TITU 2:15 - Jinghpaw Common Language Bible 2009

¹⁵ Nang gaw ndai lam ni hpe hkaw tsun sharin shaga u. Nang n-gun jaw shadum shahprang sharin shaga ai shaloi nang lu ai ahkang aya nga manga jai lang u; kadai mung nang hpe n gawn n sawn, n yu kaji mu ga.

Jinghpaw Hanson Version Bible

¹⁵ Ndai lam ni hpe ahkang aya hkum hkum hte tsun dan u, shadum jahprang nna daru sharin nga u: kadai mung nang hpe n gawn n sawn n rai mu ga.

TITU 2:15 ပူးပေါင်းရင်းမြစ်များ

MAHTE 7:29

Hpa majaw nga yang, shi gaw tara sara ni zawn n rai, ahkaw ahkang atsam rawng ai ga hte shi shanhte hpe sharin shaga mu ai.

MARKU 1:22

Shi a sharin shaga ai lam hpe na la ai masha ni gaw mau mat ma ai, hpa majaw nga yang, shi gaw tara sara ni zawn n rai, ahkaw ahkang atsam hte sharin shaga nga ai.

MARKU 1:27

Masha ni yawng mung mau mahka mat nna, “Ndai gaw hpa rai nga a ta? Sharin shaga ai lam ningnan lama mi rai nga a ni? Ndai masha wa hta n seng ai nat ni hpe hkang da ai lam ni jaw na daru magam ahkang aya nga nga ai rai nna, shanhte shi hpe madat mara nga ma ai,” nga nna shada da tsun ma ai.

LUKA 4:36

Dai majaw masha yawng gaw mau mahka nga ma ai rai nna, “Ndai ga gaw kaning nga ai ga re ai i? Daru magam ahkang hte mung, n-gun atsam hte mung, n san n seng ai nat ni hpe hkang dat yang shanhte pru mat wa ma ai,” nga nna shanhte shada da tsun hkat ma ai.

1 KORINHTU 16:11

Kadai mung shi hpe n gawn n sawn n di u ga, shi a hkrun lam hpe angwi apyaw sha matut hkawm sa wa lu u ga, nanhte shi hpe karum madi shadaw dat lu na rai myit dai; shing rai Hkristan hpu nau ni hte rau, ngai hpang de bai du sa wa na ra ai, ngu nna ngai myit mada ala nga nngai.

1 TIMOHTI 5:20

Kaga ni hkrit kang mat mu ga, mara galaw ai ni yawng hpe shawa a man e daru sharin kau mu.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.

TITU 1:13

Dai sakse ga teng nga ai majaw, shanhte gaw Karai Kasang hpe kaja wa kam sham hkap la chye wa na matu mung,

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.