TITU 2:6 - Jinghpaw Common Language Bible 2009

⁶ Dai hte maren shabrang ni mung, tinang hkum hpe hkang nna sari sadang hte nga mu ga, shadum shahprang nga u.

Jinghpaw Hanson Version Bible

⁶ Dai hte maren shabrang ni mung si si rai nga mu ga, shadum jahprang nga u;

TITU 2:6 ပူးပေါင်းရင်းမြစ်များ

YOBA 29:8

shabrang ni ngai hpe mu ai hte koi yen mat wa ma ai, dingla ni mahtang rawt tsap let ngai hpe hkungga ma ai.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

HPAJI NINGLI 12:1

Dai rai nna, ram prat naw rai nga yang, nang gaw, “Asak hkrun lam hpe ngai n ra sharawng nngai,” ngu nna myit ru myit tsang ai nhtoi ni hte shaning ni garai n du yang, na a Hpan Wa Ningsang hpe adum nga u.

YOELA 2:28

“Dai hpang, ngai gaw masha shagu a ntsa e nye a wenyi ru bun na nngai; na a shayi shadang sha ni nye a mungga hkaw tsun na mara ai; nanhte a dingla ni yup mang mu na mara ai; nanhte a shabrang ni shingran mu na mara ai.

1 HTESALONI 5:6

Dai re ai majaw, anhte gaw kaga masha ni zawn n yup nga ai sha su hprang nna htauli htaula rai sadi maja nga ga ai.

1 TIMOHTI 5:1

Asak kaba sai salang wa hpe hkum daru kau et; na a kawa hpe zawn lajin ai hku tsun shaga u. Asak kaji ai shabrang ma ni hpe na a kahpu kanau ni hpe zawn,

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.

1 YAWHAN 2:13

Ji wa ni e, shawng npawt kaw nna nga nga ai wa hpe nanhte chye nga myit dai majaw, ngai nanhte hpang de ka dat nngai. Shabrang ni e, dai n hkru ai nat Satan wa hpe nanhte dang kau myit dai majaw, ngai nanhte hpang de laika ka dat nngai.