TARA JAHPRANG 9:7 - Jinghpaw Common Language Bible 2009

⁷ “Nam mali kata e dai Madu nanhte a Karai Kasang hpe nanhte kaning rai masin shapawt nga myit dai hpe galoi mung hkum malap kau myit. Nanhte Egutu mung kaw na pru wa ai shani kaw nna ndai yang du wa ai aten du hkra nanhte shi hpe gumlau nga myit dai.

Jinghpaw Hanson Version Bible

⁷ Nang na a Karai Kasang Yehowa hpe dai nam mali hkan e kaning rai shapawt pawt rai ndai gaw nang adum nga u, hkum malap kau et: Egutu mung na nang pru wa ai shani kaw nna ndai yang du ai du hkra, Yehowa hpe nang a gumlau nga nit dai.

TARA JAHPRANG 9:7 ပူးပေါင်းရင်းမြစ်များ

PRU MAT 14:10

Hkawhkam wa hte shi a hpyen luksuk ni shanhte hpang de htim sa wa nga ai hpe Israela masha ni mu ma ai shaloi, hkrit gari mat ai hte dai Madu kaw karum hpyi jahtau ma ai.

PRU MAT 14:11

Shanhte gaw Mawshe hpe, “Egutu mung hta lupwa ni n nga sani? Ya nang anhte hpe nam mali e si mat shangun na matu, ndai de woi shapraw wa n ni? Anhte hpe Egutu mung kaw na woi shapraw wa nhtawm, ya nang hpa galaw kau nit dai gaw she mada yu sanu!

PRU MAT 16:2

Dai nam mali e shanhte yawng gaw Mawshe yan Arun hpe aput let

PRU MAT 17:2

Shanhte gaw Mawshe hpe aput let, “Anhte hpe lu na ntsin jaw mi,” ngu nna tsun ma ai. Mawshe gaw, “Nanhte hpa majaw aput nga myit ta? Nanhte gaw hpa lam a majaw dai Madu hpe chyam mayu nga myit ni?,” ngu nna htan wu ai.

PRU MAT 23:21

Shi a man e sadi mu, shi a ga hpe madat mu. Ngai shi hpe shangun da ni ai rai nna shi hpe hkum gumlau nga myit. Dai zawn re ai gumlau lam hpe shi mara dat ya na ra ai n rai.

ESAIA 48:8

Nang gaw gumlau wa langai zawn mying gumhkawng nga ndai rai nna, nang hpe n kam lu ai gaw ngai chye sani ai. Dai re ai majaw ndai amu hpe nang galoi mung n na yu nga ndai, de a ga hkaw mi pyi na a na de galoi mung n shang ai majaw rai nga ai.

YEREMIA 11:10

Shanhte gaw ngai tsun ai ga hkan galaw na matu ningdang kau nga ai shanhte a kaji kawa ni a yubak lam de nhtang mat wa masai; shanhte gaw kaga karai ni hpe nawku mat masai. Israela hte Yuda yan gaw shanhte a kaji kawa ni hte ngai galaw tawn da sai ga shaka hpe jahten kau manu ai.

YEREMIA 32:30

Shanhte a labau npawt nnan hpang wa ai shani kaw nna Israela hte Yuda amyu masha ni gaw shanhte galaw dan sai amu ni hte ngai hpe myit n pyaw shangun ma ai hte pawt sindawng shangun masai.

YEREMIA 44:9

Yuda mung na mare ni hte Yerusalem mare lam ni hta nanhte a nji nwa ni galaw ai yubak, nanhte hte nanhte a madu jan ni galaw ai yubak ngu ai dai n hkru n shawp ai amu ni yawng hpe nanhte malap kau manu ni?

EZEKELA 20:13

Rai ti mung, shanhte gaw ngai hpe nam mali hkan e pyi nye a hkang da ai ga hpe ninghkap lale nga ma ai. Shanhte gaw nye a tara ni hpe jahten kau ma ai; dai lam ni hpe hkan sa madat mara ai ni kadai rai ti mung asak hkrung nga shangun na, nye a hkang da ai matsun maroi ga ni hpe kau da mu ai. Shanhte gaw Bansa Nhtoi hpe awu asin di kau ma ai. Shanhte hpe jahten shaza kau na matu dai nam mali hkan e nye a sindawng kahtet ai n-gun hkam sha shangun lu na matu ngai shajin da ni ai.

EZEKELA 20:43

Dai hpang, nanhte galaw kau sai matsat shabat amu mahkra hte kaning rai nanhte hkum ni hpe awu asin di kau sai lam ni hpe nanhte dum wa na marin dai. Nanhte galaw hkrup kau sai n hkru n shawp ai amu mahkra a majaw nanhte nan nanhte a hkum hpe matsat kau na marin dai.

EZEKELA 20:8

Rai ti mung, shanhte gaw ngai hpe ninghkap ma ai hte nye a ga hpe n madat mara nga ma ai. Shanhte gaw shanhte a matsat shabat re ai hpara ni hpe n kabai kau ma ai; Egutu hpara ni hpe mung n kau da lu ma ai. Nye a masin kahtet ai n-gun gaw dai Egutu mung hta hpring tup hkam sha shangun na, ngai shajin da ni ai.

EZEKELA 36:31

Nanhte gaw nanhte a n hkru ai arawn alai hte nanhte a shut hpyit amu ni hpe myit dum wa nna, nanhte shut kau sai yubak mara ni hte matsat shabat amu ni a majaw, nanhte a hkum ni hpe pyi matsat kau na marin dai.

BU HKAWM 11:4

Israela amyu masha ni hte rau hkawm sa ai hta maigan masha ni mung lawm ma ai. Shanhte gaw lusha shahpa grai marim ai ni rai ma ai. Israela masha ni nan pyi, “Anhte sha na shan loi mi sha lu saga ai wa!

BU HKAWM 14:22

ndai amyu masha ni kadai mung dai mung de shang lu na ma ai n rai, ngu nna ngai ga sadi tawn da nngai. Shanhte mahtang Egutu mung hte nam mali hkan ngai galaw dan sai mauhpa lamik kumla ni hte htoi tu ai nye a hpung shingkang hpe mu lu ma ti mung, nye a galu kaba ai myit hpe shanhte lang hte lang chyam dinglik yu nna nye a ga hpe n madat ya ma ai.

BU HKAWM 17:10

Dai Madu gaw Mawshe hpe, “Ga Shaka Sumpu a man e Arun a dawhkrawng hpe bai tawn da u. Dai gaw gumlau ai Israela masha ni a matu sakse kumla tai na ra ai rai nna shanhte a aput angun ai hpe n jahkring kau ai rai yang, si na rai ma ai,” ngu nna tsun wu ai.

BU HKAWM 21:5

Shanhte gaw, “Lusha mung, hka mung n nga ai ndai nam mali hkan e si mat na matu nang anhte hpe hpa majaw Egutu mung kaw na woi wa nga n ni? Ndai asit awat nga ai lusha hpe anhte kachyi mi pyi n kam sha mat saga ai!,” ngu nna aput ma ai.

BU HKAWM 25:2

Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.

1 KORINHTU 15:9

Hpa majaw nga yang, kasa ni hta kaji htum ai wa ngai rai nga nngai-Karai Kasang a Hpung hpe zingri zingrat nngai majaw, kasa ngu na pyi n ging n dan nngai.

EHPESU 2:11

Shawng e hkum shan lam hku nna maigan masha ni rai nga myit dai. Nanhte hpe matu n gadoi ai ni ngu nna (masha a lata hte sha galaw ai) matu gadoi hkam ai Yuda masha ni e shamying da myit dai hpe myit dum mu.

TARA JAHPRANG 31:27

Shanhte kade wa mi myit ja nna gumlau ai myit rawng nga ma ai hpe ngai chye nga nngai. Ngai naw hkrung nga ai hte yang pyi, dai Madu hpe shanhte gumlau ma ai rai nna, ngai si mat wa ai hpang dai hta grau nna pyi shanhte gumlau na mara ai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

TARA JAHPRANG 9:24

Nanhte hpe ngai chye ai aten kaw nna pyi dai Madu hpe gumlau nga manit dai.

TARA JAHPRANG 9:4

“Dai Madu nanhte a Karai Kasang gaw nanhte a matu shanhte hpe shaden kau ya ai hpang, nanhte dai hpe lu la ging saga ai majaw sha shi anhte hpe woi shawn nna dai mungdan hpe madu la shangun mani ai, ngu nna nanhte nan n tsun hkrup myit ga. Dai hku n rai law, shanhte nan n hkru n shawp ai ni rai nga ma ai majaw sha, Madu gaw dai masha ni hpe nanhte a matu shaden kau ya na rai nga ai.