TARA JAHPRANG 9:12 - Jinghpaw Common Language Bible 2009

¹² “Dai hpang dai Madu gaw ngai hpe, ‘Egutu mung kaw na nang woi wa ai na a amyu masha ni gaw hten za ai hte n hkru ai amu ni galaw shapraw manu ai; dai sha n-ga, shanhte hkan sa galaw na matu ngai hkang da ai kaw na mung shanhte kayin mat wa manu ai hte shanhte a matu hpara sumla hpe mung galaw shachyaw manu ai majaw bum kaw na alawan yu wa su,’ ngu nna tsun wu ai.

Jinghpaw Hanson Version Bible

¹² Yehowa gaw ngai e, ‘Rawt u, alawan yu wa sit: Egutu mung na nang shaw wa ai na a masha ni gaw byak mat masai; ngai hkang da ai lam hta na shanhte alawan dam mat wa nna, jaw ai sumla galaw rau masai,’ nga nna tsun dat ai.

TARA JAHPRANG 9:12 ပူးပေါင်းရင်းမြစ်များ

SHAKAWN KUNGDAWN 78:57

Shanhte a kaji kawa ni zawn, sadi n dung ai sha gumlau ai ni rai nga ma ai; magaw ai ndan pala zawn, n mai kam ai ni rai ma ai.

PRU MAT 13:3

Mawshe gaw amyu masha ni hpe, “Nanhte mayam yam hkrum ai shara hte Egutu mung na pru wa ai shani na dai nhtoi hpe adum nga mu. Dai nhtoi gaw dai Madu shi a galu kaba ai daru magam n-gun hte nanhte hpe woi shapraw wa ai shani rai nga ai. Nanhte gaw matsi n rawng ai muk sha lu na myit dai.

PRU MAT 32:1

Amyu masha ni gaw dai bum kaw Mawshe na na nga nna n yu wa sai hpe mu ma yang, shanhte gaw Arun kaw grup rai sa hpawng nhtawm, “Anhte hpe Egutu mung kaw na woi wa ai wa, dai Mawshe hta hpa byin sai gaw, anhte n chye saga ai; dai re ai majaw anhte hpe lam woi na hpara langai anhte a matu galaw ya mi,” ngu nna tsun ma ai.

HOSEA 6:4

Rai ti mung dai Madu gaw, “Israela hte Yuda e, ngai nanhte hte hpa galaw na rai nga a ta? Nye a matu nga nna nan madun ai tsaw ra myit gaw alawan hkoi mat ai jahpawt manap na sai wan hte mung, shani jau jau tsai mat wa ai numri hte mung bung nga ai.

GALATI 1:6

Hkristu a chyeju hta nanhte hpe shaga la ai wa kaw na nde wa lawan ai hku hka wa nna, Kabu Gara Shiga kaga amyu ni hkap la nga myit dai majaw nanhte hpe mau nga nngai.

TARA JAHPRANG 31:29

Ngai si mat ai hpang, amyu masha ni n hkru n shawp wa nhtawm ngai shanhte hpe sharin ya sai lam ni hpe shanhte ningdang kau na ma ai. Dai Madu hkum pat da ai amu galaw let shanhte shi hpe masin pawt shangun nga ma ai majaw htawm hpang prat e ru yak tsin-yam tsindam hte hkrum kadup na rai ma ai,” ngu nna tsun dan wu ai.

TARA JAHPRANG 32:5

Rai ti mung nanhte mahtang sadi n dung, shi a amyu masha tai na n ging nga myit dai; yubak kap nna masu hkalem ai amyu rai nga myit dai.

TARA JAHPRANG 4:16

numsha hte mung bung ai hkrang sumla nanhte a matu galaw let yubak n galaw hkrup myit ga, tinang nang a mai kaja ai lam hta shangang shakang nga mu.

TARA JAHPRANG 5:15

Nanhte gaw Egutu mung e mayam tai nga myit dai shaloi, nanhte a Karai Kasang ngai Madu nan nye a galu kaba ai daru magam n-gun hte nanhte hpe hkrang shaw la sai hpe adum nga mu. Dai lam a majaw Bansa Nhtoi hpe hkan shatup nga na ngai nanhte hpe hkang da ni ai.

TARA JAHPRANG 9:16

Nanhte gaw dai Madu nanhte a Karai Kasang nanhte hpe jaw ya manit dai shi a hkang da ai ga hpe n madat ai sha, nanhte nan dumsu kasha hkrang hpe nhprang arai hte jaw nna hpara sumla galaw nhtawm shi hpe shut kau nga manit dai gaw ngai mu ni ai.

TARA JAHPRANG 9:26

Ngai mung, ‘Tsaw Htum ai Madu e, na a galu kaba ai daru magam n-gun atsam hte Egutu mung kaw na hkrang shaw wa ai na a amyu masha ni hpe hkum shamyit kau et.

TARA JAHPRANG 9:29

Kaja wa tsun ga nga yang, na a galu kaba ai daru magam n-gun atsam hte Egutu mung kaw na nang woi shapraw wa nhtawm na a amyu masha ni majing tai na matu nang lata san da ai amyu masha ni she rai nga ma ai,’ ngu nna hpyi nem wu ai.

YUDA 1:10

Rai ti mung ndai masha ni gaw shanhte n chye n chyang ai hpa hpe mung mara shagun shahpyak chye ma ai. Nam na dusat chyazai ni zawn shanhte a hkritung myit hte chye na lu ai arai ni mung shanhte hpe hten za sum hkrum shangun nga ma ai.

TARA AGYI 2:17

Rai ti mung Israela masha ni gaw shanhte a ningbaw ni a ga hpe n madat hkraw nga ma ai. Israela gaw dai Madu hta sadi sahka myit n rawng nga manu ai majaw kaga hpara ni hpe nawku ma ai. Dai Madu a hkang da ai ga ni hpe shanhte a kawa ni madat mara hkan sa nga ma ti mung, ndai ban prat nnan amyu masha ni mahtang n hkan n sa mat ma ai.