TITU 3:15 - Jinghpaw Common Language Bible 2009

¹⁵ Ngai hte rau nga ai ni nlang hte gaw, nang hpe shakram dat ma ai. Kam sham ai hta tsaw ra ai jinghku rai nga ai ni hpe shakram ya mi. Karai Kasang a chyeju gaw nanhte mahkra hte rau anga nga u ga law.

Jinghpaw Hanson Version Bible

¹⁵ Ngai hte rau nga ai ni nlang hte gaw, nang hpe shakram dat ma ai: kamsham ai lam hta anhte hpe tsawra ai ni hpe shakram ya mi. Chyeju gaw nanhte mahkra hte rau anga nga u ga law.

TITU 3:15 ပူးပေါင်းရင်းမြစ်များ

MAHTE 5:47

Nanhte a nhpu nnau ni hpe sha hkrum shaga myit yang gaw, nanhte a sat lawat gaw hpa laklai shagrau shara nga na rai ta? Tara maigan ni mung, dai hte maren galaw ma ai n rai ni?

KASA 20:34

Ngai gaw ndai lata ni hte amu galaw nna, ngai hte ngai kaw hkan nang ai ni a ra ai lam magup a matu karum madi shadaw jaw ya ni ai hpe nanhte nan chye nga myit dai.

1 KORINHTU 16:23

Madu Yesu a chyeju gaw nanhte hte rau anga nga u ga.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

KOLOSE 4:18

Ngai Pawlu nan nye a lata hte ndai shakram ai ga ni hpe ka dat nngai. Ngai htawng e bawng dung nga ai hpe nanhte hkum malap kau nga myit! Karai Kasang a chyeju gaw nanhte hte rau anga nga u ga law.

1 TIMOHTI 1:2

dai makam masham hta nye a kasha majing rai nga ai Timohti hpang de laika ka dat nngai. Kawa Karai Kasang hte anhte a Madu Yesu Hkristu kaw na chyeju, matsan dum ai hte ngwi pyaw ai gaw nang hta anga nga u ga law.

1 TIMOHTI 1:5

Ndai hkang da ai ga a shatawng shada ai lam gaw, san seng ai myit kaw na pru ai dum chye ai htauli htaula myit hte sawt ai lam n lawm ai makam masham kaw na pru wa ai tsaw ra myit hpe sharawt ya na matu rai nga ai.

2 TIMOHTI 4:22

Dai Madu gaw na a wenyi hte rau anga nga u ga. Karai Kasang a chyeju gaw nanhte hte rau anga nga u ga law.

HPILEMON 1:5

Hpa majaw nga yang, nang gaw Karai Kasang a amyu masha ni yawng hte hpe tsaw ra nga ai hte, Hkristu Yesu hpe kam sham nga ai lam ngai na chye lu nngai.

HEBRE 13:25

Karai Kasang a chyeju gaw nanhte yawng hte rau anga nga u ga law.

3 YAWHAN 1:1

Asak kaba sai ngai Salang wa kaw nna nja nhpra hte teng man ai hku ngai tsaw ra nga ai Geu hpang de laika ka dat nngai.