu ai gaw, “Nanhte gaw, Chyum Laika hpe mung, Karai Kasang a n-gun atsam hpe mung n chye ai majaw lam dam mat manit dai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

YAKU 1:2

Nye a hpu nau ni e, nanhte agung alau amyu myu hte hkrum kadup myit dai shaloi e nanhte a matu kabu gara shara rai nga ai ngu nna hkam la mu.

YAKU 2:1

Nye a hpu nau ni e, nanhte gaw hpung shingkang rawng ai Madu anhte a Madu Yesu Hkristu hpe kam sham ai ni re ai hte maren, masha ni hpe shinggan lam hku mu mada da ai hta hkan nna langai hte langai hpe shai ai hku galoi mung hkum kanawn mazum nga myit.

YAKU 2:14

Nye a hpu nau ni e, masha langai ngai gaw, ngai hta makam masham rawng nga ai nga nna tsun nga ti mung shi a magam bungli galaw ai lam hta sakse n madun a yang gaw hpa akyu nga a ta? Dai makam masham gaw nang hpe hkye la lu a ni?

YAKU 3:1

Nye a hpu nau ni e, anhte sara ni gaw kaga masha ni hta grau nna ja ai tara hte daw dan ai hkrum na raga ai hpe dum let, nanhte marai law law wa sara hkum tai mayu nga mu.

YAKU 3:10

Dai n-gup langai mi kaw nna sha chyeju shakawn shaman ai ga ni hte matsa mawa dagam ga ni pru wa ai. Nye a hpu nau ni e, dai gaw nanhte hta n byin ang ai!

YAKU 4:11

Hpu nau ni e, nanhte shada da mara tam dinglun ai lam hkum galaw myit; tinang a Hkristan hpu nau wa langai mi hpe mara tam dinglun ai, shing n rai jeyang ai wa kadai mung dai Tara hpe mara tam dinglun ai hta n ga, dai hpe jeyang ai wa mung rai nga ai. Nanhte gaw Tara hpe jeyang myit yang gaw, dai Tara hpe madat mara hkan sa ai ni n rai, dai hpe jeyang ai ni sha rai manit dai.

YAKU 5:12

Dai hta n ga nye a hpu nau ni e, nanhte ga sadi tawn ai shaloi dagam dala ga hkum lang myit. Sumsing lamu shing n rai ginding aga shing n rai hpa hpe rai ti mung gang nna hkum dagam myit. Nanhte tsun ai ga gaw “Re ai,” rai yang re ai; “N re ai,” rai yang n re ai ngu nna sha tsun mu, shaloi nanhte gaw Karai Kasang a daw dan ai kaw na lawt lu na myit dai.

YAKU 5:19

Nye a hpu nau ni e, nanhte hta na marai langai ngai dai teng man ai lam kaw na dam mat wa ai wa hpe marai langai ngai bai woi nhtang wa ai ngu ga.