TITU 2:3 - Jinghpaw Common Language Bible 2009

³ Dai hte maren, asak kaba sai gumgai ni mung, kam sham nna tara hkungga ai ni, shatan nhkan ga n tsun ai hte chyaru a mayam n tai ai sha mai kaja ai lam sharin achyin chye ai ni rai lu mu ga, nang shanhte hpe sharin shaga ya lu na rai ndai.

Jinghpaw Hanson Version Bible

³ Dai hte maren gumgai ni mung, hkungga lara ai lailen madun mai ai hte, shi wawn n htawn ai, chyaru n len ai, mai kaja ai lam sharin achyin chye nna,

TITU 2:3 ပူးပေါင်းရင်းမြစ်များ

ROMA 1:29

Shanhte hta n hkru n kaja ai lam amyu myu, awu asin re ai lam, nam mak lawhpa ai lam, arawn alai hten ai lam, n dawng n yawt ai lam, masha sat ai, ga li ga law ai lam, hkalem hkalau ai, mara matsing da ai lam ni hpring chyat rai nga malu ai.

ROMA 16:2

Nanhte gaw Karai Kasang a masha ni shada hkap hkalum la ai hku nna shi hpe Madu a mying hta hkap hkalum bawp la nhtawm nanhte kaw nna karum la ra ai hpa hpe rai ti mung shi hta ra kadawn nga ai hte maren, karum madi shadaw la mu; hpa majaw nga yang shi gaw shi hkum nan masha law law hpe mung ngai hpe mung karum madi shadaw lai wa sai jinghku kaja langai mi rai nga ai.

EHPESU 5:3

Nanhte gaw Karai Kasang a amyu masha ni rai nga myit dai majaw, hpye ai amu, n san n seng ai yawng hte hte nammak lawhpa ai hte seng ai lam ni nanhte hta e ga hte pyi n tsun myit ga,

1 TIMOHTI 3:11

Shanhte a madu jan ni mung arawn alai kaja ai ni rai nna shatan nhkan ga tsun n lem ai ni n re ai sha, sari sadang hte hpring nna lam shagu hta myit matu ding ai ni rai lu na rai.

1 TIMOHTI 3:8

Hpungtau ni mung myit ding hpring nna arawn alai kaja ai ni rai ra ai. Shanhte gaw ga mashe n rawng ai ni, chyaru n len ai ni, gumhpraw lam hta lawhpa marin ai myit n rawng ai ni rai lu na hte,

1 TIMOHTI 5:23

Nang gaw chyahkring hkring machyi wa wa rai ndai majaw shat kan lu sha rin ai hpe karum na matu ntsin chyu n lu ai sha sabyi loi loi alu ya nga u.

TITU 1:7

Hpa majaw nga yang Hpung up wa gaw Karai Kasang a magam amu hpe lit la nna gun hpai ai wa rai nna, mara n rawng ai wa mai rai nga ai. Shi gaw myit tsaw myit dap ai wa, sindawng katawt ai wa, chyaru len ai wa, ga li ga law anu ajin rai chye ai wa, shing n rai gumhpraw marin ai wa n mai rai nga ai.

TITU 2:4

Shing rai Karai Kasang a mungga gaw shatan nhkan n hkrum u ga, shanhte mung tinang ni hta asak naw kaji ai hpawmi ni tinang a madu wa hte kashu kasha ni hpe tsaw ra ai,

HEBRE 5:12

Aten hpe sawn yu yang nanhte gaw sara ni tai ram manit dai, rai ti mung Karai Kasang a shawng na ga kanu mungga hpe pyi marai langai ngai e nanhte hpe naw sharin ya ra nga myit dai. Nanhte gaw ja ai lu sha sha na malai chyu sha naw alu ra nga myit dai.

SHINGRAN 2:20

Rai ti mung ngai nang hpe mara shagun na lam langai mi mu nngai. Hpa majaw nga yang, nang gaw, tinang dai ‘Karai Kasang kaw na du sa ai kasa rai nngai,’ nga nna tsun ai num Yezebela hpe shi ra ai hku di shangun ai hte hkap la tawn ndai. Shi gaw nye a shangun ma ni hpe hpye ai amu galaw na hte sumla ni hpe nawng ya ai lusha ni hpe sha na lam sharin ya nna, shanhte hpe shut hpyit lam dam shangun mu ai.