TARA JAHPRANG 9:2 - Jinghpaw Common Language Bible 2009

² Dai mung na masha ni gaw galu kaba nna n-gun ja ai masha ni rai nga ma ai majaw kadai mung shanhte a man e n tsap lu nga ai ngu nna tsun gara ai lam hpe nanhte na yu na manit dai.

Jinghpaw Hanson Version Bible

² ‘Anak masha ni a man e kadai wa tsap lu a ta?’ nga ai ga nang na yu nna chye lu ai, dai Anakim ngu ai galu kaba ai hte shing-yan hkra ai amyu hpe mung gasat gawt kau lu na matu, dai ni Yawdan hka wora hkran rap lu ningtawn rai nit dai.

TARA JAHPRANG 9:2 ပူးပေါင်းရင်းမြစ်များ

YOBA 11:10

Karai Kasang nang hpe rim la nna tara rung de woi shadu ai rai yang, shi hpe kadai hkum da lu a ta?

PRU MAT 9:11

Mandan lakle sara ni mung Mawshe a man e myi man n madun lu ma ai; hpa majaw nga yang, shanhte gaw kaga Egutu masha ni yawng zawn shu duhtau ni hte ka-up da hkrum nga ma ai.

Daniela 11:16

Dai gasat shang wa ai Suri masha wa gaw shi myit ra ai hte maren, hkap daw ai lam n hkrum ai sha htim bang wa na ra ai. Shi gaw Ga Sadi Mungdan hta tsap lu nna shi a daru magam n-gun hta dai hpe tsep kawp up lu na ra ai.

Daniela 8:4

Dai sagu la gaw shi a nrung ni hte sinna de, dingdung de, hte dingda maga de daru nga ai hpe ngai mu nngai. Kaning re ai dusat mung shi hpe jahkring lu ai n rai; shi a n-gun atsam kaw nna hprawng lawt lu ai n rai. Shi sharawng awng ai hte maren galaw nga ai rai nna grau myit tsaw myit dap nga wu ai.

AMO LAIKA (AMOS) 2:9

“Ti mung, nye a amyu masha ni e, arit hpun daram tsaw nna wamyi hpun zawn n-gun ja ai Amori la wa-ngan ni hpe na a majaw ngai tsep kawp jahten shaza kau ni ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

BU HKAWM 13:22

Shanhte gaw dingda daw de shawng shang sa nna Anak ngu ai galu kaba ai amyu matu mara ni rai nga ai Ahiman, Sheshai hte Talamai lakung lama ni nga ai Hebron mare de du shang ma ai. (Hebron mare gaw Egutu mung na Zoan mare garai n de yang sanit ning shawng nna de nga sai mare re.)

BU HKAWM 13:28

Rai ti mung dai mungdan hta nga ai masha ni chyawm gaw n-gun ja ma ai. Shanhte nga ai mare ni mung grai kaba nhtawm bunghku kum da ai mare ni rai ma ai; dai hta grau yu mau na zawn re ai galu kaba ai amyu ni hpe mung anhte mu kau da saga ai.

BU HKAWM 13:33

dai mung na Anak a amyu matu ngu na hkum hkrang galu kaba ai ni hpe pyi anhte mu da ga ai. Anhte gaw shanhte a man e kaji la ai hkagrit hkadawn ni zawn rai nna shanhte hpe anhte sharawt mada na pyi n gwi ga ai,” ngu nna tsun dan ma ai.

TARA JAHPRANG 1:28

Anhte dai de hpa majaw lung wa na rai nga ga ta? Anhte hkrit ga ai. Anhte shangun dat ai masha ni mung dai mung na masha ni anhte hta grau n-gun ja ai hte hkum shingyan mung tsaw ma ai; shanhte gaw lamu dep bunghku hte kum da ai mare ni hta rawng nga ma ai. Shanhte gaw dai mung na grai galu kaba ai masha ni hpe mu ma ai!,’ nga nna tsun dan let shada da aput myit dai.

TARA JAHPRANG 2:21

Shanhte gaw Anakim masha ni zawn hkum shingyan tsaw nga ma ai. Shanhte hta na law law wa n-gun rawng ai hte galu kaba ai amyu ni rai ma ai. Rai ti mung, dai Madu gaw shanhte hpe shamyit kau nga sai; shing rai Amon masha ni gaw shanhte a mungdan hpe madu la ya nna dai mung e nga nga ma ai.

TARA JAHPRANG 7:24

Shi gaw shanhte a hkawhkam hpe mung, na a lata hta ap ya na ra ai rai nna, shanhte hpe sat kau lu nhtawm shanhte mung malap kau ai hkrum na mara ai. Masha shagu hpe nanhte shamyit kau lu na rai myit dai; kadai mung nanhte hpe jahkring da lu na ma ai n rai.

YAWSHU 11:21

Dai aten hta, Yawshu sa nna Anakim ngu shamying ai masha kaba ni nga ai bum ga hkan na mung, Hebron, Debira hte Anab mare na mung, Yuda hte Israela bum ga hkan na ni yawng hpe mung, jahten shabyak kau wu ai. Shanhte hpe mung, shanhte a mare ni hpe mung Yawshu tsep kawp shamyit kau ya wu ai.

YAWSHU 11:22

Anakim masha ni kadai mung Israela mungdan hta ngam nga lu na ma ai n rai; Gaza, Gat hte Ashdod mare ni hta sha loi mi nga nga ma ai.

YAWSHU 15:14

Hkaleb gaw Anak a amyu matu ni rai nga ai Sheshai, Ahiman hte Talmai matu mara ni hpe mare kaw nna gawt shapraw kau wu ai.