TARA JAHPRANG 9:1 - Jinghpaw Common Language Bible 2009

¹ “Israela amyu masha ni e, madat mu! Nanhte hta grau kaba nna n-gun grau ja ai masha amyu baw ni madu da ai mungdan hpe dai ni, nanhte Yawdan hka rap nhtawm sa madu la na sha rai manit dai. Shanhte a mare ni hpe lamu dep bunghku ni hte kum shinggrup da nga ai.

Jinghpaw Hanson Version Bible

¹ Israela amyu e, madat mara la u: nang hta grau kaba nna, n-gun grau ja ai amyu ni hpe mung, lamu ganghkau dep ai bunghku e shinggrup ai mare kaba ni hpe mung,

TARA JAHPRANG 9:1 ပူးပေါင်းရင်းမြစ်များ

NINGPAWT NINGHPANG 11:4

Shanhte gaw, “Lamu dep langchyi hte mare langai mi hpe anhte jawm galaw ga, shaloi anhte a matu amying gumhkawng shangun lu nna ga ntsa ting hta anhte n bra mat na ga ai,” ngu nna tsun ma ai.

PRU MAT 32:1

Amyu masha ni gaw dai bum kaw Mawshe na na nga nna n yu wa sai hpe mu ma yang, shanhte gaw Arun kaw grup rai sa hpawng nhtawm, “Anhte hpe Egutu mung kaw na woi wa ai wa, dai Mawshe hta hpa byin sai gaw, anhte n chye saga ai; dai re ai majaw anhte hpe lam woi na hpara langai anhte a matu galaw ya mi,” ngu nna tsun ma ai.

Daniela 4:11

Dai hpun gaw kaba wa nna sumsing lamu de dep hkra kaba lung wa nga ai; mungkan ga na shinggyim masha shagu hte wa dai hpe mu lu ma ai.

AMO LAIKA (AMOS) 2:9

“Ti mung, nye a amyu masha ni e, arit hpun daram tsaw nna wamyi hpun zawn n-gun ja ai Amori la wa-ngan ni hpe na a majaw ngai tsep kawp jahten shaza kau ni ai.

BU HKAWM 13:22

Shanhte gaw dingda daw de shawng shang sa nna Anak ngu ai galu kaba ai amyu matu mara ni rai nga ai Ahiman, Sheshai hte Talamai lakung lama ni nga ai Hebron mare de du shang ma ai. (Hebron mare gaw Egutu mung na Zoan mare garai n de yang sanit ning shawng nna de nga sai mare re.)

BU HKAWM 33:51

Israela a matu hkan sa na ga matsun ni jaw ya wu ai. Dai gaw: “Nanhte Yawdan hka rap nna Hkanan mung de du shang wa jang,

TARA JAHPRANG 1:28

Anhte dai de hpa majaw lung wa na rai nga ga ta? Anhte hkrit ga ai. Anhte shangun dat ai masha ni mung dai mung na masha ni anhte hta grau n-gun ja ai hte hkum shingyan mung tsaw ma ai; shanhte gaw lamu dep bunghku hte kum da ai mare ni hta rawng nga ma ai. Shanhte gaw dai mung na grai galu kaba ai masha ni hpe mu ma ai!,’ nga nna tsun dan let shada da aput myit dai.

TARA JAHPRANG 11:23

Dai hpang nanhte rawt lung wa myit yang, dai amyu nlang hte hpe shi shaden shapraw kau nna nanhte hta grau galu kaba ai hte daru magam n-gun grau rawng ai amyu baw ni up nga ai mungdan hpe madu la lu na rai myit dai.

TARA JAHPRANG 11:31

Dai Madu nanhte a Karai Kasang jaw ya nga ai mungdan hpe madu la na matu, Yawdan hka rap na nanhte ri ri sha rai nga manit dai. Nanhte gaw dai mung hpe la nna dai yang e shanu nga myit yang, dai ni ngai nanhte hpe jaw ya nga ai tara ni yawng hpe teng teng hkan sa madat mara lu na rai myit dai.

TARA JAHPRANG 27:2

Nanhte Yawdan hka rap di nna dai Madu nanhte a Karai Kasang nanhte hpe jaw ya ai mungdan de shang wa ai shani hta nanhte gaw nlung kaba nkau mi hpe sharawt shadun nhtawm dai ni hta ing gade hte chya da let,

TARA JAHPRANG 3:18

“Dai aten hta ngai shanhte hpe hkan sa na ga matsun ni hpe jaw ya ni ai: “Dai Madu anhte a Karai Kasang gaw nanhte hpe dai Yawdan Hka sinpraw maga na lamu ga hpe madu la na matu jaw ya manit dai. Ya chyawm gaw hpyen rai lang nna gasat gala ai masha ni hpe kaga Israela amyu bawsang ni a shawng e Yawdan hka rap di shangun nhtawm lamu ga madu la lu hkra shanhte hpe karum na rai myit dai.

TARA JAHPRANG 4:1

Dai hpang Mawshe gaw amyu masha ni hpe, “Ngai nanhte hpe sharin ya nga ai tara ni yawng hpe madat mara nga mu; shaloi dai Madu nanhte a kaji kawa ni a Karai Kasang nanhte hpe jaw ya nga ai lamu ga hpe nanhte madu la nna nga nga lu na marin dai.

TARA JAHPRANG 4:38

Nanhte rawt lung wa myit dai shaloi, shanhte a lamu ga hpe nanhte matut madu lu na matu, nanhte hta grau kaba nna n-gun rawng ai amyu baw ni hpe shi shaden kau ya manit dai. Shi gaw nanhte hpe shang sha shangun nna nanhte madu la na rai nga ai shanhte a lamu ga nanhte hpe jaw ya na ru ai.

TARA JAHPRANG 6:10

“Dai Madu na a Karai Kasang gaw na nji nwa Abraham, Isak hte Yaku ni hpe ga sadi jaw da sai hte maren, nang n de da ai dai sut gan hte hkum ai mare kaba ni

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

YAWSHU 1:11

amyu masha ni hpe, “Dai Madu nanhte a Karai Kasang nanhte hpe jaw ya ai mungdan hpe madu la na matu masum ya e, ndai Yawdan hka rap na rai nga manit dai majaw, lusha jarit jin jin jahting da manu,” ngu nna tsun wu ai.

YAWSHU 1:15

Ndai hku galaw ai hpe nanhte a Madu Karai Kasang e shanhte hpe jaw da ai Yawdan hka a sinna maga na lamu ga hpe shanhte lu madu la ai aten du hkra galaw na rai myit dai. Israela amyu bawsang yawng hpe shim lum ai lam lajang da ya ngut jang, nanhte mung bai nhtang wa mai nhtawm, dai Madu a shangun ma Mawshe nanhte hpe jaw sai dai Yawdan hka a sinpraw hkran na nanhte a mung ngu na ndai yang e wa nga na rai myit dai,” ngu nna tsun mu ai.

YAWSHU 14:12

Dai rai nna, nye a masha ni hte ngai shiga jaw ai shani hta dai Madu ngai hpe ga sadi jaw ai dai bum ga ngai hpe jaw rit. Dai hta Anakim mying ai dai galu kaba ai masha ni, ngang ai bunghku hte kum da ai mare ni hta nga nga ai lam nang hpe anhte tsun dan saga ai. Dai Madu tsun ai ga hte maren, shi ngai hte rau nga nga u ga, shaloi shanhte hpe ngai shaden shapraw kau lu na nngai,” ngu nna tsun wu ai.

YAWSHU 3:14

Dai aten gaw nmut aten rai nna hka tung nga ai. Amyu masha ni Yawdan hka rap di na matu dabang kaw na pru wa ma ai shaloi, hkinjawng ni gaw Ga Shaka Sumpu hpai nna shanhte a shawng e sa wa nga ma ai. Hkinjawng ni hka kabye dat ai hte rau,

YAWSHU 3:16

lwi nga ai hka gaw hkring mat nna grai tsan ai Zarehtan makau na Adam mare du hkra sumpum tsaw mat wa nga ai. Jum Nawng de lwi yu wa ai hka mung tsep kawp hkyet mat ai rai nna amyu masha ni mung Yerihko mare ang ang hku rap sa wa ma ai.

YAWSHU 3:6

Dai hpang, hkinjawng ni hpe mung Ga Shaka Sumpu hpai let amyu masha ni a shawng e pru sa wa na lam tsun mu ai. Shanhte mung shi tsun ai hte maren galaw ma ai.

YAWSHU 4:19

Dai amyu masha ni gaw shata langai ngu na nhtoi shi ya hta Yawdan hka rap kawt mat wa nhtawm Yerihko a sinpraw maga Gilgala e dap jung ma ai.

YAWSHU 4:5

shanhte hpe, “Dai Madu nanhte a Karai Kasang a Ga Shaka Sumpu a shawng e Yawdan hka de shang sa wa masu; shaloi Israela amyu bawsang shagu a matu nlung langai hpra tinang a lahpa hta hpai wa lu na rai myit dai.