TARA JAHPRANG 9:19 - Jinghpaw Common Language Bible 2009

¹⁹ Dai Madu gaw nanhte hpe shamyit kau lu na daram masin kahtet nga wu ai majaw shi ja ja pawt sindawng ai hpe ngai hkrit nga nngai; rai ti mung dai Madu gaw ndai lang hta mung nye a ga madat ya ni ai.

Jinghpaw Hanson Version Bible

¹⁹ Kaning rai nme law, Yehowa nanhte hpe shamyit kau sa na nga, pawt bu ai sindawng hpe ngai hkrit nga nngai: Yehowa chyawm gaw dai lang hta mung nye a ga madat ya ni ai.

TARA JAHPRANG 9:19 ပူးပေါင်းရင်းမြစ်များ

SHAKAWN KUNGDAWN 106:19

Shanhte gaw Sina e, ja dumsu kasha sumla galaw nna dai hpe nawku nga ma ai.

SHAKAWN KUNGDAWN 106:23

Shi gaw shi a amyu masha ni hpe jahten kau na nga, Karai Kasang tsun wu ai shaloi, shi lata la ai shangun ma kaja Mawshe gaw shi a man e, rawt tsap nna, shanhte hpe n shamyit kau u ga, shi a masin kahtet ai hpe shakawp ya wu ai.

SHAKAWN KUNGDAWN 78:59

Dai lam ni hpe shi mu wu ai shaloi, Karai Kasang masin pawt nu ai; shing re ai lam ni a majaw, shi a amyu masha ni hpe tsep kawp kabai kau da nu ai.

SHAKAWN KUNGDAWN 99:6

Mawshe hte Arun gaw shi a hkinjawng yan rai nga ma ai, Samuela mung Madu kaw akyu hpyi ai wa rai nga ai; shanhte gaw Madu hpe shaga nga ma ai hte, Madu mung shanhte hpe htan ya mu ai.

PRU MAT 32:14

Dai re ai majaw dai Madu gaw shi a myit hpe galai kau nna, shi a amyu masha ni hpe jahkrit shama na ngu ai ru yak tsin-yam tsindam hpe dawm kau ya wu ai.

PRU MAT 33:17

Dai Madu gaw Mawshe hpe, “Ngai nang hpe kaja wa grai chye ai hte nang hpe awng sharawng nga nngai majaw nang hpyi lajin ai hte maren ngai hkan galaw na nngai,” ngu nna tsun wu ai.

PRU MAT 34:10

Dai Madu gaw Mawshe hpe, “Ya ngai Israela amyu masha ni hte ga shaka langai shagrin da na nngai. Ga ntsa ting na mungdan amyu mahkra hta galoi mung n galaw yu ai mauhpa amu kaba ni hpe shanhte a man e ngai galaw shapraw na we ai. Na a matu ngai galaw na amu gaw hkrit hpa amu rai nga ai majaw, Ngai Madu nan galaw lu ai amu kaba ni hpe amyu masha ni yawng mu lu na mara ai.

BU HKAWM 11:2

Amyu masha ni gaw Mawshe hpe jahtau let karum hpyi ma ai; Mawshe gaw dai Madu hpe hpyi nem wu ai majaw wan mung si mat nga ai.

TARA JAHPRANG 10:10

“Ngai mung shawng na lang hte maren bum e nhtoi mali shi ya mali shi na tup nga nga nngai. Dai shaloi na lang hta mung dai Madu gaw nye a ga madat ya wu ai majaw nanhte hpe n shamyit kau na shi myit hkrum nga ai.

TARA JAHPRANG 11:17

Dai hpe nanhte galaw myit dai rai yang, dai Madu gaw nanhte hpe masin pawt nna nanhte a lamu ga hpe nai mam n tu mat u ga nga, ja ja hkun hkraw mat hkra marang n jahtu ya na rai wu ai. Shi nanhte hpe jaw ai mungdan gaw kaja nga tim pyi kade n na yang nanhte gaw dai mung e si mat na rai myit dai.

TARA JAHPRANG 9:20

Arun hpe mung sat kau na nga, dai Madu shi hpe grai pawt wu ai; dai aten hta nan Arun a matu ngai hpyi nem ya we ai.

TARA JAHPRANG 9:8

Nanhte gaw dai Madu hpe Sina Bum e pyi pawt shangun myit dai rai nna nanhte hpe shamyit kau na daram pawt kau nu ai.

HEBRE 12:21

Mu lu ai lam ting gaw hkrit kajawng hpa rai nga ai majaw Mawshe pyi, “Ngai nachying hkrit gari mat ni ai,” nga nna tsun ai.