TITU 1:10 - Jinghpaw Common Language Bible 2009

¹⁰ Hpa majaw nga yang, shanhte a lachyum n pru ai ga hte gumlau gumle re ai hte, masha kaga ni hpe hkalem hkalau re ai masha ni law law wa grau nna Yuda nawku htung kaw na Hkristan Hpung de gale shang wa ai ni hta nga nga ma ai.

Jinghpaw Hanson Version Bible

¹⁰ Kaning rai nme law, gumlau gumle re ai, kaman lila ga tsun ai hte, hkalem chye ai masha law law nga ma ai; matu gadoi lam hkan ai ni hta grau nna law ma ai;

TITU 1:10 ပူးပေါင်းရင်းမြစ်များ

MAHTE 23:14

(Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw gaida jan ni hpe dang sha nna shanhte a dum nta ni hpe hpya sha nhtawm, masha e yu yang tsawm na hku hpyi hpun ai hku galu galang akyu hpyi myit dai. Dai lam a majaw nanhte gaw grau nna kaba ai ari hkrum na marin dai.)

KASA 11:2

Yerusalem mare de Petru du sa wa ai shaloi maigan masha ni hpe matu gadoi ai lam hpe ra sharawng ai ni gaw Petru hte tsun bawng dangrang hkat ma ai.

KASA 15:1

Ya Yuda mung na ni nkau mi Antioki mare de sa du nna, kam sham ai hpu nau ni hpe, “Nanhte Mawshe a jep ai Tara hte maren matu gadoi lam n hkan myit yang gaw, hkye hkrang la ai kaw n du lu na myit dai,” ngu nna sa sharin mu ai.

KASA 15:24

Anhte kaw na masha nkau mi gaw, anhte a hkang matsun dat ai lam n lu la ai sha nanhte hpang de sa nna ga hte nanhte a myit hpe sharu shatsang ga li ga law di ya nga ma ai lam anhte na lu sagaw ai.

KASA 20:29

Ngai pru mat wa ai hpang masha nkau mi nanhte kaw shang nna matse n hkru ai chyahkyawn zawn sagu hpung hpe matsan n dum, hkyamsa n jaw na mara ai hpe ngai chye nga nngai.

GALATI 2:4

Dai masha ni gaw anhte Hkristu Yesu hte langai sha tai nna asak hkrung ai a marang e anhte lu la ai shanglawt ahkang hpe kin-yu yu na matu Hkristan hpu nau ni tai masu let anhte a hpawng de mayun shang wa ai ni rai ma ai. Shanhte gaw anhte hpe mayam shatai mayu da mi ai.

GALATI 3:1

Angawk angak re ai Galati masha ni e, wudang hta e Yesu Hkristu si hkam ai lam hpe nanhte a myiman e pra pra mu lu hkra, ngai tsun sanglang dan sai mi, nanhte hpe kade e hkalem la kau myit ta?

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

1 TIMOHTI 1:4

Kaja wa n mai byin ai matsun maroi maumwi ni ji woi ji wa ni a ginru ginsa sagawn ai lam hpe galu galang tsun gawn ai lam ni tawn kau na matu shanhte hpe tsun u. Dai lam ni gaw ga li ga law ndang kalang lam hpe sha shapraw nga ai rai nna dai makam masham hte sha chye lu ai Karai Kasang a shatawng shada da ai lam hpe n shabyin lu nga ai.

1 TIMOHTI 1:6

Masha nkau mi gaw dai lam ni kaw nna yit mat wa nna, angawk angak re ai akyu n rawng tsun bawng dangrang hkat ai lam ni hta shanhte a lam shamat kau manu ai.

1 TIMOHTI 1:9

Kaja wa nga yang anhte a myit chye na da ra ai lam gaw; dai jep ai Tara gaw kaja ai masha ni a matu n rai; tara tawt lai ai ni hte si ging ai mara kaba lu ai ni, Karai kata ai hte yubak lu ai ni, nawku htung n hkan ai ni, makam masham shing n rai wenyi lam hta myit n lawm ai ni, tinang a kanu kawa ni hpe sat ai ni, masha sat ai ni a matu,

2 TIMOHTI 3:13

N hkru n kaja ai masha ni hte masu hkalem sha ai ni chyawm gaw masha hpe hkalem sha nna tinang ni nan hkalem sha ai bai hkrum ai hte n hkru ai lam hta n kaja ai kaw nna n kaja dik ai de grau grau matut shanang sa wa na mara ai.

2 TIMOHTI 4:4

Shanhte gaw dai teng man ai lam hpe madat mara ai kaw na kayin htak mat wa nna masha a maumwi mausa ga ni hpe madat mara myit lawm mat wa na mara ai.

TITU 1:6

Dai hpung salang wa gaw mara n rawng ai wa, num langai sha lu ai wa, rai ra ai. Shi a kasha ni gaw Madu Yesu hpe kam sham ai ni rai ra ai. Zai ai arawn alai hte ga n madat ai lam hta mying pru ai kashu kasha lu ai wa n rai na.

YAKU 1:26

Ngai gaw nawku htung shadik ai wa rai nngai nga nna marai langai ngai myit nawn dam ti mung, shi a shinglet hpe n hkang lu yang gaw, shi a nawku htung gaw kaman lila sha rai nna shi a hkum hpe hkalem kau da wu ai.

1 YAWHAN 2:18

Nye a shu sha ni e, hpang jahtum ai nhtoi ni wa ra ai! nanhte hpe tsun da sai hte maren, Hkristu a hpyen ngu ai wa gaw du na ra ai rai nna, ya e pyi Hkristu a hpyen ni law law wa dawng pru ra ai majaw, hpang jahtum ai ahkying ni ra ai hpe anhte chye nga ga ai.

1 YAWHAN 2:4

Ngai shi hpe chye chyap nngai, nga nna marai langai ngai tsun ti mung, shi a hkang da ai ga hpe n madat n mara a yang gaw, dai wa gaw masu ai wa rai nga ai hte dai teng man ai gaw shi hta n rawng nga ai.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 2:6

Rai ti mung Nikola a sape ni galaw ai arawn alai hpe ngai n dawng nga ai zawn nang mung n dawng n yawt nga ndai majaw, nang hpe shakawn shara akyu langai lu ndai.