TARA JAHPRANG 9:26 - Jinghpaw Common Language Bible 2009

²⁶ Ngai mung, ‘Tsaw Htum ai Madu e, na a galu kaba ai daru magam n-gun atsam hte Egutu mung kaw na hkrang shaw wa ai na a amyu masha ni hpe hkum shamyit kau et.

Jinghpaw Hanson Version Bible

²⁶ Yehowa hpe ngai hpyi we ai gaw, ‘Yehowa Madu e, na a hpung shingkang hte nang hkrang la nna, na a n-gun ja ai lata hte Egutu mung na shaw woi wa ai, na a Sali wunli ngu na, na a amyu masha ni hpe hkum shaza kau et:

TARA JAHPRANG 9:26 ပူးပေါင်းရင်းမြစ်များ

2 SAMUELA 7:23

Na a amyu masha majing shatai na nga, shanhte hpe mayam shatai nga ai kaw na nang hkye mawai da nit dai, dai Israela amyu ni hte bung ai amyu baw kaga ndai ginding aga ntsa n nga nga ai. Shanhte a matu nang galaw dan sai dai galu kaba ai mauhpa amu ni gaw mungkan ting de na a mying ningsang dan hkung gumhkawng shangun nga sai. Na a amyu masha majing shatai la na nga, Egutu mung kaw na nang shalawt dat sai amyu masha ni rawt lung wa mu yang, kaga masha amyu baw ni hte shanhte a karai ni hpe nang gawt shapraw kau ya nga ndai.

1 HKAWHKAM 8:51

Shanhte gaw Egutu mung grung nga ai wan htung kaw na nang woi shapraw wa ai na a amyu masha majing ni rai nga ai.

1 HKAWHKAM 8:53

Anhte a kaji kawa ni hpe Egutu mung kaw nna nang woi wa ai shaloi, na a shangun ma Mawshe hku nna nang shanhte hpe tsun nit dai hte maren, na a amyu masha majing tai na matu masha amyu ni yawng hta na nang shanhte hpe lata la nga nit dai.”

NEHEMIA 1:10

“Madu e, ndai ni gaw na a shangun ma, na a amyu masha majing ni rai ma ai. Nang gaw shanhte hpe na a daru magam n-gun kaba hte na a ja la ai n-gun atsam hte hkye mawai la nga ndai.

SHAKAWN KUNGDAWN 106:23

Shi gaw shi a amyu masha ni hpe jahten kau na nga, Karai Kasang tsun wu ai shaloi, shi lata la ai shangun ma kaja Mawshe gaw shi a man e, rawt tsap nna, shanhte hpe n shamyit kau u ga, shi a masin kahtet ai hpe shakawp ya wu ai.

SHAKAWN KUNGDAWN 107:2

Shi a jaw e hkye hkrang la hkrum sai ni yawng hte gaw dai Madu hpe chyeju shakawn ai hta, dai ga ni hpe atsun nga mu.

SHAKAWN KUNGDAWN 28:9

Madu e, na a amyu masha ni hpe hkye hkrang la u, na a amyu masha ni hpe shaman ya u. Shanhte hpe yu ai sagu rem wa tai nga nna, shanhte hpe htani htana lanu lahku nga u law.

SHAKAWN KUNGDAWN 57:1

Ngai gaw nang hta shim nga lu na matu du sa nngai majaw; Karai Kasang e, ngai hpe matsan dum la e, matsan dum la e law. Laru kaba ni lai mat wa ai aten du hkra, na a singkaw ni a shingnip hta ngai shingwung nga na nngai.

SHAKAWN KUNGDAWN 77:15

Na a daru magam n-gun hte na a amyu masha ni rai nga ai Yaku hte Yosep yan a aru arat ni hpe nang hkye hkrang la nga nit dai.

SHAKAWN KUNGDAWN 78:35

Karai Kasang gaw shanhte hpe makawp maga nga ai wa rai nga ai hte; shanhte hpe karum la na matu, Chyahtum Chyalai n-gun rawng ai Madu du sa nga ai lam hpe, shanhte dum nga masai.

SHAKAWN KUNGDAWN 99:6

Mawshe hte Arun gaw shi a hkinjawng yan rai nga ma ai, Samuela mung Madu kaw akyu hpyi ai wa rai nga ai; shanhte gaw Madu hpe shaga nga ma ai hte, Madu mung shanhte hpe htan ya mu ai.

PRU MAT 15:13

Na a ga sadi hta sadi dung nga ai rai nna, amyu masha ni hpe nang woi wa let, nang hkye mawai la nit dai; na a n-gun hte na a chyoi pra ai mung de nang shanhte hpe woi madun wa nit dai.

PRU MAT 33:13

Ya chyawm gaw, na a yaw shada ai lam ni ngai hpe tsun dan nga ndai rai nna, nang hpe ngai daw jau na nngai. Ndai amyu masha ni hpe na a amyu masha majing hku nna nang lata la nit dai hpe mung dum nga u law.

PRU MAT 34:9

Shi gaw, “Madu e, nang ngai hpe teng teng awng sharawng ndai rai yang, anhte hte rau sa wa na matu ngai nang hpe lajin nngai. Ndai amyu masha ni du ja nga ma ti mung, anhte a n hkru n hkra ai hte shut hpyit ai yubak mara hpe dat kau ya nna, na a amyu masha majing ni zawn anhte hpe hkap la mi law,” ngu nna tsun wu ai.

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 63:19

Nang gaw anhte hpe anhte a mung du galoi mung n tai yu ai wa zawn mung, anhte gaw na a amyu masha ni galoi mung n tai yu ai ni zawn di nga ndai.

YEREMIA 14:21

Na a ga sadi ni hpe adum nga u, anhte hpe hkum matsat kau nga et; na a hpung shingkang tingnyang shara nga ai Yerusalem hpe kaya hkum jahkrum nga et. Nang anhte hte galaw da nit dai ga shaka hpe hkum jahten kau nga et.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

SHARUNG SHAYAWT 2:20

O Madu e, yu u! Nang gaw hpa majaw anhte hpe ndai zawn ari jaw nga n ni? Numsha ni gaw shanhte tsaw ra ai kashu kasha ni a hkum shan ni hpe sha nga ma hka! Hkinjawng ni hte myihtoi ni mung tinang a Nawku Htingnu kata hta nan sat kau ai hkrum nga ma ai.

MIHKA 6:4

Ngai gaw nang hpe Egutu mung kaw na woi shapraw wa nhtawm nang hpe mayam prat kaw na mawai la ni ai. Mawshe, Arun hte Miriam ni nang hpe woi awn na matu ngai dat dat ni ai.

TARA JAHPRANG 13:5

Rai ti mung, nanhte mayam tai nga ai Egutu mung kaw na hkrang shaw la ai dai Madu hpe gumlau na hku tsun ai myihtoi shing n rai yup mang hkai chye ai wa kadai mung sat kau ai hkrum na rai wu ai. Dai zawn re ai wa gaw n hkru n shawp nga ai rai nna dai Madu nanhte hpe hkang da nu ai hte maren hkrung nga ai asak hkrung lam kaw na nanhte hpe lam woi shadam shakut nga ai. Ndai n hkru n shawp ai amu kaw na seng kau na matu shanhte si lu na rai ma ai.

TARA JAHPRANG 15:15

Egutu mung hta nanhte mayam tai yu manit dai hpe mung, dai Madu nanhte a Karai Kasang nanhte hpe shalawt dat ai hpe mung adum nga mu; dai re ai majaw ndai hkang da ai ga, dai ni ngai nanhte hpe jaw ya nga nngai.

TARA JAHPRANG 21:8

Madu e, Egutu mung kaw nna nang hkrang shaw la nit dai Israela amyu masha ni a yubak mara ni hpe raw dat ya u. Anhte hpe mara raw dat ya mi. Ndai mara n kap ai masha wa sat kau hkrum ai a majaw anhte hpe mara hkum shagun mi law,’ ngu nna tsun na rai ma ai.

TARA JAHPRANG 32:9

rai ti mung shi chyawm gaw Yaku amyu matu mara ni hpe shi a matu lata la nu ai.

TARA JAHPRANG 7:8

Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai Madu nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

TARA JAHPRANG 9:12

“Dai hpang dai Madu gaw ngai hpe, ‘Egutu mung kaw na nang woi wa ai na a amyu masha ni gaw hten za ai hte n hkru ai amu ni galaw shapraw manu ai; dai sha n-ga, shanhte hkan sa galaw na matu ngai hkang da ai kaw na mung shanhte kayin mat wa manu ai hte shanhte a matu hpara sumla hpe mung galaw shachyaw manu ai majaw bum kaw na alawan yu wa su,’ ngu nna tsun wu ai.

TARA JAHPRANG 9:27

Na a shangun ma kaja ni rai nga ai Abraham, Isak hte Yaku ni hpe naw dum nga u; dai amyu masha ni a du ja nna n hkru n shawp ai hte yubak galaw ai lam hpe hkum dum ya et.

TARA JAHPRANG 9:29

Kaja wa tsun ga nga yang, na a galu kaba ai daru magam n-gun atsam hte Egutu mung kaw na nang woi shapraw wa nhtawm na a amyu masha ni majing tai na matu nang lata san da ai amyu masha ni she rai nga ma ai,’ ngu nna hpyi nem wu ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 9:12

Hkristu gaw Chyoi Pra Htum ai Shara kata de kalang mi hte ngut hkra shang ai shaloi, hkungga nawng na matu bainam sai, usu sai n la shang ai sha, shi nan a asai hte shang nna anhte a matu htani htana hkye hkrang la ai lam lu la nu ai.

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.

1 SAMUELA 7:9

Samuela gaw sagu kasha langai mi hpe sat nhtawm dai Madu a matu shagu hkungga shatai let hkum ting nat nawng wu ai. Dai hpang, shi gaw Israela hpe karum la na matu dai Madu kaw akyu hpyi wu ai hte maren dai Madu mung shi a akyu hpyi ga hpe htan ya wu ai.