TITU 1:11 - Jinghpaw Common Language Bible 2009

¹¹ Shanhte a tsun shaga ai n-gup pat kau ya ra sai; hpa majaw nga yang, shanhte gaw n mai sharin ai lam ni hpe sharin ya nna htinggaw ting ting hpe shabra kau mu ai. Dai lam ni yawng gaw shanhte a gumhpraw lu lam hte seng ai kaya kahpa re ai yaw shada ai lam a matu rai nga ai.

Jinghpaw Hanson Version Bible

¹¹ shanhte a n-gup mai matsut nga ai; shanhte gaw n san n seng ai sut matu n mai sharin ai lam sharin shaga ya nna, htinggaw ting ting hpe shabrun kau mu ai.

TITU 1:11 ပူးပေါင်းရင်းမြစ်များ

SHAKAWN KUNGDAWN 107:42

Ding hpring ai masha ni dai lam hpe mu nna kabu gara nga ma ti mung; tara n lang ai ni yawng hte hpe chyawm gaw shazim kau ya wu ai.

SHAKAWN KUNGDAWN 63:11

Shi hpe Karai Kasang awng padang jaw ya ai majaw, hkawhkam wa kabu gara na ra ai. Karai Kasang a mying nsang hta ga shaka tawn da ai ni gaw shi hpe shakawn lu na mara ai: rai ti mung, masu magaw ga tsun ai ni a n-gup ni chyawm gaw pat kau ai hkrum na mara ai.

YEREMIA 8:10

Dai re ai majaw, ngai gaw shanhte a yi hkauna ni hpe madu nnan ni a lata de jaw kau na we ai; shanhte a madu jan ni hpe mung kaga masha ni a lata de ap kau na we ai. Masha kaji kaba yawng hte gaw n ding n man ai hku gumhpraw tam shakut ma ai. Myihtoi ni hte hkinjawng ni pyi amyu masha ni hpe masu hkalem nga ma ai.

EZEKELA 13:19

Nanhte gaw nye a amyu masha ni a man e muk-yaw mam latup nkau mi hte muk hkyep loi mi lu la na matu ngai hpe n kaw n law di myit dai. Nanhte gaw n si ging ai amyu masha ni hpe sat kau myit dai; n jahkrung da ging ai amyu masha ni hpe jahkrung da nga myit dai. Nanhte gaw nye a amyu masha ni hpe masu magaw ga tsun nhtawm shanhte gaw nanhte tsun ai ga hpe kam nga ma ai,” ngu nna tsun wu ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

MIHKA 3:5

Nye a amyu masha ni hpe masu hkalem ai myihtoi ni gaw shanhte hpe jaw ya ai ni hpe ngwi pyaw sim sa lam lu na ga sadi jaw ma ai, rai ti mung jaw ya ai lam n nga ai ni a matu gaw majan hte jahkrit shama hkrum nga ai. Dai zawn re ai myihtoi ni hpe dai Madu gaw,

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

LUKA 20:40

Hpa majaw nga yang, dai ni gaw Madu hpe hpa ga san mung bai n san wam mat ma ai.

YAWHAN 10:12

Nchyang sha re ai wa gaw, sagu rem mung n rai, sagu madu mung n re ai majaw, chyahkyawn ni sa wa ai mu jang, sagu ni hpe kau da nna hprawng mat wa nga ai, chyahkyawn mung sagu ni hpe hpya sha nna shabra kau nga ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

2 KORINHTU 11:10

Hkristu a teng man ai ga ngai hta rawng nga ai hte maren, ndai nye a gumrawng ai lam hpe Ahkaia mung shara shagu hta kadai mung jasim shangap kau ya lu na n rai, ngu nna ngai ga sadi jaw nngai.

1 TIMOHTI 5:13

Dai hta kaga shanhte gaw nta langai mi kaw nna langai mi hta shang chyai hkawm nna aten hpe kaman shama kau ai lam galaw chye wa ma ai. Dai hta grau n kaja ai lam gaw, shanhte n tsun ang ai lam ni hpe hkan tsun nna shatan n lem hkawm ai hte tinang hte n seng ai lam ni hta ginchya lawm chye ma ai.

1 TIMOHTI 5:4

Rai ti mung gaida jan langai ngai hta kashu kasha lu ai rai yang, shanhte gaw tinang a dinghku a matu nawku htung makam masham hte seng nna galaw ra ai lit ni hpe shawng sharin la mu ga, shing rai galaw ai hku nna tinang a kanu kawa ni hte kaji kawoi ni hpe chyeju htang jaw mu ga, hpa majaw nga yang dai gaw Karai Kasang hpe sharawng awng shangun ai lam rai nga ai.

1 TIMOHTI 6:5

Dai hta n ga, myit n gu ai lam hte teng man ai lam hpe n mu n chye ai ni kaw nna ndang kalang ai lam ni gaw ya sha ya sha pru nga ai. Nawku htung ngu ai gaw lu su ngamai na matu re ngu nna shanhte myit la ma ai.

2 TIMOHTI 2:18

Shanhte gaw dai teng man ai lam hta na yit mat wa nna anhte a hkrung rawt wa ai lam gaw byin ngut sai nga nna tsun ai hte nkau mi a kam sham ai lam hpe shanut jahtum ya nga ma ai.

2 TIMOHTI 3:6

Shanhte hta na nkau mi gaw masha ni a nta ni hta hkan shang nhtawm mayun de nna machye machyang n law nna gawng kya ai num ni hpe shanhte a lata hta shang hkra galaw ma ai. Dai num ni gaw tinang tawt lai kau ai yubak mara majaw myit lit li nna myit n pyaw let, ngang kayut ai lam amyu myu hta len nang mat wa nna,

TITU 1:7

Hpa majaw nga yang Hpung up wa gaw Karai Kasang a magam amu hpe lit la nna gun hpai ai wa rai nna, mara n rawng ai wa mai rai nga ai. Shi gaw myit tsaw myit dap ai wa, sindawng katawt ai wa, chyaru len ai wa, ga li ga law anu ajin rai chye ai wa, shing n rai gumhpraw marin ai wa n mai rai nga ai.

TITU 1:9

Shi gaw Hpung a sharin shaga ai lam hte myit hkrum nna kam hpa mai ai dai mungga hpe ngang ngang kang kang manoi manat ai wa, rai lu na rai nga ai. Shing rai yang she shi gaw dai teng man ai sharin shaga ai lam hte masha ni hpe n-gun jaw myit gang la lu na hte, dai mungga hte n htan shai ninghkap ai ni a shut ai lam hpe madi madun lu na rai nga ai.

TITU 3:10

Shai wa bra wa ai lam shabyin ai wa hpe n law htum lahkawng lang shadum jahprang sadi jaw ai hpang shi hte matut mahkai ai lam kaga hpa mung hkum galaw nu.