TITU 3:13 - Jinghpaw Common Language Bible 2009

¹³ Bawmung wa Zena yan Apolo hpe shan hkrun lam hkawm sa lu na matu lam jarik hpa mung n kadawn mu ga, shan hpe hkum hkum di nna karum dat u.

Jinghpaw Hanson Version Bible

¹³ Bawmung wa Zena yan Apolo hta lam jarit hpa mung n kadawn malu ga, shan hpe hkum hkum di nna shabawn dat u.

TITU 3:13 ပူးပေါင်းရင်းမြစ်များ

MAHTE 22:35

Shanhte hta na tara sara langai mi shi hpe ga san langai mi san ai hte mara tam lu hkra chyam yu na nga,

LUKA 10:25

Tara sara langai mi Madu kaw sa nna, “Sara e, n htum n wai asak lu la hkra, ngai hpa galaw na rai ta?,” ngu nna Yesu hpe chyam dinglik yu wu ai.

LUKA 11:45

Tara sara langai mi gaw, “Sara e, nang shing nga ai gaw, anhte hpe mung roi lawm nga ndai,” ngu nna shi hpe tsun wu ai.

LUKA 11:52

“Tara sara ni nanhte dingnye lu myit dai! Hpaji nta hpaw ai sumsaw gaw nanhte kyem tawn da myit htawm, nanhte nan mung n shang, shang mayu ai ni hpe mung, nanhte hkum shingdang da myit dai, ngu mu ai.”

LUKA 14:3

Yesu gaw, “Jep ai Tara hta Bansa Nhtoi e machyi shamai na ahkang jaw a ni? N jaw a ni?,” ngu nna Tara sara ni hte Hparishe ni hpe san mu ai.

LUKA 7:30

Rai ti mung, Hparishe ni hte Tara Sara ni chyawm gaw, shanhte a matu Karai Kasang a shatawng shada ai lam hpe n hkap la ma ai hta n-ga, Yawhan a lata hta hkalup n hkam la ma ai.

KASA 15:3

Shing rai hpung masha ni gaw, shanhte hpe mare shinggan de du hkra sa sa dat ma ai. Dai shangun dat hkrum ai kasa ni gaw Hponisha mung hte Samari mung hku ga lai sa wa let, maigan masha ni gara hku myit malai lu nna Karai Kasang hpang de kayin wa ma ai lam hkai dan ma ai. Dai shiga hpe na ai shaloi kam sham ai ni yawng hpe grai kabu shangun mu ai.

KASA 18:24

Dai ten hte yang, Alexandru mare na Yuda masha Apolo ngu ai wa langai mi Ehpesu mare de du sa wa ai. Shi gaw ga shaga ram nna Chyum Laika grai chye chyang ai wa rai nga ai.

KASA 19:1

Ya Apolo Korinhtu mare e nga nga yang, Pawlu gaw dai mungdaw a hkin-gau mayan lahta daw kaw nna kata maga hku ga sa wa ai hpang Ehpesu mare de du ai. Dai mare kaw shi sape nkau mi hpe hkrum ai rai nna,

KASA 21:5

Nhtoi sanit ya lai jang, anhte bai pru wa ga ai. Shanhte mung madu jan kasha ni hte rau mare shinggan du hkra hkan sa dat ma ai rai nna, hka kau e hput di let, akyu hpyi ga ai.

KASA 28:10

Shanhte gaw anhte hpe kumhpaw kumhpa law law jaw ma ai. Anhte pru wa na rai jang, hkrun lam a matu ra ai made li hta bang ya dat ma ai.

ROMA 15:24

ya nanhte kaw sa du lu na re ngu nna myit mada nga nngai. Ngai Spain mung de sa wa ai let e, nanhte kaw shang du chyai nna mu hkrum kau da mayu nngai. Nanhte kaw jahkring mi nanhte hte kabu gara hkrum chyai kau da nhtawm, dai mung de nanhte a karum madi shadaw ai hte bai matut sa wa lu na ngai myit mada nga nngai.

1 KORINHTU 16:11

Kadai mung shi hpe n gawn n sawn n di u ga, shi a hkrun lam hpe angwi apyaw sha matut hkawm sa wa lu u ga, nanhte shi hpe karum madi shadaw dat lu na rai myit dai; shing rai Hkristan hpu nau ni hte rau, ngai hpang de bai du sa wa na ra ai, ngu nna ngai myit mada ala nga nngai.

1 KORINHTU 16:12

Ya, hpu nau Apolo a lam hte seng nna tsun ga nga yang, kaga hpu nau ni hte rau shi nanhte hpang de sa chyai hkawm na matu, ngai shi hpe ya sha ya sha n-gun jaw shadut jahkat we ai, rai ti mung ya aten hta sa na shi kachyi mi pyi myit n hkut wu ai. Mai ang ai aten du yang, shi sa na ra ai.