TARA JAHPRANG 8:8 - Jinghpaw Common Language Bible 2009

⁸ hkaulan mam, muk-yaw mam, sabyi si, maihpang si, hkainu si, tsanlun si hte lagat ntsin ni hpe shapraw ya ai ga de nanhte hpe woi wa nga ai.

Jinghpaw Hanson Version Bible

⁸ hkaulan mam, muk-yaw mam, tsabyi ru, maihpang hpun, hkainu si hpun ningru ai ga; tsanlun sau hte lagat jahku ing ai ga;

TARA JAHPRANG 8:8 ပူးပေါင်းရင်းမြစ်များ

NINGPAWT NINGHPANG 49:11

Shi a lawze uram hpe kaja htum ai sabyi ru ni hte sabyi hpun ni hta dun da let, Sai zawn hkyeng ai sabyi ntsin hta Shi a hpun palawng ni hkrut wu ai.

2 SAMUELA 4:6

Chyinghka lam e hkaulan mam katsap nga ai numsha gaw yup shamwi ai hte yup taw nga yang, Rehkab hte Bana yan mayun shang mat wa ma ai.

1 HKAWHKAM 5:11

Shawlumon mung Hiram hpe hkaulan mam dang 62,500, tsanlun sau jet galan 110,000 hpe shaning shagu Hiram a masha ni hpe jaw ya wu ai.

SHAKAWN KUNGDAWN 147:14

Shi gaw na a lamu ga jarit ni hpe shim nga shangun nna; sau ai hkaulan mam hta nang hpe shakat ya nga ai.

SHAKAWN KUNGDAWN 81:16

Rai ti mung, kaja htum ai hkaulan mam hte ngai shanhte hpe bau nna, nam na lagat jahku hte shanhte hpe myit dik hkra jahkru na mawe ai.”

ESAIA 7:23

“Dai aten du ai shaloi, gumhpraw hkying mi hte ging ai sabyi ru hkying mi tu ai ja kat ai sabyi sun ni gaw ju sumwum hte ju hpun ni hte tu ka-up kau na ra ai.

YEREMIA 2:7

Ngai gaw shanhte hpe ga sau kaja ai mung de woi jashawn nna dai mung na nsi naisi ni hte kaga kaja ai sut rai ni hta kabu gara shangun ni ai. Rai ti mung shing rai na malai, shanhte gaw nye a mungdan hpe jahten sharun kau nna; ngai shanhte hpe jaw sai mungdan hpe shanhte awu asin di kau manu ai.

YEREMIA 5:17

Shanhte gaw na a nsi naisi ni hte lusha ni hpe sha kau na mara ai; shanhte gaw na a shadang sha ni hte shayi sha ni hpe sat kau na mara ai. Shanhte gaw na a yam nga hpung hte sagu bainam hpung ni hpe mung sat kau ya na mara ai, na a sabyi ru ni hte lakum hpun ni hpe mung jahten kau ya na mara ai. Nang kam nga ai bunghku kum ai mare ni hpe mung shanhte a hpyen luksuk ni jahten kau ya na ra ai.

EZEKELA 27:17

Yuda hte Israela mung gaw na a gun rai ni hte galai la na matu hkaulan mam, lagat ntsin, tsanlun sau hte namji namya ni la sa ma ai.

HOSEA 2:8

Ngai gaw shi hpe nai mam nsi naisi, sabyi ntsin, tsanlun sau, Bala hpara hpe nawku ai hta shi lang ai ja gumhpraw yawng hpe jaw ai wa rai nga nngai hpe shi galoi mung yin la nga ai n rai.

MIHKA 4:4

Masha shagu gaw tinang a sabyi sun ni hte lakum hpun lapran hkan ngwi pyaw sim sa ai hte nga lu na mara ai, kadai mung shanhte hpe jahkrit na mara ai n rai. Chyahtum Chyalai N-gun rawng ai dai Madu gaw ndai lam hpe ga sadi tawn da nu ai.

HABAKU 3:17

Lagum hpun ni hta asi n si, sabyi ru ni hta asi n si, tsanlun hpun hta asi n noi, yi hkauna ni hta nai mam n shapraw, sagu ni yawng si htum nna dumsu lawng hta kaman rai mat ti mung,

BU HKAWM 13:23

Shanhte gaw Eshkola Kadit de du jang, marai lahkawng hpai ram hkra li ai asi sumbaw sabyi lakung langai mi dan la nna dai hpe kandang dinghkrawn let shingtau hpai wa ma ai. Hkainu si hte maihpang si loi mi hpe mung hpai wa ma ai.

YAWHAN 6:13

Dai rai nna shanhte hkan hta la ma yang, dai muk yaw tawng manga hta na sha ai ni ngam ai ahkyep alep, ka shi lahkawng hpring tup lu la ma ai.

YAWHAN 6:9

“Nang e, muk yaw muk tawng manga hte nga lahkawng lu ai lasha ma langai mi nga nga ai. Rai ti mung, nde wa law ai masha ni a matu gaw kanang dang law na rai ta?,” ngu nna tsun dan wu ai.

TARA JAHPRANG 32:13

“Shi gaw shanhte hpe tsaw grau ai shara ni up shangun nna yi hkauna hta tu ai nsi naisi ni hpe sha nga ma ai. Lunghkrung lunghtawn hkan na lagat ntsin mu tam nna lungbra ni hta tsanlun hpun ni tu abya nga ai.

TARA JAHPRANG 32:14

Shanhte a dumsu, bainam ni chyu alaw alam jaw ma ai; ra n rawng ai dumsu yam nga, sagu bainam shanhte hta nga nga ai. Kaja htum ai hkaulan mam hte jet ai sabyi ntsin shanhte lu ma ai.

TARA JAHPRANG 6:3

Israela amyu masha ni e, dai hkang da ai ga ni hpe madat mara nna hkan galaw nga mu! Dai Madu anhte a kaji kawa ni a Karai Kasang a ga sadi nga ai hte maren, nanhte yawng ngamu ngamai wa nna n-gun rawng ai amyu kaba tai wa nhtawm ga sau hte hpring nna ningru ningja sut su ngamai ai mungdan hta nga lu na rai myit dai.

TARA JAHPRANG 8:7

Dai Madu nanhte a Karai Kasang gaw ga sau hte hpring nna ningru ningja ai mungdan, hkaraw nhkap bum shagawng ntsa hkan nna lwi hkrat wa ai hka nu, hka shi, hka hpawk ni hte kadit hte kawng ni de kahpawk pru nga ai ga a lawu tsang na hka ni hte hpring ai ga;

TARA JAHPRANG 8:9

Nanhte gaw dai mung e ra kadawn ai lam n nga hkra, galoi mung hkru hkru kat kat sha lu na rai myit dai. Dai mung na lunghkrung ni hta hpri hkrai chyat rai nna bum kata na magri hkyeng htu shaw la lu na rai myit dai.