TITU 1:8 - Jinghpaw Common Language Bible 2009

⁸ Shi gaw manam daw ra ai, mai kaja ai lam hpe tsaw ra chye ai wa, tinang hkum hpe hkang chye ai, si si re ai, ding hpring ai, chyoi pra ai, tara hkan ai wa rai ra ai.

Jinghpaw Hanson Version Bible

⁸ manam daw ra ai, mai kaja ai lam tsawra ai, si si re ai, dinghpring ai, chyoi pra ai, tinang hkum hkang chye ai wa hte,

TITU 1:8 ပူးပေါင်းရင်းမြစ်များ

1 HKAWHKAM 5:1

Turu hkawhkam Hiram gaw Dawi a jinghku tut nawng a rai nga ai. Shi kawa Dawi a magam tingnyang hta Shawlumon hkaw galai dung ai shiga hpe shi na jang, Hiram gaw shi a shangun dat kasa ni hpe Shawlumon hpang de shangun dat wu ai.

1 HKAWHKAM 5:7

Shawlumon htet dat ai ga hpe shi lu la jang, Hiram nachying kabu sharawng nga wu ai rai nna shi gaw, “Ndai amyu kaba a hkawhkam magam tingnyang dung na matu, ndai zawn hpaji rawng ai shadang sha Dawi hpe jaw ya ai dai Madu hpe dai ni shakawn kungdawn ga law!,” ngu nna tsun wu ai.

SHAKAWN KUNGDAWN 16:3

Madu a kangka ai amyu masha ni gaw kade wa mai kaja nga ma hka! Shanhte hte rau rai nga na gaw nye a pyaw htum ai lam rai nga ai.

AMO LAIKA (AMOS) 5:15

N hkru ai amu hpe n dawng nga mu, teng man ai amu hpe tsaw ra nga mu, teng man rap ra ai tara gaw tara rung ni hta dang nga ai hpe mu lu nga ai. Dai Madu gaw naw hkrung ngam nga ai ndai amyu baw a amyu masha ni hpe mahkoi matsan chye dum la mai nhten.

LUKA 2:25

Dai ten hta Simun mying ai masha langai mi Yerusalem mare e nga ai, dai wa gaw ding hpring ai hte Karai Kasang hpe hkrit hkungga nna, Israela hpe hkye hkrang la na lam myit mada ala nga ai wa rai nga ai.

KASA 24:25

Rai ti mung Pawlu gaw ding hpring ai lam, tinang hkum hkang ai lam hte du magang ra ai tara daw dan ai nhtoi a lam hkaw tsun dan ai shaloi Hpilik hkrit kajawng nna, “Ya nang naw wa su, ngai rau jang she ngai nang hpe bai shaga na de ai,” ngu wu ai.

1 HTESALONI 2:10

Kam sham nga ai ni nanhte a man e anhte a arawn asam san seng nna teng man ai hte mara n rawng nga ai gaw anhte a matu nanhte nan sakse ni rai nga myit dai, dai hte maren Karai Kasang mung sakse rai nga ai.

1 TIMOHTI 3:2

Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

1 TIMOHTI 4:12

Nang asak naw kaji ai brang ram rai nga ndai majaw, kadai mung nang hpe n yu kaji kau u ga, tsun ai ga hta mung, arawn alai hta mung, tsaw ra ai hta mung, makam masham hte myit san seng ai hta mung, kam sham ai ni a matu mara kasi kamang tai nga u.

1 TIMOHTI 6:11

Nang chyawm gaw Karai Kasang a masha wa e, dai lam mahkra hte hpe koi gam nga u. Ding hpring ai, tara hkungga ai, kam sham ai, tsaw ra ai, shakut sharang ai hte sumnung ai myit ni hpe lu la hkra shakut shaja nga u.

2 TIMOHTI 2:22

Brang ram a myit kayut ai lam ni hpe koi gam nna Madu hpe san seng ai myit hte karum hpyi ai ni hte rau ding hpring ai lam, kam sham ai lam, tsaw ra ai lam hte ngwi pyaw sim sa ai lam hpe tam shakut nga u.

2 TIMOHTI 3:3

Shanhte gaw matsan dum n chye ai ni, n ja n hpra myit n rawng nna masin n si n hkru ai ni, masha wa a sari jahpoi na hku shatan n lem ai ni, masha wa a myit hkrum ai lam n tam ai sha kashun kashe hkala nba amu galaw ai ni, matse mazut ai ni rai na mara ai. Dai hta n ga, shanhte gaw mai kaja ai hpe n dawng ai ni,

TITU 2:7

Lam shagu hpe galaw gun hpai ai lam hta, nang hkum nan kaja ai kasi ningli tai nga u. Myit malang ai hte grai laja lana ahkyak shatai ai hku shadum sharin u.

1 YAWHAN 3:14

Anhte hpu nau ni hpe tsaw ra nga ga ai majaw, anhte si ai kaw nna hkrung ai de kawt lu sagaw ai hpe anhte chye ga ai. Kahpu kanau ni hpe n tsaw ra ai wa gaw dai si ai a n-gun atsam kata e sha anga nga ai wa rai nga ai.

1 YAWHAN 5:1

Yesu gaw Meshia rai nga ai nga nna kam sham ai wa kadai rai ti mung, Karai Kasang a kashu kasha rai nga ai rai nna dai kawa hpe tsaw ra ai wa kadai rai ti mung, kasha wa hpe mung tsaw ra wu ai.

1 SAMUELA 18:1

Shawlu hte ga tsun ngut ai hpang, Shawlu a kasha Yonahtan gaw Dawi hpe grai myit yu kap mat ai rai nna, shi hkum hte maren tsaw ra wu ai.