TITU 3:2 - Jinghpaw Common Language Bible 2009

² Kadai hpe mung n kaja ai hku shatan nhkan ga n tsun ai sha sim sa ngwi pyaw hku hkau ai hku nga na hte, tut nawng masha yawng hte hpe sumnung ai myit madun dan mu ga, shanhte hpe tsun shadum nga u.

Jinghpaw Hanson Version Bible

² kadai hpe mung n shatan ai hte, ga law lam n tam ai sha, myit ngwi myit pyaw rawng nna, masha yawng hte hpe lam shagu hta sumnung ai myit madun dan mu ga, shanhte hpe shadum jahprang nga u.

TITU 3:2 ပူးပေါင်းရင်းမြစ်များ

2 SAMUELA 22:36

O Madu e, nang ngai hpe makawp maga nna hkye hkrang la nga ndai; na a karum la ai lam gaw ngai hpe galu kaba shangun nga ai.

SHAKAWN KUNGDAWN 140:11

Masha kaga ni hpe masu magaw ga hte mara tam nga ai ni, hkrat sum nga mu ga; n hkru ai lam gaw kashun kashe du daw sai hkaw shabyin ai masha ni hpe hkan dep nang nna, shanhte hpe jahten kau mu ga.

GA SHAGAWP 19:19

Marai langai ngai myit kahtet ai rai yang, de a akyu hpe shi hkam la na ra ai; Nang shi hpe ru yak shoihpa kata kaw nna kalang mi shapraw la ai rai yang, nang dai hpe kalang mi bai kahtap galaw ra na ndai.

GA SHAGAWP 25:24

Aput angun nga ai nta madu jan hte nta e rau nga na hta, nta numgaw htap hta wa dung nga na gaw grau nna mai kaja nga ai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

MAHTE 11:29

Ngai gaw myit sumnung ai hte myit gyip nga nngai rai nna, nye a kandang hpe hpai mu, nye a lam sharin la mu: dai rai yang, nanhte a myit masin ban sa ai hkrum na malit dai.

KASA 23:5

Pawlu gaw, “Hpu nau ni e, shi Hkinjawng Agyi Kaba wa re ai ngai n chye nna rai sai, Na amyu ntsa e up ai wa hpe roi lu na n rai nga nna ka da nga ai,” ngu nna yin la wu ai.

1 KORINHTU 6:10

lagu lagut galaw ai ni, nammak lawhpa ai ni, chyaru ya shang ai ni, shatan nhkan ai ni, kashun kashe rai jahkrit shagyeng sha ai ni, Karai Kasang a mungdan a sali wunli hpe hkam la lu na ma ai n rai.

1 KORINHTU 9:19

Shing rai ngai gaw, kade a mayam mung n rai nngai; rai ti mung, masha law lu ai made law hkra Hkristu hpang de woi lum la lu hkra, ngai gaw nye a hkum hpe masha nga manga a mayam shatai we ai.

2 KORINHTU 10:1

Nanhte a man e akya shala rai myit grit myit nem ai lam madun nhtawm, nanhte hte tsan gang jang laja lana nden marai madun ai wa, ngu shatan hkrum ai ngai Pawlu nan nanhte hpe lajin dat made ai.

2 KORINHTU 12:20

Nanhte hpang de ngai du yang, ngai ra ai, mu mayu ai hku nanhte n rai nga la na hpe mung, nanhte mung nanhte ra ai, mu mayu ai hku ngai hta n rai nga na hpe mung ngai tsang nga nngai. Bai ngai gaw nanhte hta ga li ga law ai lam, manawn masham ai lam, pawt sindawng ai lam, tinang akyu tam ai lam, shada da jahpoi asawng ai lam, kadum kahte ai ga, grang ai ga hte kabring kabrawng n ru n ra re ai lam ni sa mu na hpe tsang nngai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

GALATI 6:1

Hpu nau ni e, masha langai ngai n dum shami e yubak galaw hkrup a yang gaw Wenyi e lam madun ai hku asak hkrung nga ai ni nanhte gaw, shing re ai wa hpe sumnung shingdi ai myit hte shading sharai ya na rai myit dai. Nanhte nan mung agung alau n hkrum u ga, tinang dai sadi nga mu.

GALATI 6:10

Dai re ai majaw anhte gaw aten ladaw naw nga pra nna ahkaw ahkang lu shagu masha nlang hte a matu mai kaja ai amu galaw nga ga, rai ti mung makam masham a dinghku na ni hpe grau nna galaw nga ga.

EHPESU 4:2

Tut nawng e shagrit shanem nna sumnung shingdi ai hte hkam sharang nga mu. Nanhte a tsaw ra myit hpe madun nna shada da hkam mana nga mu.

EHPESU 4:31

Dai majaw myit machyi ai, sindawng kahtet ai, masin pawt ai, marawn ahkre ai, n kaw n law di ai, n ju n dawng ai myit amyu myu hte kaga dai hte bung ai lam ni yawng mayawng hpe yeng seng kau mu.

HPILIPI 4:5

Nanhte a sumnung shingdi ai myit hpe masha yawng a man e madun dan mu. Dai Madu du sa na ten ni magang ra ai.

1 HTESALONI 2:7

Anhte gaw Hkristu a kasa ni re ai hte maren ahkaw ahkang hpe lang nna tsun shaga lu ga ai. Rai ti mung anhte gaw, nanhte hte rau nga nga ai ten hta, kasha ni hpe lanu lahku ai kanu zawn sumnung ai hte lanu lahku ga ai.

1 TIMOHTI 3:11

Shanhte a madu jan ni mung arawn alai kaja ai ni rai nna shatan nhkan ga tsun n lem ai ni n re ai sha, sari sadang hte hpring nna lam shagu hta myit matu ding ai ni rai lu na rai.

1 TIMOHTI 3:3

Chyaru n len ai wa, adup ajin n re ai wa, rai nna sumnung shingdi ai wa, sim sa ai lam hpe ra ai wa rai ra ai. Shi gaw gumhpraw n marin ai wa rai nna;

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

YAKU 4:11

Hpu nau ni e, nanhte shada da mara tam dinglun ai lam hkum galaw myit; tinang a Hkristan hpu nau wa langai mi hpe mara tam dinglun ai, shing n rai jeyang ai wa kadai mung dai Tara hpe mara tam dinglun ai hta n ga, dai hpe jeyang ai wa mung rai nga ai. Nanhte gaw Tara hpe jeyang myit yang gaw, dai Tara hpe madat mara hkan sa ai ni n rai, dai hpe jeyang ai ni sha rai manit dai.

1 PETRU 2:1

Dai re ai majaw nanhte gaw n hkru n kaja ai lam amyu myu hte masu hkalem ai lam sawt ai lam, manawn masham ai lam hte roi asawng ai ga ni hpe yeng seng kabai kau mu.

1 PETRU 3:10

Chyum Laika hta, “Tinang a asak hkrung lam hta kabu gara ai lam hkam sha let ngamu ngamai ai prat ladaw ni hpe ra sharawng mu mayu ai ni kadai mung, n hkru n kaja ai lam tsun shaga ai ga hpe koi kau nna masu ai ga tsun ai lam jahkring kau ra ai.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 PETRU 4:4

Ya chyawm gaw shanhte hte maren zai ai hte kam mara re ai asak hkrung lam hta nanhte n shang lawm mat manit dai majaw, maigan masha ni mau mat nna nanhte hpe roi asawng ai ga tsun shaga wa ma ai.

2 PETRU 2:10

Grau nna hkum shan a matsat shabat ngang kayut ai lam hta hkan sa nna Karai Kasang a ahkang aya hpe n gawn n sawn ai ni gaw shing re ai lam ni hkrum na mara ai, Ndai masu ai sara ni gaw grai gwi nna gumrawng gumtawng re ai hte ning tsa de na hpung shingkang rawng ai ni hpe hkungga lara ai lam n madun ai sha shanhte hpe asawng asang di ma ai.

YUDA 1:10

Rai ti mung ndai masha ni gaw shanhte n chye n chyang ai hpa hpe mung mara shagun shahpyak chye ma ai. Nam na dusat chyazai ni zawn shanhte a hkritung myit hte chye na lu ai arai ni mung shanhte hpe hten za sum hkrum shangun nga ma ai.

YUDA 1:8

Dai hte maren ndai masha ni mung tinang mu ai matsat shabat re ai yup mang shingran ni gaw shanhte a hkum hkrang ni hpe yubak galaw shangun mu ai. Shanhte gaw Karai Kasang a ahkang aya hpe n kaw n law di kau nna ningtsa de na hpung shingkang rawng ai ni hpe shatan nhkan di roi asawng kau mu ai.