TITU 3:6 - Jinghpaw Common Language Bible 2009

⁶ Karai Kasang gaw, anhte hpe hkye hkrang la ai Madu Yesu a marang e, Chyoi Pra ai Wenyi hpe anhte a ntsa e n taw n tsang ru bun ya mi ai.

Jinghpaw Hanson Version Bible

⁶ anhte a ntsa e n taw n tsang ru bun ya ai Chyoi pra ai Wenyi e myit ningnan galai ya ai hte e, shi anhte hpe hkye hkrang la mi ai:

TITU 3:6 ပူးပေါင်းရင်းမြစ်များ

GA SHAGAWP 1:23

Nang hpe ngai daru sharin ai shaloi, madat mara la u; nang hpe ngai mai kaja ai hpaji daw ga jaw nna, nye a machye machyang hpaji garan ya na we ai.

ESAIA 32:15

Rai ti mung Karai Kasang gaw kalang mi bai anhte a ntsa e shi a wenyi ru bang ya na ra ai. Jahkam da ai lamu ga gaw ga sau kaja wa na ra ai, yi hkauna ni ja kat ai nsi naisi ni hpe shapraw ya na ra ai.

ESAIA 44:3

“Ngai gaw hpang gara ai lamu ga hpe ntsin jaw na nngai; hkun hkraw ai lamu ga ntsa e hka shi ni hpe shalwi dat na nngai. Ngai gaw nanhte a kashu kasha ni a ntsa de nye a wenyi ru bun na nngai; na a aru arat ni a ntsa de nye a shaman chyeju ru jaw na nngai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

YOELA 2:28

“Dai hpang, ngai gaw masha shagu a ntsa e nye a wenyi ru bun na nngai; na a shayi shadang sha ni nye a mungga hkaw tsun na mara ai; nanhte a dingla ni yup mang mu na mara ai; nanhte a shabrang ni shingran mu na mara ai.

YAWHAN 1:16

Shi gaw chyeju hte hpring tsup nga ai hte maren shi anhte nlang hte hpe shaman ya mi ai rai nna, chyeju htap mi hte htap mi lu la saga ai.

YAWHAN 16:7

Rai ti mung ngai nanhte hpe teng man ai lam tsun made ga, ngai wa ai gaw nanhte a matu grau nna kaja nga ai; hpa majaw nga yang, ngai n wa yang gaw, dai Shalan Shabran ai hte Karum Ai Wa nanhte kaw du sa na n rai; ngai wa jang gaw, ngai shi hpe nanhte hpang de shangun dat na we ai.

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

YAWHAN 7:37

Shaloi dai poi a jahtum shani ngu ai ahkyak dik ai nhtoi kaba hta Yesu gaw tsap da nna, “Hpang gara ai wa kadai mung ngai hpang de sa lu rit.

KASA 10:45

Maigan masha ni mung Chyoi Pra ai Wenyi chyeju kumhpaw kumhpa hpe hkam la ma ai majaw Yopa mare de na Petru hte rau sa du ai matu gadoi hkam la sai Yuda masha ni gaw mau mahka nga ma ai.

KASA 2:33

Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai.

ROMA 2:4

Shing n rai nang gaw shi a n taw n tsang ai matsan dum ai chyeju hpe mung, myit sharang ai hte myit galu kaba ai hpe mung, nang n kaw n law di da wu ni? Karai Kasang gaw nang hpe myit malai lu shangun na matu lam madun woi awn nga ai rai nna shi gaw matsan dum lama ai Madu rai nga ai lam kaja wa nang chye nga ndai.

ROMA 5:5

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

EHPESU 3:8

Ngai gaw Karai Kasang a masha ni hta kaji dik ai wa hta pyi grit nem ai wa rai nga nngai; rai ti mung, Karai Kasang gaw Hkristu a chyahtum chyalai re ai ngamu ngamai lam hte seng ai dai Kabu Gara Shiga hpe maigan masha ni hpang de la sa na matu mung,

EHPESU 4:2

Tut nawng e shagrit shanem nna sumnung shingdi ai hte hkam sharang nga mu. Nanhte a tsaw ra myit hpe madun nna shada da hkam mana nga mu.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

TITU 1:4

Madu Yesu hpe anhte hte maren kam sham ai hta rau rum nga ai ngai sha majing re ai Titu hpang de ngai ndai laika hpe ka shana dat nngai. Kawa Karai Kasang hte anhte a hkye hkrang la ai Madu Yesu Hkristu gaw nang hpe chyeju hte ngwi pyaw ai lam jaw ya u ga law.