TARA JAHPRANG 9:22 - Jinghpaw Common Language Bible 2009

²² “Dai hta kaga, Tabera, Masa hte Kibrot Hatawa shara hkan e nanhte but nga myit dai shaloi dai Madu nanhte a Karai Kasang hpe masin pawt shangun manit dai.

Jinghpaw Hanson Version Bible

²² Dai hta kaga, Tabera, Masa hte Kibrot-hatawa shara hkan e mung nanhte Yehowa hpe shapawt manit dai.

TARA JAHPRANG 9:22 ပူးပေါင်းရင်းမြစ်များ

SHAKAWN KUNGDAWN 78:17

Rai ti mung, shanhte gaw Karai Kasang hpe gumlang ai yubak matut galaw nga ma ai; nam mali e mung, Tsaw Htum ai Wa hpe shanhte gumlau kau mu ai.

PRU MAT 17:2

Shanhte gaw Mawshe hpe aput let, “Anhte hpe lu na ntsin jaw mi,” ngu nna tsun ma ai. Mawshe gaw, “Nanhte hpa majaw aput nga myit ta? Nanhte gaw hpa lam a majaw dai Madu hpe chyam mayu nga myit ni?,” ngu nna htan wu ai.

PRU MAT 17:7

Dai shara kaw Israela amyu masha ni mahtang, “Dai Madu gaw anhte hte rau nga nga ai kun?, n nga nga ai kun?, ngu san let, aput ai hte dai Madu hpe chyam dinglik yu ma ai majaw shara dai hpe Masa hte Meriba ngu nna mung shamying ma ai.

BU HKAWM 11:34

Shanhte gaw shan sha marim ma ai majaw dai shara hpe Kibrot Hatawa ngu nna shamying ma ai; dai gaw “Shan sha marim ai lup ni” ngu ai lachyum rai nga ai; hpa majaw nga yang shanhte gaw shan sha marim ai amyu masha ni hpe dai yang e lup da nga ma ai.

BU HKAWM 16:46

Mawshe gaw Arun hpe, “Na a wan ban la nna tawn hkungri na grung nga ai wan n-ga dai hta la bang nhtawm, dai wan n-ga ntsa e manam pyaw ai baw loi mi mara tawn na rai ndai. Dai hpang amyu masha ni hpang de tin tin kagat sa nhtawm shanhte a matu jasan jaseng ai amu galaw ya na rai ndai. Tin tin rawt sa wa su! Dai Madu a pawt sindawng ai gaw pru wa nu ai; ana zinli mung du rau ra ai,” ngu nna tsun wu ai.

TARA JAHPRANG 33:8

Shi gaw Lewi amyu bawsang hte seng nna, ning nga nna tsun wu ai: “Madu e, nang gaw Urim hte Htumim lang nna na a myit ra ai hku madun dan nga ndai. Nang hta sadi dung ai Lewi shangun ma ni hte hpawn, Masa shara e shanhte hpe nang dinglik yu nit dai. Meriba hka kau e, shanhte hpe teng man ai sakse madun dan nit dai.