TITU 3:11 - Jinghpaw Common Language Bible 2009

¹¹ Shing re ai wa gaw hten run byak mat ai wa rai nna, shi a yubak mara ni gaw shi mara lu ai wa re ai hpe sakse madun nna shi dai daw dan la nga ai hpe nang chye nga ndai.

Jinghpaw Hanson Version Bible

¹¹ shing re ai wa gaw, tinang dai tinang hkum hpe dawdan kau ngut nna, myit byak ai hte yubak galaw ai wa rai nga ai, chye dum u.

TITU 3:11 ပူးပေါင်းရင်းမြစ်များ

LUKA 19:22

N hkaw n shawp n kaja ai shangun ma e! Na a n-gup na ga hku hkan nna ngai nang hpe jeyang de ga! Ngai gaw kahti gari rai nna grai yak ai wa rai nga nngai hte, tinang n madu ai arai magawn la nna, n gat n hkai ai kaw na dan la ga nngai hpe nang chye nga ndai.

LUKA 7:30

Rai ti mung, Hparishe ni hte Tara Sara ni chyawm gaw, shanhte a matu Karai Kasang a shatawng shada ai lam hpe n hkap la ma ai hta n-ga, Yawhan a lata hta hkalup n hkam la ma ai.

YAWHAN 3:18

Shi hpe kam sham ai wa kadai mung tara dara ai n hkrum lu ai, n kam n sham ai wa chyawm gaw Karai Kasang a Kasha shingtai hpe n kam n sham ai majaw, ya e pyi tara dara ai hkrum nga ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 15:24

Anhte kaw na masha nkau mi gaw, anhte a hkang matsun dat ai lam n lu la ai sha nanhte hpang de sa nna ga hte nanhte a myit hpe sharu shatsang ga li ga law di ya nga ma ai lam anhte na lu sagaw ai.

KASA 23:25

Dap up du kaba gaw laika langai mi mung ning ngu ka dat wu ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

2 TIMOHTI 2:14

Masha ni hpe ndai lam shadum shahprang nga u; ga hte ndang kalang nga nna gasat ningjet n nga na matu Karai Kasang a man e shanhte hpe ja ja sadi jaw da u. Shing rai ndang kalang hkat ai lam gaw, hpa akyu n shabyin ai hta n ga, madat la ai masha ni hpe jahten shabya ai lam sha byin shangun nga ai.

TITU 1:11

Shanhte a tsun shaga ai n-gup pat kau ya ra sai; hpa majaw nga yang, shanhte gaw n mai sharin ai lam ni hpe sharin ya nna htinggaw ting ting hpe shabra kau mu ai. Dai lam ni yawng gaw shanhte a gumhpraw lu lam hte seng ai kaya kahpa re ai yaw shada ai lam a matu rai nga ai.

TITU 1:14

Yuda ni a matsun maroi maumwi ni hpe manoi manat ai lam n galaw nga na hte dai teng man ai lam hpe n hkap la ai masha ni kaw na pru ai hkang da ai ga ni hpe kam hpa manoi ai ni naw n rai nga na matu mung, shanhte hpe nang aja awa daru sharin lu na rai ndai.

HEBRE 10:26

Hpa majaw nga yang, anhte gaw dai teng man ai lam hpe chye na hkam la ngut sayang me, yubak hpe dingsang galaw dingyang rai nga ga yang gaw, anhte a yubak mara a matu nawng ya na shagu hkungga naw nga sana n rai.