YAKU 1:12 - Jinghpaw Common Language Bible 2009

¹² Agung alau ai lam ni hkrum yang ngang ngang kang kang sadi dung nga ai wa gaw a lu ai; hpa majaw nga yang dai wa gaw dai zawn re ai chyam dinglik ai lam hpe lai di awng dang kau lu ai shaloi Karai Kasang gaw shi hpe tsaw ra ai ni hpe jaw na nga nna ndat da sai asak hpe shi a shagrau kumhpa hku nna hkam la lu na ru ai.

Jinghpaw Hanson Version Bible

¹² Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

YAKU 1:12 ပူးပေါင်းရင်းမြစ်များ

NINGPAWT NINGHPANG 22:1

Ya aten ram ram na mat ai hpang, Karai Kasang gaw Abraham hpe chyam yu na nga shi hpe, “Abraham!,” ngu nna shaga wu ai. Abraham mung, “Rai sa, ngai nang e nga nga nngai!,” ngu nna htan wu ai.

NEHEMIA 1:5

“Madu Sumsing lamu a Karai Kasang e! Nang gaw galu kaba nga ndai rai nna, anhte nang hpe hkrit kamyin nga ga ai. Nang hpe tsaw ra ai ni hte tawn da ai ga shaka hpe nang sadi sahka hte shatup ya nga ndai; nang gaw hkang da ai ga hte maren galaw ndai.

YOBA 2:10

Yoba gaw, “Nang gaw ga laban shaga nga n hka! Karai Kasang anhte hpe arai kaja lama ma jaw ai shaloi dai hpe anhte hkam la chye ga ai; shi anhte hpe ru tsang jahkrum ai shaloi anhte kaning rai aput angun lu na rai ga ta?,” ngu nna htan wu ai. Dai rai nna ndai nni nkri yawng mayawng hkrum sha tim pyi, Yoba gaw Karai Kasang hpe ninghkap na ga hpa mung n tsun nga ai.

YOBA 5:17

Karai Kasang e shading sharai hkrum ai wa gaw a nga ai! Shi nang hpe daru sharin yang, masin hkum pawt et.

SHAKAWN KUNGDAWN 11:5

Shi gaw kaja ai ni hpe mung, tara n lang ai ni hpe mung maren san jep nna; tara kata ai ni hpe shi a myit masin mahkra hte n dawng nga ai.

SHAKAWN KUNGDAWN 119:67

Nang ngai hpe ari garai n jaw yang pyi, ngai gaw lam dam mat mat rai nngai, rai ti mung, ya chyawm gaw na a ga hpe ngai madat nga nngai.

SHAKAWN KUNGDAWN 119:71

Ngai hkrum sha ai ari gaw nye a matu kaja nga li ai; hpa majaw nga yang, dai gaw ngai hpe na a hkang da ai ga ni hpe sharin la shangun nga ai.

SHAKAWN KUNGDAWN 119:75

Madu e, na a tara dara ai lam ding man nga ai hpe ngai chye nga nngai; nang sadi dung nga ndai majaw, ngai hpe ari jaw nga ndai.

SHAKAWN KUNGDAWN 5:11

Rai ti mung, nang hta shim lum ai lam mu tam ai ni yawng hte gaw kabu gara lu na mara ai; shanhte gaw tut nawng e, kabu gara let mahkawn shakawn lu nga ma ai. Nang hpe tsaw ra ai ni hpe makawp maga ya nga u; na majaw, shanhte teng teng kabu gara nga ma ai.

SHAKAWN KUNGDAWN 94:12

Madu e, nang matsun madun ai hte nang sharin ya ai tara hpe hkam la lu ai wa gaw kade wa a nga a hka!

PRU MAT 20:6

Rai ti mung, ngai hpe tsaw ra nna nye a tara ni hpe madat mara ai ni hpe chyawm gaw prat ban hkying mun du hkra, nye a tsaw ra myit madun nga nngai.

GA SHAGAWP 17:3

Aja hte gumhpraw hpe wan hta ju nna jen yu ai zawn, dai Madu gaw masha a myit masin hpe mung, chyam dinglik yu nga ai.

ESAIA 64:4

Shi hpe myit mada nga ai ni a matu dai zawn re ai magam amu galaw ai nang hte bung ai Karai Kasang hpe kadai galoi mung n mu yu, n na yu ga ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

MAHTE 10:22

Nye a majaw masha shagu gaw nanhte hpe n dawng n wawm na mara ai. Rai ti mung, htum hkra shakut sharang ai wa gaw, hkye hkrang la ai hkrum na ra ai.

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

LUKA 6:22

Masha ni nanhte hpe n dawng n yawt ai hte dai masha kasha a majaw shadaw jahka di kau nna asawng asang di ai hte, nanhte a mying hpe n hpru n mai ai arai hpe zawn tsun jahpyak hkrum myit yang, nanhte a lu myit dai.

ROMA 5:4

shakut sharang ai gaw Karai Kasang a sharawng awng ai lam hte shi a sharawng awng ai gaw myit mada ai lam shabyin nga ai hpe anhte chye ga ai.

ROMA 8:28

Karai Kasang hpe tsaw ra nna shi a shatawng shada da ai hte maren shaga la hkrum ai ni a matu mara yawng mayawng hta mai kaja ai lam byin wa u ga, Karai Kasang gaw shanhte hte rau amu galaw nga ai hpe anhte chye ga ai.

1 KORINHTU 2:9

Rai ti mung Chyum Laika hta, “Kadai n mu n na yu ai lam, byin na re ai ngu nna kadai n myit hkawn pru ai lam hpe Karai Kasang gaw shi hpe tsaw ra ai ni a matu mara lajang da nga ai,” nga nna ka da nga ai.

1 KORINHTU 8:3

Rai ti mung Karai Kasang hpe tsaw ra ai wa gaw, Karai Kasang e chye chyap masat da ai hpe hkam la nga ai.

1 KORINHTU 9:25

Shingjawng poi shang na matu shaman ai ginsup ninghkrin shagu gaw, ja ai hkan sa tara ni hpe hkan sa shatup ma ai. Dai masha ni shing rai galaw ai gaw hten mat chye ai nampan shanghkawng janmau lu la na matu rai nga ai. Anhte chyawm gaw htani htana n hten n mat chye ai janmau lu la na matu shakut sharang ga ai.

TARA JAHPRANG 7:9

Dai Madu nanhte a Karai Kasang gaw shi chyu sha Karai Kasang rai nga ai hpe adum nga mu; shi gaw kang ka re ai wa rai nga ai. Shi hpe tsaw ra ai hte shi a hkang da ai ga ni hpe hkan sa madat mara ai ni hpe chyawm gaw prat ban hkying mun du hkra shi a dinggrin tsaw ra myit madun dan let shi a ga shaka hpe shatup na rai wu ai;

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

2 TIMOHTI 2:15

Nang chyawm gaw shi a amu hta kaya shara hpa n rawng ai magam gun hpai wa zawn mung, Karai Kasang a teng man ai mungga hpe jaw ang ai hku hkaw tsun sharin achyin ya ai wa hku nna mung, Karai Kasang a man e myi man pa lu hkra na a atsam htum hkra shakut shaja nga u.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

HEBRE 10:32

Lai wa sai nhtoi ni hta nanhte kaning re ai ni re ai hpe bai dum nga mu. Dai nhtoi ni hta Karai Kasang a nhtoi hpe hkam la lu ai hpang, tsin-yam tsindam law law hkrum sha lai wa manit dai; rai ti mung nanhte shakut sharang dating ai a majaw dai gaw nanhte hpe dang kau lu ai n rai.

HEBRE 11:17

Abraham gaw Karai Kasang e chyam yu hkrum ai shaloi, kam sham ai hte kasha Isak hpe shagu hkungga di nna nawng ya kau wu ai. Abraham gaw Karai Kasang kaw na ga sadi hkam la ai wa rai nga ai, rai ti mung shi gaw shi a kasha shingtai hpe hkungga di nna nawng ya kau na jin nga chyalu rai nga ai.

HEBRE 12:5

Chyum Laika hta Karai Kasang gaw, “Ngai sha e, dai Madu nang hpe sharai shading yang, madat mara u, shi nang hpe daru sharin yang, myit daw myit hten hkum rai et.

HEBRE 6:15

Abraham gaw hkam sharang ai hte ala nga ai majaw Karai Kasang a ga sadi hte seng ai sali wunli hpe hkam la nu ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

YAKU 5:11

Shanhte gaw hkam sharang lu ai ni rai ma ai majaw anhte gaw shanhte hpe a lu ai ni ngu gaw ai. Yoba a myit galu ai lam hpe nanhte na yu manit dai. Hpang jahtum Madu gaw shi hpe gara hku karum madi shadaw jaw ya sai lam nanhte chye nga myit dai. Hpa majaw nga yang dai Madu gaw tsaw ra matsan dum nna n gaw n wai myit hte hpring tsup ai wa rai nga ai.

1 PETRU 3:14

Rai ti mung lama rai nna teng man ai lam hpe hkan sa galaw nga ninglen nanhte nni nkri hkrum myit yang gaw, kabu lu nga na rai myit dai. Kadai wa hpe mung hkum hkrit nga myit; myit mung hkum ru myit.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.

1 PETRU 4:14

Nanhte Hkristu a hpang hkan nang ai ni re ai majaw roi asawng ai hkrum myit yang nanhte a lu myit dai. Dai gaw hpung shingkang rawng ai wenyi ngu ai Karai Kasang a wenyi gaw nanhte hta e shanu nga ai lachyum rai nga ai.

1 PETRU 5:10

Rai ti mung nanhte jahkring sha mi nni nkri hkam ngut ai hpang, chyeju yawng mayawng a Madu rai nga ai Karai Kasang gaw nanhte hpe Hkristu hta langai sha tai shangun nna htani htana hpung shingkang hta shang sha lu mu ga, nanhte hpe shaga la ai Madu shi nan nanhte hpe ra n rawng hkra jahkum shatsup ai lam shangang shakang ai lam, n-gun lagaw sharawng ai lam ni jaw nna ngang kang ai npawt hkridun hta tsap nga lu ai ahkang jaw na marin dai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.

1 YAWHAN 4:19

Karai Kasang gaw shawng nnan e anhte hpe tsaw ra mi ai majaw, anhte mung tsaw ra nga ga ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.