TARA JAHPRANG 9:18 - Jinghpaw Common Language Bible 2009

¹⁸ Dai hpang dai Madu a man e lang mi bai nhtoi mali shi ya mali shi na tup hpa mung n lu, n sha ai sha gum dagup let nga nga nngai. Nanhte gaw dai Madu hpe shut kau nna shi hpe masin pawt shangun manit dai majaw ndai amu hpe ngai galaw ni ai.

Jinghpaw Hanson Version Bible

¹⁸ Yehowa a man e nanhte n shawp ai amu shapraw nna, shi hpe shapawt ai mara nlang a majaw, shawng na zawn nhtoi mali shi ya tup Yehowa a man e ngai dingnyawm dagup nga nna, shat n sha ntsin n lu ai bai nga nga nngai.

TARA JAHPRANG 9:18 ပူးပေါင်းရင်းမြစ်များ

2 SAMUELA 12:16

Dawi chyawm gaw dai ma kaja wa na matu Karai Kasang kaw akyu hpyi nga ai. Lusha lama ma sha na matu mung shi ningdang kau nhtawm shana shagu shi a gawk kata de shang wa nna dun ntsa e galeng let shana hpe shalai kau kau di wu ai.

1 HKAWHKAM 19:8

Elia gaw rawt nna lu sha wu ai majaw chyoi pra ai bum ngu ai Sina de nhtoi mali shi ya tup hkawm sa wa na matu dai lusha gaw shi hpe n-gun ram ram jaw ya nga ai.

EZRA 10:6

Dai hpang shi gaw Nawku Htingnu ndaw kaw nna Eliashib a kasha Yehohanan a nga shara nta de shang sa nhtawm bawng lawt ai ni a n kam n sham ai a majaw dai yang e shana tup yawn madai let nga shalai kau wu ai. Shi gaw hpa mung n lu n sha rai nga ai.

SHAKAWN KUNGDAWN 106:23

Shi gaw shi a amyu masha ni hpe jahten kau na nga, Karai Kasang tsun wu ai shaloi, shi lata la ai shangun ma kaja Mawshe gaw shi a man e, rawt tsap nna, shanhte hpe n shamyit kau u ga, shi a masin kahtet ai hpe shakawp ya wu ai.

PRU MAT 34:28

Mawshe gaw dai yang e shat mung n sha, ntsin mung n lu ai mali shi ya, mali shi na tup dai Madu hte rau nga nga wu ai. Dai lungpa yan hta ga shaka ngu na Tara Kanu Shi hpe ka da wu ai.

PRU MAT 34:9

Shi gaw, “Madu e, nang ngai hpe teng teng awng sharawng ndai rai yang, anhte hte rau sa wa na matu ngai nang hpe lajin nngai. Ndai amyu masha ni du ja nga ma ti mung, anhte a n hkru n hkra ai hte shut hpyit ai yubak mara hpe dat kau ya nna, na a amyu masha majing ni zawn anhte hpe hkap la mi law,” ngu nna tsun wu ai.

TARA JAHPRANG 10:10

“Ngai mung shawng na lang hte maren bum e nhtoi mali shi ya mali shi na tup nga nga nngai. Dai shaloi na lang hta mung dai Madu gaw nye a ga madat ya wu ai majaw nanhte hpe n shamyit kau na shi myit hkrum nga ai.

TARA JAHPRANG 9:17

Shing re ai majaw nanhte a man e lungpa yan hpe adaw achyen rai ga kamang mat hkra ngai kabai ga kau ni ai.

TARA JAHPRANG 9:25

“Dai rai nna nanhte hpe shamyit kau na nga, shi daw dan da nu ai hpe ngai chye we ai majaw dai Madu a man e nhtoi mali shi ya, mali shi na tup ngai gum dagup da we ai.

TARA JAHPRANG 9:9

Dai Madu nanhte hte tawn da ai ga shaka ka da ai lungpa wa la na matu bum de ngai lung wa ai shaloi dai yang e nhtoi mali shi ya, mali shi na, shat n sha, hka n lu ai sha wa nga nga nngai.