TARA JAHPRANG 9:27 - Jinghpaw Common Language Bible 2009

²⁷ Na a shangun ma kaja ni rai nga ai Abraham, Isak hte Yaku ni hpe naw dum nga u; dai amyu masha ni a du ja nna n hkru n shawp ai hte yubak galaw ai lam hpe hkum dum ya et.

Jinghpaw Hanson Version Bible

²⁷ na a mayam Abraham, Isak, Yaku hte hpe naw dum nga u: dai amyu a du ja ai, n shawp ai hte yubak mara hpe hkum dum ya et:

TARA JAHPRANG 9:27 ပူးပေါင်းရင်းမြစ်များ

NINGPAWT NINGHPANG 19:29

Rai ti mung Lawt shanu nga yu sai dai kadit na mare ni hpe Karai Kasang jahten kau ai majaw, Abraham hpe shi dum wu ai rai nna Lawt hpe shim ai shara de shalawt dat na ahkang jaw wu ai.

SHAKAWN KUNGDAWN 130:3

Lama rai nna, anhte a yubak ni hpe ka matsing da ai rai yang; kadai wa mara daw dan ai kaw nna hprawng lawt lu na rai nga a ta?

SHAKAWN KUNGDAWN 78:8

Shanhte gaw gumlau ai ni hte n madat n mara ai ni, Karai Kasang hpe kam hpa ai lam hta galoi mung n ngang ai ni hte shi hta sadi sahka myit n dung ai shanhte a kaji kawa ni zawn rai nga na ma ai n rai.

PRU MAT 13:5

Dai Hkanan, Hiti, Amori, Hiwi hte Yebusi masha ni nga ai lamu ga, dai Madu gaw nanhte hpe jaw na matu nga, nanhte a kaji kawa ni hta dagam let ga sadi shagrin da nu ai dai sut su ngamu ngamai nna ga sau hte hpring ai mung de nanhte hpe woi shang wa ai shaloi, nanhte gaw shawng na shata shagu hta ndai poi hpe galaw na rai myit dai.

PRU MAT 3:16

Sa nna Israela a ningbaw ni hpe jahpawng shinggyin da nna shanhte a kaji kawa ni a Karai Kasang, Abraham, Isak hte Yaku ni a Karai Kasang Ngai Madu nan nang kaw dan pru ni ai lam shanhte hpe tsun dan u. Shanhte hpang de ngai nan du ni ai rai nna, shanhte hpe Egutu masha ni kaning rai roi rip nga ai hpe mung ngai mu se ai lam shanhte hpe tsun dan u.

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

PRU MAT 32:13

Na a shangun ma ni rai nga ai Abraham, Isak hte Yaku ni hpe naw dum u law. Nang dagam shaka da ai hte maren, shanhte a amyu matu hpe sumsing lamu na shagan ni zawn nang shalaw na rai nna nang ndat da ai ga dai mahkra shanhte a amyu matu ni hpe nang jaw nhtawm, dai hpe htani htana prat dingsa shanhte madu nga lu na mara ai, ngu nna dagam shaka ai ga hpe dum nga u law,” ngu nna hpyi nem wu ai.

GA SHAGAWP 21:12

Ding hpring ai Karai Kasang gaw tara n lang ai wa a nta hta hpa byin nga ai hpe, chye nga ai rai nna, shi gaw tara n lang ai ni hpe sharun shabyak kau na ra ai.

YEREMIA 14:21

Na a ga sadi ni hpe adum nga u, anhte hpe hkum matsat kau nga et; na a hpung shingkang tingnyang shara nga ai Yerusalem hpe kaya hkum jahkrum nga et. Nang anhte hte galaw da nit dai ga shaka hpe hkum jahten kau nga et.

YEREMIA 50:20

Dai nhtoi du jang, ngai ngam tawn da ai ndai amyu masha ni a mara ni hpe raw dat ya na nngai majaw, Israela amyu masha ni hta hpa yubak mung mu lu na ra ai n rai. Yuda ni hta mung n hkru n shawp ai amu hpa mung kap na ra ai n rai. Dai Madu ngai nan tsun ni ai,” ngu nna tsun ai.

JAW JAU 26:42

ngai mung Yaku, Isak hte Abraham ni hte tawn da ai ga shaka hpe dum nga na nngai. Dai mung na nye a amyu masha ni hpe jaw na nye a ga sadi hpe ningnan bai shagrin da na nngai.

JAW JAU 26:45

Ngai Madu nan shanhte a Karai Kasang tai na ngu nna Egutu mung kaw nna nye a amyu masha ni hpe woi shapraw wa ai daru magam n-gun, amyu baw ni yawng a man e ngai madun dan ai shaloi shanhte a kaji kawa ni hte tawn da ai ga shaka hpe ngai dum na we ai,” ngu nna tsun wu ai.

TARA JAHPRANG 9:26

Ngai mung, ‘Tsaw Htum ai Madu e, na a galu kaba ai daru magam n-gun atsam hte Egutu mung kaw na hkrang shaw wa ai na a amyu masha ni hpe hkum shamyit kau et.

TARA JAHPRANG 9:28

Dai n rai yang, nang shanhte hpe ga sadi jaw da sai mungdan de na a amyu masha ni hpe n lu woi wa nu hka, nga nna Egutu masha ni tsun na rai ma ai. Nang shanhte hpe n dawng ai majaw shanhte hpe sat kau na nga, na a amyu masha ni hpe nam mali kata de woi bang mat wa nu hka, nga nna shanhte a tsun shara tai na ra ai.

1 SAMUELA 25:25

Chyeju hte Nabala hpe hpa mung hkum sawn la ya e; shi gaw hpa n hkaw ai wa rai nga ai! Shi gaw shi a mying hte shabung nna angawk ai wa she rai nga ai! Madu e, na a shangun ma ni du ai aten hta ngai dai yang e n nga nga nngai.