TITU 1:15 - Jinghpaw Common Language Bible 2009

¹⁵ Tinang dai san seng nga sai ni a matu arai yawng mayawng gaw san seng nga ai; rai ti mung tinang dai n san n seng nna, Madu Yesu hpe n kam n sham ai ni a matu chyawm gaw, hpa mung n san n seng nga ai. Hpa majaw nga yang, shanhte a myit mang ai lam hte kraw lawang mahtang n san n seng nga malu ai.

Jinghpaw Hanson Version Bible

¹⁵ San seng ai ni a matu, yawng mayawng san seng nga ai: n san n seng ai ni hte n kam n sham ai ni a matu chyawm gaw, hpa mung n san n seng nga ai; shanhte a myit mang hte kraw lawang gaw, n san n seng rai malu ai.

TITU 1:15 ပူးပေါင်းရင်းမြစ်များ

GA SHAGAWP 21:4

Tara n lang ai masha ni gaw shanhte a myit tsaw myit dap ai hte gumrawng gumtawng ai myit ni hta up hkang da ai hkrum nga ma ai, dai gaw yubak rai nga ai.

GA SHAGAWP 30:12

Shanhte gaw dik hkra matsat shabat re nga ai shaloi, san seng nga ga ai nga nna, myit la ai masha ni mung nga nga ma ai.

HAGI 2:13

Dai hpang, Hagi gaw, “Marai langai ngai si mang hkra kau ai majaw awu asin byin ai ngu ga. Dai hpang shi rai nna shahpa hkra mat ai rai yang, dai ni hpe awu asin di kau nga a ni?,” nga nna san wu ai. Hkinjawng ni gaw, “Rai nga ai,” ngu nna htan ma ai.

MAHTE 15:18

Rai ti mung, n-gup hta na pru wa ai arai ni mahtang gaw myit masin hta na byin pru wa ai rai nna, dai hte gaw masha hpe awu asin di kau wu ai.

KASA 10:15

Dai nsen kalang mi bai ngoi pru ai gaw, “Karai Kasang e san seng ai ngu ai arai hpe n san n seng ai ngu nna hpa mung hkum myit la et,” nga nna tsun ai.

ROMA 14:14

Hpa baw sha hpa rai ti mung, de a npawt nhpang sagawn yu yang, nawku htung lai hku nna awu asin re ai lusha re, ngu nna tsun na lam mi n nga ai ngu ai hpe Madu Yesu hta ngai asak hkrung nga ai majaw hkrak chye lu nngai. Rai ti mung masha langai ngai gaw lusha lama ma hpe awu asin re ai nga nna myit nga yang gaw dai arai gaw shi a matu awu asin rai nga lu ai.

ROMA 14:20

Lusha shahpa nhkan e Karai Kasang a bungli hpe hkum sharun shabya kau et. Shahpa yawng mayawng gaw sha na mai nga ai, rai ti mung dai shahpa sha ai a majaw masha kaga wa hpe yubak mara hta kataw bang shangun ai rai yang gaw nang mara lu nga ndai.

ROMA 14:23

Rai ti mung mahkoi myit hte shahpa lama ma hpe sha ai wa hpe gaw, Karai Kasang e daw dan ai hkrum na ra ai; hpa majaw nga yang shi galaw ai lam gaw makam masham hta madung dat ai n rai; makam masham hte n seng ai hpa rai ti mung, yubak sha rai nga ai.

1 KORINHTU 10:23

“Shanhte gaw, Anhte hpa rai ti mung galaw lu na ahkang lu ga ai,” nga nna shanhte tsun ma ai. Dai gaw teng nga ai, rai ti mung galaw ai amu yawng mayawng hte wa mai kaja ai n rai. Anhte gaw yawng mayawng galaw na ahkang lu ga ai, rai ti mung yawng mayawng wa shadaw shagrin lu ai n rai.

1 KORINHTU 10:25

Nanhte a ung ang ai myit asan sha rai mat na matu, shan dut gat na hpa shan rai ti mung, san jep yu ai lam n galaw ai sha mari sha mu.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

1 KORINHTU 8:7

Rai ti mung masha shagu wa dai chye ginhka ai machye machyang lu ma ai n rai. Masha nkau mi gaw sumla naw man mat ai ni rai lai wa sai majaw, dai ni du hkra hkungga nawng ai shahpa sha ai shaloi, dai gaw sumla hpe nawng ai lusha re ngu nna myit la ma ai. Shanhte a htauli htaula myit n-gun kya malu ai majaw, shanhte sha ai shahpa gaw shanhte hpe awu asin byin shangun nga ai ngu nna myit la ma ai.

1 TIMOHTI 6:5

Dai hta n ga, myit n gu ai lam hte teng man ai lam hpe n mu n chye ai ni kaw nna ndang kalang ai lam ni gaw ya sha ya sha pru nga ai. Nawku htung ngu ai gaw lu su ngamai na matu re ngu nna shanhte myit la ma ai.

HEBRE 10:22

Dai re ai majaw anhte gaw mara lu dum ai kraw lawang ni hpe shachyoi shapra kau nna, anhte a hkum hkrang hpe mung san seng ai ntsin hte kashin kamun kau ngut jang, n shut n shai hkrak re ai makam masham hte Karai Kasang hpang de sit shani shang wa ga.

HEBRE 12:15

Karai Kasang a chyeju kaw na htak mat wa ai lam n byin u ga, makawp maga nga mu. Hka ai hpun ru gaw tu kaba wa nna shi a gung hte jam jau law law jaw lu ai zawn, nanhte kadai hta mung dai zawn n byin u ga, sadi nga mu.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.