TITU 3:3 - Jinghpaw Common Language Bible 2009

³ Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.

Jinghpaw Hanson Version Bible

³ Kaning rai nme law, anhte mung shawng de gaw myit ngawk ai, n madat n mara ai, lam dam nna, ngang kayut ai hte pyaw daw kadaw ai lam amyu myu hkan galaw yu ai ni, n hkru n hkra ai hte manawn masham hta hkan len nga let, matsat shabat re ai ni, manang shada da n dawng n yawt re ai ni, rai nga ga ai.

TITU 3:3 ပူးပေါင်းရင်းမြစ်များ

NINGPAWT NINGHPANG 38:9

Rai ti mung kashu kasha ni hpe shi madu lu na n rai nga ai hpe Onan chye wu ai rai nna shi kahpu a kashu kasha matu ni n dawng wa u ga, kahpu a gaida jan hte kanawn ai aten hta shi a azu hpe ga de jahkaw wu ai.

NINGPAWT NINGHPANG 39:16

Yosep a madu nta de bai du wa ai aten du hkra, shi a palawng galu hpe shi kaw tawn da wu ai.

SHAKAWN KUNGDAWN 36:2

Hpa majaw nga yang, shi gaw shi hkum shi grai rai la sai ngu nna myit la nga ai; Karai Kasang gaw shi a yubak hpe n mu tam ai hte dai hpe daw dan jeyang na n rai, nga nna shi myit nawn la nga ai.

GA SHAGAWP 8:5

Nanhte myit n kung nga myit ni? Myit kunghpan wa na matu sharin la mu. Nanhte angawk angak rai nga myit ni? Chye myit chye mang lu hkra, sharin la mu.

GA SHAGAWP 9:6

Myit n su ai masha u hpung ni hpe kau da nna, asak hkrung nga mu; hpaji machye machyang lam hta hkan hkawm nga mu,” nga nna jahtau tsun wu ai.

ESAIA 44:20

Dai gaw wan dap amawp sha nga ai zawn grau kaja ai lam shadan dan na ra ai. Shi a angawk ai myit mang lam gaw karum la n lu mat hkra shi hpe lam woi shadam kau nu ai. Shi a lata hta shi lang da ai hpara sumla gaw dik dik karai n rai nga ai lam hpe shi hkum nan yin la na ra ai n rai.

OBEDIA 1:3

Na gumrawng gumtawng ai myit gaw nang hpe hkalem kau nga sai. Na a mare daju gaw ngang ai lunghkrung hta gap da ai hpyen dap rai nga ai; na a dum nta gaw bum ni hta tsaw nga ai, dai rai nna nang gaw na a kraw kata e, ‘Kadai wa ngai hpe gang kadang lu na i?,’ nga nna tsun nga ndai.

MAHTE 21:29

Kasha alat wa gaw, ‘Ngai n sa mayu nngai,’ nga ai rai ti mung myit bai galai nna, ‘Ngai sa na nngai,’ nga nna sabyi sun de sa wa ai.

LUKA 21:8

Yesu gaw, “Nanhte hkalem masu kau ai n hkrum myit ga, sadi nga mu, hpa majaw nga yang, masha law law wa nye a mying hte paw pru nna, ‘Ngai gaw shi rai nngai; Jahtum nhtoi du ra ai; nga nna tsun na mara ai. Shanhte a hpang hkum hkan nang myit.

YAWHAN 8:34

Yesu gaw, “Ngai nanhte hpe kaja wa teng teng tsun made ga, yubak galaw ai wa kadai mung, yubak a mayam rai nga ai.

ROMA 11:30

Nanhte maigan amyu masha ni chyawm gaw moi shawng de Karai Kasang hpe n madat n mara myit dai; rai ti mung ya Karai Kasang matsan dum lama ai lam hkam la lu ai gaw Yuda amyu masha ni Karai Kasang a ga hpe n madat n mara ai majaw rai nga ai.

ROMA 6:12

Dai re ai majaw nanhte a hkum hkrang a ra kasit ai lam de n hkan n sa na matu yubak mara gaw nanhte a si chye ai hkum hkrang ni hta e galoi mung hkum up shangun nga myit.

ROMA 6:17

Nanhte chyawm gaw shawng de kalang mi yubak mara a mayam ni tai yu manit dai rai ti mung nanhte hkap la kam sham sai sharin shaga ai lam hta na teng man ai lam ni hpe myit masin mahkra hte madat mara hkan sa manit dai majaw Karai Kasang a chyeju hpe ngai shakawn kungdawn nngai law!

ROMA 6:22

Rai ti mung ya nanhte gaw dai yubak kaw na shalawt dat ai hkrum nna Karai Kasang a mayam ni tai wa manit dai. Nanhte lu la ai akyu gaw Madu a matu nanhte a hkum hpe awm dawm ap nawng ai a majaw jahtum e htani htana asak lu la ai lam rai nga ai.

ROMA 6:6

Bai anhte gaw yubak mara a mayam sha naw arai nga ai ni n tai u ga, anhte a yubak gawng shingyan dingsa hpe Yesu hte rau wudang e jen sat kau saga ai hpe anhte chye nga ga ai.

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

GALATI 6:3

Masha langai ngai gaw ahkyak ai masha kaja garai n tai yang ahkyak ai masha rai ni ai nga nna tinang hkum hpe rai dum ai wa gaw, tinang a hkum hpe hkalem kau da wu ai.

KOLOSE 1:21

Nanhte mung moi shawng de gaw nanhte galaw ai n hkru n hkra ai bungli hte myit mang ai lam a majaw Karai Kasang hte tsan gang mat nna, shi a hpyen ni tai mat manit dai.

KOLOSE 3:7

Moi shawng de nanhte a asak hkrung lam ting hpe dai lam ni e dang ka-up tawn mu ai shaloi e, nanhte nan mung dai zawn re ai yubak mara ni hpe galaw let asak hkrung lai wa manit dai.

2 TIMOHTI 3:13

N hkru n kaja ai masha ni hte masu hkalem sha ai ni chyawm gaw masha hpe hkalem sha nna tinang ni nan hkalem sha ai bai hkrum ai hte n hkru ai lam hta n kaja ai kaw nna n kaja dik ai de grau grau matut shanang sa wa na mara ai.

2 TIMOHTI 3:6

Shanhte hta na nkau mi gaw masha ni a nta ni hta hkan shang nhtawm mayun de nna machye machyang n law nna gawng kya ai num ni hpe shanhte a lata hta shang hkra galaw ma ai. Dai num ni gaw tinang tawt lai kau ai yubak mara majaw myit lit li nna myit n pyaw let, ngang kayut ai lam amyu myu hta len nang mat wa nna,

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

TITU 2:12

Anhte gaw anhte a galu kaba ai Karai Kasang ngu ai hkye hkrang la ai Madu Yesu a hpung shingkang dan pru na a lu ai nhtoi hpe ala nga let, tara n hkungga ai myit hte mungkan ga hpe marin marit ai myit hpe kabai kau na matu mung,

YAKU 1:26

Ngai gaw nawku htung shadik ai wa rai nngai nga nna marai langai ngai myit nawn dam ti mung, shi a shinglet hpe n hkang lu yang gaw, shi a nawku htung gaw kaman lila sha rai nna shi a hkum hpe hkalem kau da wu ai.

1 PETRU 1:14

Karai Kasang a ga hpe madat mara nna nanhte n chye n chyang re ai ni naw rai nga ai ten hta nanhte a myit shadang ai hku hkawm sa lai wa sai zawn matut nna hkum hkan galaw manu.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 18:2

Dai wa gaw nsen kaba hte, “Galu Kaba ai Babelon mare kadawng mat sai! Kadawng mat sai! Dai shara kaw ya nat tsasam ni de nga ai shara, n san n seng ai wenyi shagu a shingwung shara hte n san n seng matsat shabat re ai u amyu myu a shingbyi shara tai mat sai.