TARA JAHPRANG 8:9 - Jinghpaw Common Language Bible 2009

⁹ Nanhte gaw dai mung e ra kadawn ai lam n nga hkra, galoi mung hkru hkru kat kat sha lu na rai myit dai. Dai mung na lunghkrung ni hta hpri hkrai chyat rai nna bum kata na magri hkyeng htu shaw la lu na rai myit dai.

Jinghpaw Hanson Version Bible

⁹ ra ai lam lama mi muk n nga hkra, hkru hkru hpring hpring sha lu ai ga; hpri rawng ai nlung hkrai chyat rai nna, bum kata na magri htu shaw lu ai ga de woi wa nit dai.

TARA JAHPRANG 8:9 ပူးပေါင်းရင်းမြစ်များ

1 HKAWHKAM LABAU 22:14

Nawku Htingnu gap ai hta lang na matu ngu nna nye a n-gun hte aja tan hkying mali hte gumhpraw tan mun mali daram hpe ngai mahkawng da nngai. Dai sha n-ga, n dang hti hkra law ai magri mang hte hpri mung nga nga ai. Ngai mung hpunpyen hte nlung ni hpe shajin da ni ai, rai ti mung nang gaw dai hta naw jat lu na rai ndai.

1 HKAWHKAM LABAU 22:3

Shi gaw hpri maina galaw na matu hpri law law hpe mung, hpun chyinghka ni a matu matep ni hpe mung, kadai e mung n dang shen hkra law ai magri mang ni hpe tawn da wu ai.

YOBA 28:2

Anhte gaw ga kata na hpri htu shaw la ga ai Nlung ni kaw na magri hkyeng shabyawng la nga ai.

TARA JAHPRANG 33:25

Shi a mare ni hpri chyinghka hte makawp maga da na rai wu ai; Shi gaw prat dingsa shim lum ai hte nga lu na rai wu ai.”

TARA JAHPRANG 8:10

Nanhte sha mayu ai lusha yawng lu la na rai nna, dai Madu nanhte a Karai Kasang nanhte hpe jaw ya nu ai dai ga sau hte hpring nna ningru ningja ai lamu ga a majaw shi hpe chyeju dum na rai myit dai.

TARA JAHPRANG 8:8

hkaulan mam, muk-yaw mam, sabyi si, maihpang si, hkainu si, tsanlun si hte lagat ntsin ni hpe shapraw ya ai ga de nanhte hpe woi wa nga ai.

TARA AGYI 18:10

Nanhte dai de du myit dai shaloi, arai lama mi hpe pyi n tsen ai myit n rawng ai masha ni hpe nanhte sa mu na rai myit dai; dai mung gaw kaba ai mung rai nga ai; masha langai mi shi ra ai lam magup hpe lu la mai ai ga rai nga ai. Karai Kasang gaw dai lamu ga nanhte hpe jaw ya manit dai,” ngu nna htan mu ai.