TARA JAHPRANG 9:10 - Jinghpaw Common Language Bible 2009

¹⁰ Dai hpang nanhte bum e hpawng nga myit dai shani e, nanhte hpe wan kata kaw na shi tsun ai ga, shi a lata hte ka ai lungpa lahkawng dai Madu ngai hpe ap ya ni ai.

Jinghpaw Hanson Version Bible

¹⁰ Nanhte sa hpawng ai shani bum ntsa e Yehowa wan kata na tsun dat ai ga nlang, Karai Kasang a layung hte nan ka ai lungpa lahkawng, Yehowa ngai hpe ap ya nngai.

TARA JAHPRANG 9:10 ပူးပေါင်းရင်းမြစ်များ

PRU MAT 31:18

Karai Kasang gaw Sina Bum ntsa e Mawshe hte ga shaga ngut jang, Karai Kasang shi nan ka ai hkang da ai ga kap ai lungpa lahkawng shi hpe ap dat ya wu ai.

MAHTE 12:28

Ngai gaw Bezebula a n-gun atsam hte n rai, Karai Kasang a Wenyi atsam hte nat ni hpe shaden kau nngai. Dai hku teng yang gaw, Karai Kasang a Mungdan nanhte kaw du sai rai nga ai.

LUKA 11:20

Rai ti mung, ngai gaw Karai Kasang a n-gun atsam hte she nat ni hpe shaden kau nngai majaw, Karai Kasang a Mungdan nanhte kaw du sai sakse rai nga ai.

2 KORINHTU 3:3

Dai laika hpe Hkristu shi nan ka nhtawm, anhte hte shagun dat ai gaw dan leng nga ai. Dai laika hpe tsi hte n ka ai sha hkrung nga ai Karai Kasang a wenyi hte, bai lungpa ni hta n re ai sha shinggyim masha ni a kraw lawang ni hta ka da nga ai.

TARA JAHPRANG 10:4

Dai hpang dai Madu gaw nanhte bum e wa hpawng nga myit dai shani e, wan hta nna shi tsun nhtawm nanhte hpe jaw ya manit dai dai Tara Kanu Shi hpe shawng na lang ka ai ga hkum ni hte maren ndai lungpa yan hta ka shakap wu ai.

TARA JAHPRANG 18:16

“Nanhte Sina Bum e hpawng nga myit dai shani hta, nanhte si na hkrit nga myit dai majaw, dai Madu tsun ai ga hpe bai n na lu myit ga mung, wan zawn re ai dai Madu a hpung shingkang hpe galoi mung bai n mu mada lu myit ga, hpyi nem yu manit dai.

HEBRE 8:10

Ya ndai ga shaka gaw du na ra ai nhtoi ni a hpang e Israela amyu masha ni hte ngai tawn da na ga shaka rai nga ai. Shanhte a myit masin kata hta nye a tara hpe ngai bang da ya na mawe ai, shanhte a kraw lawang hta ka da na we ai: Shanhte a Karai Kasang ngai tai na nngai rai nna, shanhte gaw nye a amyu masha ni tai na mara ai.